Amo 5 | Ndebele | STEP | Zwanini lelilizwi engiliphakamisa phezu kwenu , isililo , ndlu kaIsrayeli.

1 Zwanini lelilizwi ^a engiliphakamisa phezu kwenu ^b, isililo ^c, ndlu kaIsrayeli. 2 Intombi emsulwa yakoIsrayeli iwile ^d, kayiyikuvuka futhi; ideliwe emhlabathini wayo ^e, kakho oyivusayo. 3 Ngoba itsho njalo iNkosi uJehova: Umuzi ophuma labayinkulungwane ^f uzasala labalikhulu, lophuma labalikhulu uzasala labalitshumi ^g, kuyo indlu kaIsrayeli.

4 Ngoba itsho njalo iNkosi endlini kaIsrayeli: Ngidingani ^h liphile ⁱ. 5 Kodwa lingadingi iBhetheli ^j, lingangeni eGiligali ^k, lingedluleli eBherishebha ^l, ngoba iGiligali izathunjwa lokuthunjwa, leBhetheli ^m izakuba yize ⁿ.

6 Dingani iNkosi liphile ^o, hlezi ifohlele indlu kaJosefa njengomlilo ^p oqothulayo, kungabi khona owucitshayo eBhetheli ^q. 7 Lina eliphendula isahlulelo ^r sibe ngumhlonyane ^s, lilalise ukulunga emhlabathini ^t. 8 Owenza isiLimela ^u leziNja ^{v
,} ^w, lophendula ^x umthunzi wokufa ^y ube yikusa, lowenza imini ibe mnyama ^{z
,} ^aa njengobusuku, obiza amanzi olwandle ^ab, awathulule ebusweni bomhlabathi ^ac; iNkosi libizo lakhe ^{ad
,} ^ae. 9 Okhazimulisa incithakalo phezu kolamandla, ukuze incithakalo ize phezu kwenqaba.

10 Bayamzonda ^af okhuzayo ^{ag
,} ^ah esangweni ^ai, banengwe ngokhuluma ngokuqonda ^aj. 11 Ngenxa yokuthi linyathelela phansi umyanga, limthathele umthwalo wamabele ^ak, lakhe izindlu zamatshe abaziweyo ^al, kodwa kaliyikuhlala kuzo; lihlanyele izivini zentokozo ^am, kodwa kaliyikunatha iwayini lazo. 12 Ngoba ngiyazi ukuthi iziphambeko zenu zinengi, lokuthi izono zenu zilamandla; lina elihlupha olungileyo, elemukela isivalamlomo, eliphambula abayanga ^an esangweni ^{ao
,} ^ap. 13 Ngakho ohlakaniphileyo uzathula ngalesosikhathi ^aq, ngoba kuyisikhathi esibi ^ar.

14 Dingani okuhle, hatshi-ke okubi, ukuze liphile ^as, ukuze ngokunjalo iNkosi uNkulunkulu wamabandla ibe lani ^at, njengokutsho kwenu ^au. 15 Zondani ububi, lithande okuhle ^av, limise isahlulelo esangweni ^aw; mhlawumbe iNkosi ^ax uNkulunkulu wamabandla ^ay ingaba lesisa kunsali yakoJosefa ^az.

16 Ngakho utsho njalo uJehova, uNkulunkulu wamabandla ^ba, iNkosi: Kuzakuba khona isililo emidangeni yonke ^bb, lakuzo zonke izitalada bazakuthi: Maye! Maye! Njalo bazabizela umlimi ekulileni, lesililo sizakuba labazi ukulila ^bc. 17 Lakuzo zonke izivini kuzakuba lokulila, ngoba ngizadabula phakathi kwenu ^bd, itsho iNkosi.

18 Maye kulabo abaloyisa ^be usuku lweNkosi! ^bf Luzakuba ngolwani kini usuku lweNkosi? Luzakuba ngumnyama ^bg, hatshi ukukhanya. 19 Kunjengomuntu obaleke phambi kwesilwane ^bh, ahlangane lebhere; loba angene endlini abambelele ngesandla sakhe emdulini, lenyoka imlume ^bi. 20 Usuku lweNkosi ^bj kaluyikuba ^bk ngumnyama yini, hatshi-ke ukukhanya, lomnyama omkhulu ongelakukhanya kuwo ^bl?

21 Ngiyayizonda, ngiyayidelela imikhosi yenu ^bm, kangiyikunuka ^bn emihlanganweni yenu enzulu ^bo. 22 Ngoba lanxa linikela kimi iminikelo yokutshiswa leminikelo yenu yokudla ^bp, kangithokozi ^bq, leminikelo yokuthula yezifuyo zenu ezinonileyo ^br kangiyinanzi ^bs. 23 Susani kimi umsindo wezingoma zenu, ngoba kangiyikuzwa ^bt ukukhala kwamachacho enu ^bu. 24 Kodwa isahlulelo kasikhukhule njengamanzi ^bv, lokulunga njengesifula esigeleza njalo ^bw. 25 Lanikela yini kimi imihlatshelo leminikelo yokudla enkangala okweminyaka engamatshumi amane, lina ndlu kaIsrayeli ^bx? 26 Kodwa lathwala ^by uSikuthi inkosi yenu, loKhiwuni izithombe zenu ^bz, inkanyezi kankulunkulu wenu, elizenzele zona. 27 Ngakho ngizalithumbela ngaphetsheya ^ca kweDamaseko ^cb, itsho iNkosi ^cc, obizo layo nguNkulunkulu wamabandla ^cd.