Psalms 86
1ⲡⲉⲯⲁⲗⲙⲟⲥ ⲛⲧⲱⲇⲏ ⲛⲛϣⲏⲣⲉ ⲛⲕⲟⲣⲉ ⲉⲣⲉⲛⲉϥⲥⲛⲧⲉ ϩⲛ ⲛⲧⲟⲟⲩ ⲉⲧⲟⲩⲁⲁⲃ 2ⲡϫⲟⲉⲓⲥ ⲙⲉ ⲛⲙⲡⲩⲗⲏ ⲛⲥⲓⲱⲛ ⲉϩⲟⲩⲉ ⲙⲙⲁ ⲛϣⲱⲡⲉ ⲧⲏⲣⲟⲩ ⲛⲓⲁⲕⲱⲃ 3ⲁⲩϫⲱ ⲛϩⲉⲛⲧⲁⲉⲓⲟ ⲉⲧⲃⲏⲏⲧ ⲉⲧⲡⲟⲗⲓⲥ ⲙⲡⲛⲟⲩⲧⲉ ⲇⲓⲁⲯⲁⲗⲙⲁ 4ϯⲛⲁⲣⲡⲙⲉⲉⲩⲉ ⲛϩⲣⲁⲁⲃ ⲙⲛ ⲃⲁⲃⲩⲗⲱⲛ ⲛⲉⲧⲥⲟⲟⲩⲛ ⲙⲙⲟⲓ ⲡϫⲟⲉⲓⲥ ⲉⲓⲥ ⲛⲁⲗⲗⲟⲫⲩⲗⲟⲥ ⲙⲛ ⲧⲩⲣⲟⲥ ⲙⲛ ⲡⲗⲁⲟⲥ ⲛⲛⲉϭⲟⲟϣ ⲛⲁⲓ ⲉⲛⲧⲁⲩϣⲱⲡⲉ ⲙⲙⲁⲩ 5ⲡⲣⲱⲙⲉ ⲛⲁϫⲟⲟⲥ ϫⲉ ⲧⲁⲙⲁⲁⲩ ⲥⲓⲱⲛ ⲁⲩⲱ ⲁⲣⲱⲙⲉ ϣⲱⲡⲉ ⲛϩⲏⲧⲥ ⲛⲧⲟϥ ⲡⲉⲛⲧⲁϥⲥⲙⲛⲥⲛⲧⲉ ⲙⲙⲟⲥ ϣⲁ ⲉⲛⲉϩ 6ⲡϫⲟⲉⲓⲥ ⲡⲉⲧϫⲟⲥⲉ ⲛⲁϣⲁϫⲉ ϩⲛ ⲧⲉⲅⲣⲁⲫⲏ ⲛⲛⲗⲁⲟⲥ ⲙⲛ ⲛⲁⲣⲭⲱⲛ ⲛⲁⲓ ⲉⲛⲧⲁⲩϣⲱⲡⲉ ⲛϩⲏⲧⲥ 7ϫⲉ ⲉⲣⲉⲡⲙⲁ ⲛϣⲱⲡⲉ ⲛⲛⲉⲧⲉⲩⲫⲣⲁⲛⲉ ⲧⲏⲣⲟⲩ ⲛϩⲏⲧⲉ
Copyright information for
CopSahBible2