Psa 1 | CopSahBible2 | STEP | ⲛⲁⲓⲁⲧϥ ⲙⲡⲣⲱⲙⲉ ⲉⲧⲉⲙⲡⲉϥⲃⲱⲕ ϩⲙ ⲡϣⲟϫⲛⲉ ⲛⲛⲁⲥⲉⲃⲏⲥ ⲙⲡⲉϥⲁϩⲉⲣⲁⲧϥ ϩⲓ ⲧⲉϩⲓⲏ ⲛⲛⲣⲉϥⲣⲛⲟⲃⲉ ⲙⲡⲉϥϩⲙⲟⲟⲥ ϩⲓ ⲧⲕⲁⲑⲉⲇⲣⲁ ⲛⲛⲗⲟⲓⲙⲟⲥ

Psalms 1

1 ⲛⲁⲓⲁⲧϥ ⲙⲡⲣⲱⲙⲉ ⲉⲧⲉⲙⲡⲉϥⲃⲱⲕ ϩⲙ ⲡϣⲟϫⲛⲉ ⲛⲛⲁⲥⲉⲃⲏⲥ ⲙⲡⲉϥⲁϩⲉⲣⲁⲧϥ ϩⲓ ⲧⲉϩⲓⲏ ⲛⲛⲣⲉϥⲣⲛⲟⲃⲉ ⲙⲡⲉϥϩⲙⲟⲟⲥ ϩⲓ ⲧⲕⲁⲑⲉⲇⲣⲁ ⲛⲛⲗⲟⲓⲙⲟⲥ 2 ⲁⲗⲗⲁ ⲉⲣⲉⲡⲉϥⲟⲩⲱϣ ϣⲟⲟⲡ ϩⲙ ⲡⲛⲟⲙⲟⲥ ⲙⲡϫⲟⲉⲓⲥ ⲁⲩⲱ ϥⲛⲁⲙⲉⲗⲉⲧⲁ ⲙⲡⲉϥⲛⲟⲙⲟⲥ ⲙⲡⲉϩⲟⲟⲩ ⲙⲛ ⲧⲉⲩϣⲏ 3 ϥⲛⲁⲣⲑⲉ ⲙⲡϣⲏⲛ ⲉⲧⲣⲏⲧ ϩⲓϫⲛ ⲙⲙⲁ ⲛϩⲁⲧⲉ ⲙⲙⲟⲟⲩ ⲡⲁⲓ ⲉⲧⲛⲁϯ ⲙⲡⲉϥⲕⲁⲣⲡⲟⲥ ϩⲙ ⲡⲉϥⲟⲩⲟⲉⲓϣ ⲛⲛⲉϥϭⲱⲃⲉ ⲛⲁⲥⲣⲟϥⲣⲉϥ ⲁⲛ ϩⲱⲃ ⲛⲓⲙ ⲉⲧϥⲛⲁⲁⲁⲩ ⲛⲁⲥⲟⲟⲩⲧⲛ 4 ⲛⲧⲁⲓ ⲁⲛ ⲧⲉ ⲑⲉ ⲛⲛⲁⲥⲉⲃⲏⲥ ⲛⲧⲁⲓ ⲁⲛ ⲧⲉ ⲑⲉ ⲁⲗⲗⲁ ⲉⲩⲛⲁⲣⲑⲉ ⲙⲡϣⲟⲉⲓϣ ⲉϣⲁⲣⲉ ⲡⲧⲏⲩ ⲑⲗⲟϥ ⲉⲃⲟⲗ ϩⲓϫⲙ ⲡϩⲟ ⲙⲡⲕⲁϩ 5 ⲉⲧⲃⲉ ⲡⲁⲓ ⲙⲛ ⲁⲥⲉⲃⲏⲥ ⲛⲁⲧⲱⲟⲩⲛ ϩⲛ ⲧⲉⲕⲣⲓⲥⲓⲥ ⲟⲩⲇⲉ ⲣⲉϥⲣⲛⲟⲃⲉ ϩⲛ ⲧⲥⲩⲛⲁⲅⲱⲅⲏ ⲛⲛⲇⲓⲕⲁⲓⲟⲥ 6 ϫⲉ ⲡϫⲟⲉⲓⲥ ⲥⲟⲟⲩⲛ ⲛⲧⲉϩⲓⲏ ⲛⲛⲇⲓⲕⲁⲓⲟⲥ ⲧⲉϩⲓⲏ ⲇⲉ ⲛⲛⲁⲥⲉⲃⲏⲥ ⲛⲁϩⲉ ⲉⲃⲟⲗ