2 Corinthians 11

Ukuziphendulela kukaPawuli ngomsebenzi wakhe

1Kungathi lingangibekezelela ^a kancane ebuthutheni bami ^b; yebo lani lingibekezelele ^c. 2Ngoba ngilobukhwele ^d ngani ngobukhwele bukaNkulunkulu; ngoba ngaliganela ^e endodeni yinye ukuthi ngilise ^{f , g} kuKristu liyintombi emsulwa ^h. 3Kodwa ngiyesaba ukuthi hlezi njengalokhu inyoka ⁱ yakhohlisa ^j uEva ngobuqili bayo ^k, ngokunjalo imicabango yenu ^l ingaduhiswa ^m ebuqothweni ⁿ obukuKristu. 4Ngoba uba ofikayo ^o etshumayela omunye uJesu esingamtshumayelanga, loba lisemukela omunye umoya elingamemukelanga, loba elinye ivangeli ^p elingalemukelanga, kuhle ukuthi limbekezelele ^q.

5Ngoba ngithi ^r kangisileli ngalutho ^s kulabobaphostoli abaqakathekileyo sibili ^t. 6Njalo uba lami ^u ngingafundanga ekukhulumeni ^v, kanti kungeyisikho elwazini ^w; kodwa entweni yonke sibonakalisiwe ^x kini ezintweni zonke. 7Kumbe ngenze isono ^y yini ngokuzithoba ^z ukuze liphakanyiswe lina, lokhu ngilitshumayeze ^aa ivangeli likaNkulunkulu ngesihle ^ab? 8Ngaphanga amanye amabandla, ngithatha iholo ukuze ^ac ngilisize; 9lalapho ngangikhona kini ngiswele kangibanga ngumthwalo ngitsho emuntwini ^{ad , ae}; ngoba abazalwane ^af, abavela eMakedoniya ^ag, bagcwalisa inswelo yami; njalo kukho konke ngizigcinile ^ah ukuthi ngingabi ngumthwalo kini, futhi ngizazigcina. 10Njengoba iqiniso likaKristu likimi ^ai, ukuthi lokhukuzincoma ^aj kakuyikumiswa ngami ezabelweni ^ak zeAkaya ^al. 11Ngenxa yani? Ngoba ngingalithandi yini ^am? UNkulunkulu uyazi ^an.

12Kodwa engikwenzayo, ngizakwenza futhi, ukuze ngiqume ^ao ithuba ^ap kwabafuna ithuba ^aq, ukuze kulokho abazincoma ngakho, baficwe benjengathi labo ^ar. 13Ngoba abanje ^as bangabaphostoli bamanga ^at, izisebenzi ezikhohlisayo ^au, beziphendula ^av babe ngabaphostoli bakaKristu. 14Kakumangalisi-ke; ngoba uSathane ^aw uqobo uziphendula ^ax abe yingilosi yokukhanya ^ay. 15Ngakho kakusinto enkulu uba lazo inceku zakhe ^az ziziphendula ^ba zisiba njengenceku zokulunga ^bb, okuphela kwazo kuzakuba njengokwemisebenzi yazo ^bc.

16Ngiyaphinda ngithi ^bd: Kakungabi lomuntu ocabanga ukuthi ngiyisithutha ^be; kodwa uba kungenjalo ngemukelani ^bf lanjengesithutha, ukuze lami ngizincome kancinyane. 17Lokho engikutshoyo, kangikutsho ngokweNkosi ^bg, kodwa njengebuthutheni ^bh, kulesisibindi sokuzincoma ^bi. 18Lokhu abanengi bezincoma ngokwenyama ^bj, lami ngizazincoma ^bk. 19Ngoba libekezelela abayizithutha ^bl ngentokozo, lina lingabahlakaniphileyo ^bm. 20Ngoba liyabekezela ^bn, uba umuntu elenza izigqili ^bo, uba umuntu elidla aliqede ^bp, uba umuntu elemuka ^bq, uba umuntu eziphakamisa, uba umuntu elitshaya ^br ebusweni. 21Ngitsho ngenhloni ^bs, kuze kungathi thina besibuthakathaka ^bt; kodwa lakukuphi umuntu alesibindi ngakho ^bu (ngikhulumela ebuthutheni ^bv) lami ngilesibindi ngakho.

22BangamaHebheru yini ^bw? Lami. BangamaIsrayeli yini ^bx? Lami. Bayinzalo kaAbrahama yini ^by? Lami. 23Bayizikhonzi zikaKristu yini ^bz? (Ngikhuluma njengohlanya) ngiyiso kulabo; emisebenzini enzima okwengezelelweyo kakhulu ^{ca , cb}, emivimvinyeni ^{cc , cd} okwedlula amalawulo, ezintolongweni ^{ce , cf} okungezelelweyo kakhulu, ezimfeni kanengi ^cg; 24kumaJuda ^ch ngemukela kahlanu imivimvinya engamatshumi amane kusala owodwa ^ci. 25Ngatshaywa kathathu ngezinduku ^cj, ngakhandwa ngamatshe kanye ^ck, kathathu ngachithekelwa ngumkhumbi ^cl, ubusuku lemini ngisekujuleni kolwandle; 26ekuhambeni kanengi; engozini zemifula ^cm, engozini zabaphangi ^cn, ezingozini kwabakithi ^co, ezingozini kwabezizwe ^cp, ezingozini emzini ^cq, ezingozini enkangala ^cr, engozini olwandle, ezingozini kubazalwane bamanga ^cs, 27ekutshikatshikeni ^{ct , cu} lebunzimeni ^cv, ekungalalini kanengi ^cw, ekulambeni ^{cx , cy} lekomeni ^cz, ekuzileni ukudla kanengi ^{da , db}, ekugodoleni lekuhambenize ^dc. 28Ngaphandle kwezinto ezingaphandle, okungicindezelayo insuku zonke yikukhathalela ^dd wonke amabandla ^de. 29Ngubani obuthakathaka, ngingabi buthakathaka lami ^df? Ngubani okhutshekiswayo, lami ngingatshiseki? 30Uba kumele ukuzincoma, ngizazincoma ^dg ngezinto zobuthakathaka bami. 31UNkulunkulu uYise weNkosi yethu uJesu Kristu ^dh, obongekayo kuze kube nini lanini ^di, uyazi ukuthi kangiqambi manga ^dj. 32EDamaseko ^dk induna yenkosi uAretha yalinda ^dl umuzi wabeDamaseko, efuna ukungibamba; 33njalo ngehliswa ngewindi esilulwini ngomduli ^{dm , dn}, ngasengiphepha ezandleni zayo.