Isa 2 | KYC | STEP | Pii dake Anatumi Juta wambu Jerusaleme paleyami dupwana lao Aisaya Emose ikinyingi doko lamaiya.

Isaiah 2

Mona Kyuu Lao Singi Renge Doko Sulu Sera

(Mae 4:1-3)

1 Pii dake Anatumi Juta wambu Jerusaleme paleyami dupwana lao Aisaya Emose ikinyingi doko lamaiya.

2 Yuu gii mende pyaka sera ingilyamo dokopa
tembole anda karamo yuu kyau dokome dokopa
yuu kyau doloma nyuo isa palyuo sera ingyara.
Seramo dokona yuu muu doloma mee kaeya nao ipwa ingyuo kulimbwanyi peeyo epo karalu kararami ingyara.
3 Yuu dupwana wambu dupwame lao dokopa
Isaraele wambunya Kamongo Anatunya yuu kyau tembole anda dokona monako lao parami ingyara.
Namwa baame apa pimili lao suu pilyamo dokona mana nyuo
baame kata parama doko wapwakao otapya dokona pao pimanale.
Kamongona mana pii doko yuu Jerusaleme dokona piso epara
yuu Sayone dokona piso banya wambu dupwa lamailyamo.

4 Baame yuu muu andake dupwana apiyanda pyuo lao kararami dupwa kooso karena lao rolara.
Nakamana wua gela dupwa yanda kaepala yuu apu renge ane isa ingyuo wasarami. Nakamana kaku dupwame kope pyakepenge wua ingyuo wasarami.
Yuu muu andake dupwa dee yanda pela pelyamano lao paminyili pyuo paa nao
dee yanda pingya mata wara pyuo karo puminyili pyuo paraminde daa.
5 Dakapa Jekopena para piyamo dupwa Kamongona kata yalu pii napala ena pasi silyamo dokona papyuo pyuo karo pimanale ipupwa. ^{▼▼2:6—4:6Wambu namwa ketaele ingyuo karamano lao suu pingipi koo pingipi dupwa Anatumi kote lara. Dopa piramopape wambu lete kararaminyi dupwa Anatumi nakama wate pyuo enenge inginyi pyambwakaro lao lalu lao leya.}