2Ch 26 | Ndebele | STEP | Bonke abantu bakoJuda basebethatha uUziya owayeleminyaka elitshumi lesithupha, bambeka waba yinkosi esikhundleni sikayise uAmaziya.

2 Chronicles 26

Ukubusa kukaUziya

1 Bonke abantu bakoJuda basebethatha uUziya owayeleminyaka elitshumi lesithupha, bambeka waba yinkosi esikhundleni sikayise uAmaziya. 2 Yena wakha iElothi, wayibuyisela koJuda emva kokulala kwenkosi laboyise. 3 U-Uziya wayeleminyaka elitshumi lesithupha lapho esiba yinkosi; wabusa iminyaka engamatshumi amahlanu lambili eJerusalema ^a. Lebizo likanina lalinguJekoliya weJerusalema. 4 Wasesenza okuqondileyo emehlweni eNkosi njengakho konke uAmaziya uyise ayekwenzile ^b. 5 Njalo wayemdinga uNkulunkulu ensukwini zikaZekhariya ^c owayelokuqedisisa emibonweni kaNkulunkulu; langezinsuku zokudinga kwakhe iNkosi, uNkulunkulu wamphumelelisa ^d. 6 Wasephuma walwa lamaFilisti ^e, wadilizela phansi umduli weGathi ^f lomduli weJabine ^g lomduli weAshidodi ^h, wakha imizi eAshidodi laphakathi kwamaFilisti. 7 UNkulunkulu wasemsiza ukumelana lamaFilisti ⁱ, lokumelana lamaArabhiya ayehlala eGuri-Bhali ^j, lamaMewuni ^k. 8 AmaAmoni ^l asesipha umthelo kuUziya ^m, lebizo lakhe lahamba laze lafika engenelweni leGibhithe, ngoba waziqinisa waze waba sengqongeni. 9 Futhi uUziya wakha imiphotshongo eJerusalema esangweni lengonsi ⁿ lesangweni lesigodi ^o lengonsini, wayiqinisa ^p. 10 Wakha lemiphotshongo enkangala, wagebha imithombo eminengi, ngoba wayelenkomo ezinengi esihotsheni kanye lemagcekeni ^q, abalimi ^r lezisebenzi zezivini ezintabeni ^s leKharmeli ^t, ngoba wayengothanda umhlabathi. 11 Futhi uUziya wayelebutho elilwayo eliphuma impi ngamaviyo ^u ngokwenani lokubalwa kwabo ngesandla sikaJeyiyeli umabhalane loMahaseya umbusi phansi kwesandla sikaHananiya, omunye wezinduna zenkosi ^v. 12 Inani lonke lezinhloko zaboyise lamaqhawe alamandla lalizinkulungwane ezimbili lamakhulu ayisithupha. 13 Laphansi kwesandla sazo kwakulamandla ebutho elizinkulungwane ezingamakhulu amathathu lesikhombisa lamakhulu amahlanu elalisilwa ngamandla obuqhawe ukusiza inkosi limelene lesitha ^w. 14 U-Uziya wasebalungisela, ibutho lonke, izihlangu ^x lemikhonto ^y lamakhowa ^z lamabhatshi ensimbi ^{aa
,} ^ab lamadandili lamatshe ezavutha ^ac. 15 EJerusalema wasesenza imitshina, eyaqanjwa ngohlakaniphileyo ^ad, ukuthi ibe phezu kwemiphotshongo laphezu kwezingonsi ukuphosa ngemitshoko langamatshe amakhulu. Lebizo lakhe laphuma laze laba khatshana, ngoba wasizwa ngokumangalisayo waze waqina ^ae.

16 Kodwa eseqinile ^af, inhliziyo yakhe yaziphakamisela encithakalweni. Ngoba waphambuka eNkosini uNkulunkulu wakhe ^ag, wasengena ethempelini leNkosi ^ah ukuze atshise impepha ^ai phezu kwelathi lempepha ^aj. 17 UAzariya umpristi wasengena emva kwakhe elabapristi beNkosi abangamatshumi ayisificaminwembili ^ak, amadoda alamandla ^al. 18 Basebemelana loUziya inkosi, bathi kuye: Kakusikho okwakho, Uziya, ukutshisela iNkosi impepha ^am, kodwa ngokwabapristi, amadodana kaAroni abehlukaniselwe ukutshisa impepha. Phuma endaweni engcwele, ngoba uphambukile; njalo kakusikho kodumo lwakho oluvela eNkosini uNkulunkulu ^an. 19 Wasethukuthela uUziya, njalo kwakulodengezi esandleni sakhe ukuze atshise impepha; esebathukuthelele abapristi, kwabonakala ubulephero ebunzini lakhe phambi kwabapristi endlini yeNkosi, ngaphezu kwelathi lempepha ^ao. 20 UAzariya umpristi oyinhloko labo bonke abapristi basebemkhangela, khangela-ke, wayelobulephero ebunzini lakhe; basebemkhupha lapho masinyane ^ap, yebo laye uqobo waphangisa ukuphuma ^aq, ngoba iNkosi yayimtshayile ^ar. 21 U-Uziya inkosi waba ngumlephero kwaze kwaba lusuku lokufa kwakhe; wahlala endlini eyehlukanisiweyo engumlephero, ngoba waqunywa wasuka endlini kaJehova. Njalo uJothamu indodana yakhe wayephezu kwendlu yenkosi, esahlulela abantu belizwe.

22 Ezinye-ke zezindaba zikaUziya, ezokuqala lezokucina ^as, uIsaya umprofethi, indodana kaAmozi, wazibhala ^at. 23 U-Uziya waselala laboyise; basebemngcwaba kuboyise ensimini yokungcwaba eyayingeyamakhosi, ngoba bathi: Ungumlephero. UJothamu indodana yakhe wasesiba yinkosi esikhundleni sakhe ^au.