Isa 1 | Ndebele | STEP | Umbono kaIsaya indodana kaAmozi, awubona ngoJuda leJerusalema, ensukwini zaboUziya , uJothamu , uAhazi , uHezekhiya , amakhosi akoJuda.

1 Umbono kaIsaya ^a indodana kaAmozi, awubona ngoJuda leJerusalema, ensukwini ^b zaboUziya ^c, uJothamu ^d, uAhazi ^e, uHezekhiya ^f, amakhosi akoJuda.

2 Zwanini ^g, mazulu, ubeke indlebe ^h, mhlaba, ngoba iNkosi isikhulumile, yathi: Ngondlile ngakhulisa abantwana ⁱ, kodwa bona bangivukele. 3 Inkabi iyamazi umniniyo ^j, lobabhemi umkolo ^k womnikazi wakhe; kodwa uIsrayeli kazi ^{l
,} ^m, abantu bami kabaqedisisi ⁿ. 4 Hawu, isizwe esonayo, abantu abasindwa yibubi, inzalo ^o yabenzi bobubi, abantwana abonakalisayo! Bayitshiyile iNkosi, bamdelele ^p oNgcwele kaIsrayeli, bahlehlele nyovane.

5 Lizatshayelwani ^q futhi? Belizaqhubeka livukela; ikhanda lonke liyagula, lenhliziyo yonke ibuthakathaka. 6 Kusukela kungaphansi yonyawo kuze kufike ekhanda kakulandawo ephilileyo ^r kukho, kodwa izilonda ^s lemivimvinya ^{t
,} ^u lamanxeba ^v ophayo; kakukhanywanga, kakubotshwanga, kakuthanjiswanga ngamafutha ^w. 7 Ilizwe ^x lakini liyincithakalo, imizi yenu itshiswe ngomlilo, umhlaba wenu abezizwe bawudla phambi kwenu, njalo ^y kulencithakalo, njengokugenqulwa ngabemzini. 8 Indodakazi yeZiyoni isele-ke ^z njengedumba esivinini, njengengalane ^aa ensimini ^ab yamakhomane, njengomuzi ovinjezelweyo. 9 Uba ^ac iNkosi yamabandla ibingasitshiyelanga ^ad insali eyingcosana, besizakuba njengeSodoma ^ae, sifanane leGomora ^af.

10 Zwanini ilizwi leNkosi, babusi ^ag beSodoma ^ah, libeke indlebe kumlayo kaNkulunkulu wethu, bantu beGomora. 11 Buyini kimi ubunengi bemihlatshelo yenu? itsho iNkosi ^ai. Ngenelisiwe yiminikelo yokutshiswa yezinqama langamahwahwa okunonisiweyo; legazi lamajongosi lelamawundlu lelezimpongo kangithokozi ngalo. 12 Lapho lisizabonakala phambi kwami ^aj, ngubani obize lokhu esandleni senu ^ak, ukugxoba amaguma ami ^al? 13 Lingabe lisaletha umnikelo oyize; impepha iyisinengiso kimi; ukuthwasa kwenyanga ^{am
,} ^an, lesabatha ^ao, ukubizwa kwenhlangano, ngingekumele ^ap; kuyisiphambeko, ngitsho umhlangano onzulu ^aq. 14 Umphefumulo wami uyakuzonda ukuthwasa kwezinyanga ^ar zenu lemikhosi yenu emisiweyo ^as; kungumthwalo kimi ^at, sengikhathele yikukuthwala ^au. 15 Lalapho liselula izandla zenu ^av ngizalifihlela amehlo ami ^aw; njalo nxa lisandisa umkhuleko kangiyikuzwa; izandla zenu zigcwele igazi ^ax.

16 Gezani, lizihlambulule ^ay; susani ububi bezenzo zenu phambi kwamehlo ami; yekelani ukwenza okubi ^az; 17 fundani ukwenza okuhle; dingani isahlulelo ^{ba
,} ^bb; sizani ocindezelweyo; yehlulelani ^bc intandane ^bd; melani umfelokazi ^be.

18 Wozani khathesi, siqondisane ^bf, itsho iNkosi; loba izono zenu zinjengokubomvu gebhu, zizakuba mhlophe njengeliqhwa elikhithikileyo ^bg; loba zibomvu njengokubomvu kakhulu, zizakuba njengoboya bezimvu. 19 Uba livuma lilalela, lizakudla okuhle kwelizwe; 20 kodwa uba lisala libe lenkani, lizadliwa yinkemba; ngoba umlomo weNkosi ukhulumile ^bh.

Ukwahlulelwa lokukhululwa kweZiyoni

21 Yeka, umuzi othembekileyo usube liwule! ^bi Wawugcwele isahlulelo, ukulunga kwakuhlezi kuwo, kodwa khathesi ababulali. 22 Isiliva sakho sesibe ngamanyele ^bj; iwayini lakho laxubana lamanzi ^bk. 23 Iziphathamandla zakho zingabahlamuki ^bl labangane bamasela ^bm; ngulowo lalowo uthanda isipho ^bn, azingele izivalamlomo; kazehluleli izintandane ^bo, lendaba yomfelokazi kayifiki kuzo.

24 Ngakho itsho iNkosi, iNkosi yamabandla ^bp, oLamandla wakoIsrayeli ^bq: E, ngizaziduduza ngezitha zami ^br, ngiziphindisele kwabamelana lami ^bs. 25 Ngizabuyisela isandla sami phezu kwakho ^bt, ngicwengisise amanyele akho, ngisuse ^bu yonke ingcekeza yokucwengwa kwakho ^bv. 26 Ngizabuyisela abahluleli bakho njengekuqaleni ^bw, labeluleki bakho njengakuqala; emva kwalokho ubizwe ngokuthi ngumuzi wokulunga, umuzi othembekileyo ^bx. 27 IZiyoni izahlengwa ngesahlulelo, labaphendukayo bayo ngokulunga. 28 Lokwephulwa kwabaphambuki ^{by
,} ^bz lokwezoni kuzakuba kanyekanye, labadela iNkosi baqedwe ^ca. 29 Ngoba bazakuba lenhloni ngezihlahla zama-okhi* ^cb elaliziloyisa, liyangeke ngezivande elizikhethileyo ^cc. 30 Ngoba lizakuba njengesihlahla se-okhi omahlamvu aso ayabuna ^cd, lanjengesivande esingelamanzi ^ce. 31 Njalo olamandla uzakuba lifilakisi eliyizibi ^cf, lomenzi walo abe yinhlansi; njalo kuzakutsha kokubili kanyekanye ^cg, kungabi khona ocitshayo.