Ezekiel 48

Ukwabiwa kwelizwe

1La-ke ngamabizo ezizwe ^a. Kusukela ekucineni kwasenyakatho ^b, kuze kube seceleni ^c kwendlela yeHethiloni ^d, ekungeneni kweHamathi ^e, iHazari-Enani ^f, umngcele weDamaseko ^g ngasenyakatho, kuze kube seceleni ^h kweHamathi ⁱ; ngoba lezi zinhlangothi zakhe empumalanga lentshonalanga, isabelo esisodwa sikaDani ^j. 2Langasemngceleni kaDani, kusukela ehlangothini lwempumalanga kusiya ehlangothini lwentshonalanga, isabelo esisodwa sikaAsheri ^k. 3Langasemngceleni kaAsheri, kusukela ehlangothini lwempumalanga kusiya ehlangothini lwentshonalanga, isabelo esisodwa sikaNafithali ^l. 4Langasemngceleni kaNafithali, kusukela ehlangothini lwempumalanga kusiya ehlangothini lwentshonalanga, isabelo esisodwa sikaManase ^m. 5Langasemngceleni kaManase, kusukela ehlangothini lwempumalanga kusiya ehlangothini lwentshonalanga, isabelo esisodwa sikaEfrayimi ⁿ. 6Langasemngceleni kaEfrayimi, kusukela ehlangothini lwempumalanga kusiya ehlangothini lwentshonalanga, isabelo esisodwa sikaRubeni. 7Langasemngceleni kaRubeni, kusukela ehlangothini lwempumalanga kusiya ehlangothini lwentshonalanga, isabelo esisodwa sikaJuda.

8Langasemngceleni kaJuda, kusukela ehlangothini lwempumalanga kusiya ehlangothini lwentshonalanga, kuzakuba ngumnikelo elizawunikela ^o, ububanzi buzakuba zinkulungwane ezingamatshumi amabili lanhlanu, lobude njengesinye sezabelo, kusukela ehlangothini lwempumalanga kuze kube sehlangothini lwentshonalanga; njalo indawo engcwele izakuba phakathi kwaso ^p. 9Umnikelo elizawunikela eNkosini ^q uzakuba yibude obuyizinkulungwane ezingamatshumi amabili lanhlanu, lobubanzi bezinkulungwane ezilitshumi. 10Njalo kuzakuba kuso umnikelo ongcwele wabapristi ^r, ngenyakatho izinkulungwane ezingamatshumi amabili lanhlanu, langentshonalanga ububanzi obuyizinkulungwane ezilitshumi, langempumalanga ububanzi obuyizinkulungwane ezilitshumi, langeningizimu ubude obuyizinkulungwane ezingamatshumi amabili lanhlanu; njalo indawo engcwele yeNkosi ^s izakuba phakathi kwaso. 11Sizakuba ngesabapristi abangcwelisiweyo ^{t , u} bamadodana kaZadoki ^v, abagcine umlindo wami ^w, abangaduhanga lapho abantwana bakoIsrayeli beduha ^x, njengalokho amaLevi aduha ^y. 12Lokunikelweyo komnikelo welizwe ^z kuzakuba kubo yinto engcwelengcwele ngasemngceleni wamaLevi. 13Njalo maqondana lomngcele wabapristi ^aa, amaLevi azakuba lobude bezinkulungwane ezingamatshumi amabili lanhlanu, lobubanzi bezinkulungwane ezilitshumi. Ubude bonke buzakuba zinkulungwane ezingamatshumi amabili lanhlanu, lobubanzi bube zinkulungwane ezilitshumi. 14Njalo kabayikuthengisa okwakho ^ab, kabayikuntshintshisa ^ac, kabayikudlulisa ^ad izithelo zakuqala zelizwe ^ae, ngoba kungcwele eNkosini.

15Lezinkulungwane ezinhlanu eziseleyo ^af ebubanzini maqondana lezinkulungwane ezingamatshumi amabili lanhlanu, zizakuba ngezingengcwele zomuzi ^ag, ezokuhlala, lezamadlelo ^ah; lomuzi uzakuba phakathi kwazo. 16Lalezi zizakuba yizilinganiso zaso; uhlangothi lwenyakatho luzakuba zinkulungwane ezine lamakhulu amahlanu ^ai, lohlangothi lweningizimu izinkulungwane ezine lamakhulu amahlanu ^aj, lehlangothini lwempumalanga izinkulungwane ezine lamakhulu amahlanu ^ak, lohlangothi lwentshonalanga izinkulungwane ezine lamakhulu amahlanu ^al. 17Njalo amadlelo omuzi ^am azakuba ngamakhulu amabili lamatshumi amahlanu ngasenyakatho, lamakhulu amabili lamatshumi amahlanu ngaseningizimu, lamakhulu amabili lamatshumi amahlanu ngasempumalanga, lamakhulu amabili lamatshumi amahlanu ngasentshonalanga. 18Lokuseleyo ngobude maqondana lomnikelo ongcwele kuzakuba zinkulungwane ezilitshumi ngempumalanga, lezinkulungwane ezilitshumi ngentshonalanga; njalo kuzakuba maqondana lomnikelo ongcwele ^an. Lenzuzo yakho izakuba yikudla kwezisebenzi zomuzi ^ao. 19Njalo izisebenzi zomuzi ^ap zizawusebenzela zivela kuzo zonke izizwe zakoIsrayeli ^aq. 20Wonke umnikelo ^ar uzakuba zinkulungwane ezingamatshumi amabili lanhlanu, lezinkungwane ezingamatshumi amabili lanhlanu. Lizanikela umnikelo ongcwele ulingane inhlangothi zozine, kanye lelifa lomuzi ^as.

21Njalo okuseleyo kuzakuba ngokwesiphathamandla ^at, ngapha langapha komnikelo ongcwele, lokwenzuzo yomuzi, ngaphambi kwezinkulungwane ezingamatshumi amabili lanhlanu zomnikelo, kuze kube semngceleni wempumalanga ^au lentshonalanga, ngaphambi kwezinkulungwane ezingamatshumi amabili lanhlanu, ngasemngceleni wentshonalanga, maqondana lezigaba zeziphathamandla; lomnikelo ongcwele lendawo engcwele yendlu kuzakuba phakathi kwakho ^av. 22Futhi kusukela enzuzweni yamaLevi, lakusukela enzuzweni yomuzi, ephakathi kokungokwesiphathamandla, phakathi komngcele kaJuda lomngcele kaBhenjamini, kuzakuba ngokwesiphathamandla. 23Mayelana lokuseleyo kwezizwe ^aw, kusukela kuhlangothi lwempumalanga kusiya kuhlangothi lwentshonalanga, uBhenjamini uzakuba lesabelo esisodwa. 24Lasemngceleni wakoBhenjamini, kusukela kuhlangothi lwempumalanga kusiya kuhlangothi lwentshonalanga, uSimeyoni uzakuba lesisodwa. 25Lasemngceleni kaSimeyoni, kusukela kuhlangothi lwempumalanga kusiya kuhlangothi lwentshonalanga, uIsakari uzakuba lesisodwa. 26Lasemngceleni kaIsakari, kusukela kuhlangothi lwempumalanga kusiya kuhlangothi lwentshonalanga, uZebuluni uzakuba lesisodwa. 27Lasemngceleni kaZebuluni, kusukela kuhlangothi lwempumalanga kusiya kuhlangothi lwentshonalanga, uGadi uzakuba lesisodwa. 28Lasemngceleni kaGadi, kuhlangothi lweningizimu ngaseningizimu ^ax, umngcele uzasuka eTamari kuze kube semanzini eMeribathi-Kadeshi ^ay, kuze kube semfuleni, kuze kube selwandle olukhulu ^az. 29Yilo ilizwe elizalaba ngenkatho ^ba libe yilifa kuzo izizwe zakoIsrayeli, njalo lezi yizabelo zazo, itsho iNkosi uJehova.

Amasango eJerusalema

30Lalokhu yikuphuma komuzi ^bb kuvela ehlangothini lwenyakatho ^bc, izilinganiso ezizinkulungwane ezine lamakhulu amahlanu ^bd. 31Njalo amasango omuzi azakuba ngamabizo ezizwe zakoIsrayeli ^be; amasango amathathu ngasenyakatho; isango elilodwa ^bf elikaRubeni ^bg, isango elilodwa elikaJuda ^bh, isango elilodwa elikaLevi ^bi. 32Lehlangothini lwempumalanga izinkulungwane ezine lamakhulu amahlanu ^bj, lamasango amathathu; ngitsho isango elilodwa elikaJosefa, isango elilodwa elikaBhenjamini, isango elilodwa elikaDani. 33Lehlangothini lweningizimu izilinganiso ezizinkulungwane ezine lamakhulu amahlanu ^bk, lamasango amathathu; isango elilodwa elikaSimeyoni, isango elilodwa elikaIsakari, isango elilodwa elikaZebuluni. 34Uhlangothi lwentshonalanga, izinkulungwane ezine lamakhulu amahlanu ^bl, amasango azo amathathu; isango elilodwa elikaGadi, isango elilodwa elikaAsheri, isango elilodwa elikaNafithali. 35Inhlangothi zonke yizinkulungwane ezilitshumi lesificaminwembili. Njalo ibizo lomuzi kusukela ngalolosuku lizakuba ^bm: INkosi ilapha ^bn.