Dan 6 | Ndebele | STEP | Kwaba kuhle kuDariyusi ukubeka phezu kombuso iziphathamandla ezilikhulu lamatshumi amabili , ukuthi zibe phezu kombuso wonke,

1 Kwaba kuhle kuDariyusi ukubeka phezu kombuso ^a iziphathamandla ^b ezilikhulu lamatshumi amabili ^c, ukuthi zibe phezu kombuso wonke, 2 laphezu kwazo ababonisi abathathu ^d, uDaniyeli aba ngowokuqala kubo ^e; ukuthi leziziphathamandla zilandise kubo ^f, njalo inkosi ingabi lomonakalo. 3 Lapho uDaniyeli lo wenza ngcono ^g kulababonisi ^h leziphathamandla ⁱ, ngoba umoya owedlulisileyo wawukuye ^j. Njalo inkosi yacabanga ukumbeka phezu kombuso wonke ^k.

4 Lapho ababonisi ^l leziphathamandla ^m badinga ukuthola ithuba bemelene loDaniyeli mayelana lombuso ⁿ; kodwa bengelakho ukuthola ithuba kumbe insolo ^o; ngoba wayethembekile ^p, futhi kungelampambaniso ^q kumbe insolo ^r okwatholakala kuye. 5 Lapho lawomadoda athi: Kasiyikuthola thuba ngaye lo uDaniyeli ngaphandle kokuthi silithole limelene laye emlayweni kaNkulunkulu wakhe ^s. 6 Lapho labobabonisi ^t leziphathamandla ^u babuthana ndawonye enkosini, batsho kanje kuyo: Dariyusi nkosi, phila kuze kube nininini ^v! 7 Bonke ababonisi bombuso ^w, izinduna ^x, leziphathamandla ^y, abeluleki ^z, lababusi ^aa bacebisa ukumisa umthetho wesikhosini, lokwenza isimiso esiqinileyo, ukuthi loba ngubani ozacela isicelo lakuwuphi unkulunkulu loba umuntu phakathi kwezinsuku ezingamatshumi amathathu ngaphandle kuwe, nkosi, uzaphoselwa ebhalwini lwezilwane ^ab. 8 Khathesi, nkosi, misa umlayo uphawule umbhalo, ukuthi ungaguqulwa, njengokomthetho ^ac wamaMede lamaPerisiya ^ad, ongadluliyo ^ae. 9 Ngakho inkosi uDariyusi yaphawula umbhalo lesimiso ^af.

10 Kwathi lapho uDaniyeli asesazi ukuthi umbhalo uphawuliwe, wangena endlini yakhe; njalo amawindi ekamelo lakhe ^ag eliphezulu elikhangele eJerusalema ^ah evulekile ^ai; waguqa ngamadolo akhe ^aj izikhathi ezintathu ngosuku ^ak, wakhuleka, wapha izibongo phambi kukaNkulunkulu wakhe ^al, njengokwenza kwakhe mandulo kwalokhu ^am. 11 Lapho la amadoda abuthana, athola uDaniyeli ekhuleka encenga phambi kukaNkulunkulu wakhe. 12 Lapho asondela ^an, akhuluma phambi kwenkosi mayelana lesimiso senkosi athi: Kawuphawulanga isimiso yini, sokuthi wonke umuntu ocela lakuwuphi unkulunkulu loba umuntu phakathi kwezinsuku ezingamatshumi amathathu ^ao ngaphandle kuwe, nkosi ^ap, uzaphoselwa ebhalwini lwezilwane? Inkosi yaphendula yathi: Linto iliqiniso, ngokomthetho wamaMede lamaPerisiya ^aq ongadluliyo ^ar. 13 Lapho aphendula athi phambi kwenkosi: UDaniyeli ongowabantwana bokuthunjwa bakoJuda ^{as
,} ^at kakunanzi ^au, nkosi, lesimiso osiphawulileyo, kodwa uyakhuleka isicelo sakhe izikhathi ezintathu ngosuku. 14 Kwathi lapho inkosi isizwile lelilizwi, yazizondela kakhulu ^av, yabeka ingqondo kuDaniyeli ukumkhulula; yebo, yalwisa laze latshona ilanga ukumophula. 15 Lapho abuthana enkosini lawomadoda, athi enkosini: Yazi, nkosi, ukuthi umthetho wamaMede lamaPerisiya ^aw uthi: Kakulasimiso kumbe umthetho inkosi eyawumisayo ongaguqulwa. 16 Lapho inkosi yalaya, bamletha uDaniyeli, bamphosela ebhalwini lwezilwane. Inkosi yaphendula yathi kuDaniyeli: UNkulunkulu wakho, omkhonzayo njalonjalo, kungathi angakukhulula ^ax! 17 Kwasekulethwa ilitshe, labekwa phezu komlomo wobhalu ^ay; inkosi yasilinameka ^az ngendandatho elophawu lwayo ^ba, langendandatho elophawu lwamakhosi ayo ^bb, ukuze kungaguqulwa ulutho mayelana loDaniyeli.

18 Lapho inkosi yaya esigodlweni sayo, yachitha ubusuku izila ukudla; lamachacho kawalethwanga phambi kwayo ^bc; lobuthongo bayibalekela ^bd. 19 Lapho inkosi yavuka emadabukakusa ^be, yaya ngokuphangisa ebhalwini lwezilwane ^bf. 20 Yathi isisondele ebhalwini, yamemeza ngelizwi lokulila kuDaniyeli; inkosi yaphendula yathi kuDaniyeli: Daniyeli, nceku kaNkulunkulu ophilayo ^bg, uNkulunkulu wakho ^bh omkhonzayo njalonjalo ^bi, ulakho ukukukhulula yini ezilwaneni? 21 Lapho uDaniyeli wathi enkosini: Nkosi, phila kuze kube nininini ^bj! 22 UNkulunkulu wami uthumile ingilosi yakhe ^bk, yavala imilomo yezilwane, okokuthi kazingilimazanga ^bl, ngoba phambi kwakhe ukungabi lecala kutholakale kimi ^bm; njalo phambi kwakho, nkosi, kangenzanga bubi. 23 Lapho inkosi yamthokozela kakhulu, yalaya ukukhuphula uDaniyeli ebhalwini. UDaniyeli wasekhutshulwa ebhalwini, kakwatholwa kulimala kuye ^bn, ngoba ekholwe kuNkulunkulu wakhe ^bo.

24 Inkosi yasilaya, kwasekulethwa lawomadoda ^bp ayehlebe uDaniyeli ^bq, bawaphosela ebhalwini lwezilwane, wona, abantwana bawo, labomkawo ^br; kwathi bengakafiki phansi ebhalwini, izilwane zazibusa phezu kwabo, zachoboza wonke amathambo abo.

25 Lapho inkosi uDariyusi yabalela bonke abantu, izizwe, lezindimi ^bs, ezihlezi emhlabeni wonke ^bt, yathi: Kakwandiswe ukuthula kwenu ^bu. 26 Umlayo wenziwa yimi ^bv, ukuthi kukho konke ukubuswa kombuso wami bathuthumele ^bw besabe ^bx phambi kukaNkulunkulu kaDaniyeli; ngoba enguNkulunkulu ophilayo ^{by
,} ^bz, lomi kuze kube nininini, lombuso wakhe ^ca ngongayikuchithwa ^cb, lokubusa kwakhe kuzakuba khona kuze kube sekupheleni ^cc. 27 Uyakhulula, ophule, enze izibonakaliso lezimangaliso emazulwini lemhlabeni ^cd, osekhulule uDaniyeli emandleni ezilwane ^ce. 28 Ngakho uDaniyeli lo waphumelela embusweni kaDariyusi ^cf, lembusweni ^cg kaKoresi umPerisiya ^ch.