Deu 17 | Ndebele | STEP | Ungahlabeli iN kosi uNkulunkulu wakho inkabi kumbe imvu okukuyo isici, loba yiyiphi into embi, ngoba kuyisinengiso eN kosi ni uNkulunkulu wakho .

2 Uba kutholakala phakathi kwakho, loba phakathi kwaliphi lamasango akho, iNkosi uNkulunkulu wakho ekunika wona, owesilisa loba owesifazana owenza okubi emehlweni eNkosi uNkulunkulu wakho ^b, ngokweqa isivumelwano sayo ^c, 3 abesesiyakhonza abanye onkulunkulu, abakhothamele, loba ilanga kumbe inyanga, kumbe enye yebutho lamazulu ^d, engingakulayanga ^e, 4 ube usukubikelwa, ukuzwe, uzakubuzisisa, khangela-ke, kuliqiniso, indaba iqinisekile, lesosinengiso senziwe koIsrayeli ^f, 5 uzayikhupha leyondoda kumbe lowo owesifazana, abenze leyonto embi, emasangweni akho, leyondoda kumbe lowo owesifazana, ubakhande ngamatshe baze bafe ^g. 6 Ngomlomo wabafakazi ababili loba wabafakazi abathathu ofanele ukufa uzabulawa; kayikubulawa ngomlomo womfakazi oyedwa ^h. 7 Isandla sabafakazi sizakuba ngesokuqala phezu kwakhe ukumbulala, lemva kwalokho isandla sabo bonke abantu ⁱ. Ngalokhu uzakhupha ububi phakathi kwakho ^j.

8 Uba kulodaba olulukhuni kakhulu kuwe ekwahluleleni ^k, phakathi kwegazi legazi, phakathi kwesahlulelo lesahlulelo, laphakathi kokutshaya lokutshaya, indaba zokuphikisana emasangweni akho, khona uzasukuma ^l uye endaweni iNkosi uNkulunkulu wakho ezayikhetha ^m, 9 uze kubapristi abangamaLevi ⁿ lakumahluleli ozakuba ekhona ngalezonsuku, uzabuza ^o; babesebekutshela isinqumo sesahlulelo ^p. 10 Njalo uzakwenza njengokwesinqumo abazakutshela sona kuleyondawo iNkosi ezayikhetha; njalo unanzelele ukwenza njengakho konke abazakufundisa khona. 11 Njengokomthetho abazakufundisa wona, lanjengokwesahlulelo abazakutshela sona, uzakwenza. Kawuyikuphambuka kusinqumo abazakutshela sona, uye ngakwesokunene kumbe ngakwesokhohlo. 12 Lendoda eyenza ngokuziqhenya ukuze ingalaleli umpristi ^q omi ukukhonza khona iNkosi uNkulunkulu wakho ^r, kumbe umahluleli, leyondoda izakufa. Ngalokhu uzakhupha ububi koIsrayeli ^s. 13 Njalo bonke abantu bazakuzwa, besabe, bangaphindi ukuziqhenya ^t.

Imilayezo ngenkosi

14 Lapho usufikile elizweni iNkosi uNkulunkulu wakho ekunika lona ukuthi udle ilifa lalo, uhlale kilo, ubususithi: Ngizazimisela inkosi njengazo zonke izizwe ezingizingelezeleyo ^u; 15 umbeke lokumbeka abe yinkosi phezu kwakho, yena iNkosi uNkulunkulu wakho ezamkhetha ^v. Evela phakathi kwabafowenu umbeke abe yinkosi phezu kwakho ^w; kawulakumbeka owezizweni phezu kwakho ongesumfowenu. 16 Kodwa angazandiseli amabhiza ^x, njalo angababuyiseli abantu eGibhithe ukuze andise amabhiza ^y, ngoba iNkosi ithe kini: Kalisayikubuyela futhi ngaleyondlela ^z. 17 Futhi angazandiseli abafazi, ukuze inhliziyo yakhe ingaphambuki; njalo angazandiseli kakhulu isiliva legolide ^aa. 18 Kuzakuthi esehlala esihlalweni sobukhosi sombuso wakhe, uzazibhalela impinda yalumlayo egwalweni ^ab, okuvela kulokho okuphambi ^ac kwabapristi abangamaLevi ^ad. 19 Njalo luzakuba laye, njalo abale kulo insuku zonke zempilo yakhe ^ae, ukuze afunde ukuyesaba iNkosi uNkulunkulu wakhe, agcine wonke amazwi alumlayo lezimiso lezi, akwenze ^af, 20 ukuze inhliziyo yakhe ingaziphakamisi phezu kwabafowabo, lokuze angaphambuki emthethweni aye ngakwesokunene loba ngakwesokhohlo ^ag, ukuze elule izinsuku embusweni wakhe, yena labantwana bakhe, phakathi kukaIsrayeli ^ah.