Psalms 85

Yawe asalelaka biso bolamu

Nzembo ya bana ya Korea epai ya mokambi ya bayembi.

1 Olakisaki ngolu na yo na mabele na yo, Yawe ;
ozongisaki bozui ya Zakobi.

2 Olimbisaki bomengo mabe ya bato na yo ;
mpe ozipaki masumu na bango nyonso.

3 Otiaki pembeni kanda na yo nyonso ;
mpe obalukaki wuta na kosilika na yo ya makasi.

4 Zongisa biso ndenge tozalaki
Nzambe Mobikisi na biso,

5 Okozala na kanda epai na biso libela ?
okowumisa kanda na yo na mabota nyonso ?

6 okozongisela biso lisusu bomoi te,
mpo ete bato na yo basepela kati na yo ?

7 lakisa biso bolingo na yo ya makasi, Yawe ;
mpe pesa biso lobiko na yo.

8 Nakoyoka oyo Yawe Nzambe akoloba ;
alaki kimia
epai ya bato na ye,
basantu na ye ;
kasi tika bango babaluka lisusu te na liboma.

9 Ya solo, lobiko na ye ezali pene-pene
ya baoyo babangaka ye ;
mpo ete nkembo na ye evanda na mabele na biso.

10 Bolingo mpe boyengebene ekutani elongo ;
bosembo mpe kimia eyambani noki na mosusu.

11 Boyengebene ebimi na mokili ;
mpe bosembo na se wuta na likolo.

12 Yawe akopesa oyo ezali malamu ;
mpe mabele na biso ekobota bambuma na yango.

13 Bosembo ekotambola liboso na ye ;
mpe ekobongisa nzela mpo na makolo na ye.