2Pe 3 | Ndebele | STEP | Incwadi le eyesibili, bathandekayo, ngilibhalela yona khathesi; okungazo zombili ngivusa ingqondo yenu eqotho ngoku li khumbuza ,

2 Peter 3

Ukufika kosuku lweNkosi

1 Incwadi le eyesibili, bathandekayo, ngilibhalela yona khathesi; okungazo zombili ngivusa ^a ingqondo yenu eqotho ngokulikhumbuza ^b, 2 ukuze likhumbule amazwi ^c akhulunywa ngaphambili ngabaprofethi abangcwele ^d, lomlayo wethu esingabaphostoli beNkosi loMsindisi ^e; 3 lisazi lokhu kuqala, ukuthi ekucineni kwensuku kuzafika abahleka usulu ^f, behamba ngokwezabo inkanuko ^g, 4 njalo besithi: Singaphi isithembiso ^h sokuza kwakhe? ⁱ Ngoba selokhu obaba balala ^j, konke kumi kunjalo kusukela ekuqaleni kokudalwa ^k. 5 Ngoba lokhu kabakwazi ngabomo, ukuthi amazulu ayekhona kusukela endulo, lomhlaba, ukhona uvela emanzini njalo ukhona ngamanzi, ngelizwi likaNkulunkulu ^{l
,} ^{m
,} ^{n
,} ^o, 6 okungalo ilizwe elalikhona labhujiswa ngokugcwaliswa ngamanzi ^p; 7 kodwa amazulu lomhlaba okukhona khathesi kubekiwe ngalona lelolizwi ^q, kugcinelwe umlilo ^r osukwini lokwahlulelwa ^s lokubhujiswa kwabantu abeyisa uNkulunkulu ^t.

8 Kodwa lintonye kakumelanga ingaziwa kini, bathandekayo, ukuthi usuku olulodwa eNkosini lunjengeminyaka eyinkulungwane, leminyaka eyinkulungwane njengosuku olulodwa ^u. 9 INkosi kayiphuzisi isithembiso ^v, njengalokhu abanye besithi yikuphuza; kodwa iyasibekezelela ^w, ingathandi ukuthi lamunye abhubhe ^x kodwa ukuthi bonke bafinyelele ekuphendukeni ^y.

10 Kodwa usuku lweNkosi ^z luzafika njengesela ebusuku ^aa, okuzakuthi ngalo amazulu adlule ngokuhlokoma ^ab, lokokuqala kuzadilizwa ngokutshisa okukhulu ^ac, lomhlaba lemisebenzi ekuwo kuzatshiswa ^ad. 11 Njengoba zonke lezizinto zidilizwa, kumele libe ngabanjani ^ae ekuhambeni okungcwele ^af lekukhonzeni uNkulunkulu ^ag, 12 lilindele ^ah lilangazelela ^{▼▼ lilangazelela: kumbe, liphangisisa.} ukufika ^aj kosuku lukaNkulunkulu ^ak, okungalo amazulu azakutsha adilizwe ^al, lokokuqala ^am kuncibilike ngokutshisa okukhulu ^an. 13 Kodwa ngokwesithembiso sakhe silindele ^ao amazulu amatsha lomhlaba omutsha ^ap, okuhlala kukho ukulunga ^aq.

14 Ngakho, bathandekayo ^ar, lilindele lezizinto ^as, tshisekelani ukuthi lificwe nguye ekuthuleni ^at lingelacwatshana ^au njalo lingasoleki ^av. 15 Beselisithi ukubekezela kweNkosi yethu kulusindiso ^aw, njengalokhu lomzalwane wethu othandekayo uPawuli walibhalela, ngokwenhlakanipho eyaphiwa yena; 16 njengoba kunjalo lencwadini zakhe zonke, ekhuluma kuzo ngalezizinto ^ax, okukuzo kukhona izinto ezithile ezilukhuni ukuzwisiseka ^ay, okuthi abangaziyo labangaqinanga bazihlanekele ^az, lanjengakweminye imibhalo, kube kokwabo ukubhujiswa.

17 Ngakho lina, bathandekayo, lisazi mandulo ^ba, xwayani ^bb, ukuze lingaduhiswa yinkohliso yabangelamlayo ^bc, liwe kokwenu ukuqina ^bd. 18 Kodwa khulani emuseni ^be lelwazini lweNkosi yethu loMsindisi uJesu Kristu ^bf. Ubukhosi kabube kuye lakhathesi njalo kuze kube lusuku lwaphakade. Ameni ^bg.