Psalms 67
Tika ete bato nyonso bakumisa Nzambe
Nzembo epai ya mokambi ya bayembi ; eyembamaki na gitare.
1 Tika ete Nzambe amonisa ngolu na ye epai na biso
mpe apambola biso,
mpe elongi na ye engengela biso ;
2 mpo ete banzela na yo eyebana na mokili,
lobiko na yo kati na bikolo nyonso.
3 Tika ete bato basanzola yo, Nzambe ;
tika ete bato nyonso basanzola yo !
4 Tika ete bikolo esepela,
mpe eyemba na esengo ;
pamba te okambaka bato na bosembo nyonso,
mpe atambwisaka bikolo oyo ezali na mokili.
5 Tika ete bato basanzola yo, Nzambe ;
tika ete bato nyonso basanzola yo !
6 Bongo mabele ekobota bambuma na yango ;
mpe Nzambe, Nzambe na biso akopambola biso.
7 Nzambe akopambola biso ;
mpe basuka nyonso ya mokili mobimba bakobanga ye.
Copyright information for
LinMNB