Psalms 29
Mongongo ya Yawe
Nzembo ya David
1 Bopesa epai na Yawe,
bino bilombe !
Bopesa epai na Yawe nkembo mpe makasi !
2 Bopesa epai na Yawe nkembo oyo ekoki na kombo na ye ;
bokumbamela Yawe kati na kongenga ya bosantu na ye.
3 Mongongo ya Yawe ezali likolo ya mayi ;
Nzambe ya nkembo azali koganga lokola kake,
Yawe azali koganga lokola kake
likolo ya bamayi ya makasi penza.
4 Mongongo ya Yawe ezali na nguya mingi,
mongongo ya Yawe ezali na lokumu mingi.
5 Mongongo ya Yawe ebukaka banzete ya Sedre ;
Yawe abukaka mike-mike banzete ya Sedre ya Liban.
6 Apumbusaka Liban
lokola mwana ngombe, mpe Silioni
lokola mwana ya mpakasa.
7Mongongo ya Yawe ebimisaka balolemo ya moto.
8 Mongongo ya Yawe elengisaka esobe ;
Yawe alengisaka esobe ya Kades.
9 Mongongo ya Yawe ebotisaka bamboloko,
mpe ekomisaka bazamba polele.
Mpe na kati ya Ndako na ye, biloko nyonso egangaka :
“Nkembo !”
10 Yawe avandaki na kiti ya bokonzi likolo ya mpela ;
Yawe avandaki na kiti ya bokonzi lokola Mokonzi
mpo na libela na libela.
11 Yawe apesaka bato na ye makasi ;
Yawe apambolaka bato na ye na kimia.
Copyright information for
LinMNB