Psa 126 | NdeBEN | STEP | Ingoma yemiqanso. Kwathi lapho uThixo ebuyisa izithunjwa eZiyoni, sasinjengabantu abaphuphayo.

Psalms 126

Ingoma yemiqanso.

1 Kwathi lapho uThixo ebuyisa izithunjwa eZiyoni,
sasinjengabantu abaphuphayo.
2 Imilomo yethu yayigcwele ngohleko,
lezindimi zethu zicula izingoma zentokozo.
Basebesithi abezizwe,
“UThixo ubenzele izinto ezimangalisayo.”
3 UThixo usenzele izinto ezimangalisayo,
ngakho siyathokoza kakhulu.

4 Buyisa ukuphumelela kwethu, Oh Thixo,
njengemifula eseNegebi.
5 Labo abahlanyela ngezinyembezi
bazavuna ngezingoma zentokozo.
6 Lowo ophuma ekhala,
ethwele inhlanyelo ukuba ayehlanyela
uzabuya ngezingoma zentokozo,
ethwele izinyanda.