Psalms 120
Yawe, kangola ngai !
Nzembo ya mobembo tango bazalaki na nzela mpo na kokende na ndako na Yawe
1 Nabengi Yawe kati na bapasi na ngai,
mpe ye azongiseli ngai eyano.
2 Bikisa ngai, Yawe,
na bambebo ya lokuta,
mpe na lolemo oyo ekosaka.
3 Eloko nini akosala mpo na yo,
mpe akobakisela yo nini, e lolemo oyo ekosaka ?
4 Akopesa yo etumbu na makonga ya mino ya elombe,
elongo na makala ya moto ya nzete ya nzube.
5 Mawa na ngai ete nazali
kovanda kati na Meseke,
mpo nazali kovanda na kati-kati ya bandako
ya kapo ya Kedali.
6 Nawumeli mingi kovanda na kati
ya bato oyo bayinaka kimia.
7 Nazali moto ya kimia ;
kasi soki nalobi, baponaka etumba.
Copyright information for
LinMNB