Ezekiel 18

Umuntu owonayo uzakufa ngenxa yezakhe izono

1Ilizwi leNkosi lafika kimi futhi lisithi: 2Litshoni, ukuthi lisebenzise lesisaga ngelizwe lakoIsrayeli ^a, lisithi: Oyise badlile izithelo zevini ezimunyu ^b, lamazinyo abantwana asetshelela ^c? 3Kuphila kwami, itsho iNkosi uJehova ^d, isibili kakusayikuba kini ukusebenzisa lesisaga koIsrayeli ^e. 4Khangela, yonke imiphefumulo ngeyami; njengomphefumulo kayise, unjalo lomphefumulo wendodana, kungokwami. Umphefumulo owonayo, wona uzakufa ^f.

5Kodwa uba umuntu elungile, enze ukwahlulela lokulunga ^g, 6engadleli phezu kwezintaba ^h, engaphakamiseli amehlo akhe ezithombeni zendlu yakoIsrayeli ⁱ, engangcolisi umfazi kamakhelwane wakhe ^j, engasondeli ^k kowesifazana osemfuleni ^l, 7engacindezeli muntu ^m, ebuyisela kowebolekayo isibambiso sakhe ⁿ, engaphangi impango ^o, enika olambileyo isinkwa sakhe ^p, esembesa oze ngesembatho ^{q , r}, 8enganiki ^s ngenzuzo ^t, engathathi ^u okwengezelelweyo ^v, ebuyisa isandla sakhe esiphambekweni, esenza isahlulelo esiqinisileyo phakathi komuntu lomuntu ^w, 9ehamba ngezimiso zami, egcina izahlulelo zami, ukwenza iqiniso ^x; yena uqondile, uzaphila isibili, itsho iNkosi uJehova ^y.

10Uba ezala indodana engumphangi, umchithi wegazi, lowenza okufanana lokunye kwalezizinto ^z, 11longenzi zonke lezozinto, kodwa ngitsho edlela phezu kwezintaba ^aa, engcolisa umfazi womakhelwane wakhe ^ab, 12ecindezela umyanga loswelayo ^{ac , ad}, ephanga impango ^{ae , af}, engabuyiselanga isibambiso ^ag, ephakamisele amehlo akhe ezithombeni ^ah, enze okunengekayo ^ai, 13enika ngenzuzo, athathe ngokwengezelelweyo, uzaphila yini? Kayikuphila; wenze zonke lezizinengiso; uzakufa lokufa ^aj, amacala akhe egazi azakuba phezu kwakhe ^ak.

14Khangela-ke, uzala indodana ebona zonke izono zikayise azenzileyo, ibona, ingenzi njengalezizinto ^al, 15ingadleli phezu kwezintaba ^am, ingaphakamiseli amehlo ayo ezithombeni zendlu yakoIsrayeli ^an, ingangcolisi umfazi womakhelwane wayo ^ao, 16ingacindezeli muntu ^ap, ingagodli isibambiso ^aq, ingaphangi impango ^ar, isipha olambileyo ^as isinkwa sayo, yembese oze ngesembatho ^at, 17isuse isandla sayo kongumyanga ^au, ingemukeli inzuzo lokwengezelelweyo ^av, isenza izahlulelo zami, ihambe ngezimiso zami, yona kayiyikufela isiphambeko sikayise ^aw, izaphila isibili ^ax. 18Uyise, ngoba ecindezele ngocindezelo ^ay, waphanga impango kumfowabo ^{az , ba}, wenza okungalunganga phakathi kwabantu bakibo, khangela-ke, uzafela ebubini bakhe ^bb.

19Kanti lithi: Kungani indodana ingathwali isiphambeko sikayise ^bc? Nxa indodana yenzile isahlulelo lokulunga ^bd, igcinile zonke izimiso zami, yazenza ^be, izaphila isibili ^bf. 20Umphefumulo owonayo, wona uzakufa ^bg. Indodana kayiyikuthwala isiphambeko sikayise, loyise kayikuthwala isiphambeko sendodana ^bh. Ukulunga kolungileyo kuzakuba phezu kwakhe ^bi, lenkohlakalo yokhohlakeleyo izakuba phezu kwakhe ^{bj , bk}.

Indlela kaNkulunkulu ilungile

21Kodwa uba omubi ephenduka ezonweni zakhe zonke azenzileyo ^bl, agcine zonke izimiso zami ^bm, enze isahlulelo lokulunga ^bn, uzaphila isibili, kayikufa ^bo. 22Iziphambeko zakhe zonke azenzileyo kaziyikukhunjulelwa kuye; ekulungeni kwakhe akwenzileyo, uzaphila ^bp. 23Ngiyathokoza lokuthokoza ngokufa kokhohlakeleyo yini? itsho iNkosi uJehova; kakusikuthi aphenduke ezindleleni zakhe, aphile yini ^bq?

24Kodwa nxa olungileyo ephenduka ekulungeni kwakhe, esenza isiphambeko, enze njengokwezinengiso zonke azenzayo omubi, uzaphila yini ^br? Ukulunga kwakhe konke akwenzileyo kakuyikukhunjulwa ^{bs , bt}; esiphambekweni sakhe aphambeke ngaso, lesonweni sakhe asonileyo, uzafela kikho ^bu.

25Kanti lithi: Indlela yeNkosi kayilingani. Zwanini-ke, lina ndlu kaIsrayeli; indlela yami kayilingani yini? Kayisizo yini izindlela zenu ezingalinganiyo ^bv? 26Lapho olungileyo ephenduka ekulungeni kwakhe, enze iziphambeko, afele kuzo, eziphambekweni azenzileyo uzakufa ^bw. 27Futhi nxa omubi ephenduka ebubini bakhe abenzileyo ^bx, enze isahlulelo lokulunga, yena uzagcina umphefumulo wakhe uphila ^by. 28Ngoba ebona, ephenduka kuzo zonke iziphambeko zakhe azenzileyo ^bz, uzaphila isibili, kayikufa ^ca. 29Kanti indlu kaIsrayeli ithi: Indlela yeNkosi kayilingani. Wena ndlu kaIsrayeli, indlela zami kazilingani yini? Kayisizo yini indlela zenu ezingalinganiyo ^cb?

30Ngakho ngizalahlulela, lina ndlu kaIsrayeli, ngulowo lalowo njengokwendlela zakhe, itsho iNkosi uJehova ^cc. Phendukani ^cd, libuye lisuke eziphambekweni zenu zonke ^ce; ukuze ububi bungabi yisikhubekiso kini ^cf. 31Lahlani lisuse kini zonke iziphambeko zenu eliphambeke ngazo ^cg, lizenzele inhliziyo entsha lomoya omutsha ^ch; ngoba lizafelani, lina ndlu kaIsrayeli ^ci? 32Ngoba kangithokozi ngokufa kofayo, itsho iNkosi uJehova ^cj; ngakho phendukani liphile ^ck.