Isa 25 | Ndebele | STEP | N kosi unguNkulunkulu wami; ngizakuphakamisa , ngidumise ibizo lakho; ngoba wenzile okumangalisayo ; amacebo akho endulo aluthembeko le qiniso .

Isaiah 25

Ingoma yokubonga iNkosi ngezenzo zayo

1 Nkosi unguNkulunkulu wami; ngizakuphakamisa ^a, ngidumise ibizo lakho; ngoba wenzile ^b okumangalisayo ^{c
,} ^d; amacebo akho endulo aluthembeko leqiniso ^e. 2 Ngoba wenzile umuzi waba yinqwaba ^f; umuzi obiyelweyo ^g ube lunxiwa ^h; isigodlo sabezizwe ⁱ singabi ngumuzi ^j; kasiyikwakhiwa kuze kube nininini. 3 Ngenxa yalokho abantu abalamandla bazakudumisa ^k; umuzi wezizwe ezilesihluku uzakwesaba ^l. 4 Ngoba ubungamandla kumyanga ^m, amandla kosweleyo ekuhluphekeni kwakhe, isiphephelo kuzulu lesiphepho ⁿ, umthunzi ekutshiseni ^{o
,} ^p, lapho ukuvuthela kwabalolunya kunjengezulu lesiphepho emdulini. 5 Uzakwehlisa umsindo wabezizwe ^q njengokutshisa endaweni eyomileyo ^r; ukutshisa emthunzini weyezi ^s; ingoma ^t yabalolunya izathotshiswa.

6 Lakulintaba ^u iNkosi yamabandla ^v izakwenzela abantu bonke ^w idili lezinto ezinonileyo ^x, idili lamawayini alenzece, lezinto ezinonileyo zigcwele umnkantsho, lamawayini alenzece acengekileyo. 7 Izaginya kulintaba ^y ubuso besembeso esembese bonke abantu ^z, lesigubuzelo eselukiweyo ^aa phezu kwezizwe zonke ^ab. 8 Izaginya ukufa ^ac ekunqobeni ^ad, leNkosi uJehova izakwesula inyembezi ^ae izisuse ebusweni bonke, isuse lehlazo labantu bayo emhlabeni wonke; ngoba iNkosi ikhulumile ^af.

9 Kuzakuthiwa-ke ngalolosuku ^ag: Khangela, lo nguNkulunkulu wethu; silindele kuye ^ah, njalo uzasisindisa; le yiNkosi; siyilindele ^ai, sizathaba, sithokoze ^aj kusindiso lwayo ^ak. 10 Ngoba isandla seNkosi sizaphumula kulintaba ^{al
,} ^am, loMowabi ^an uzanyathelelwa phansi kwayo ^ao, njengamahlanga abuthelelweyo enyathelelwa enqunjini yomquba. 11 Njalo izakwelula izandla zayo phakathi kwakhe njengontshezayo ezelula ukuze antsheze; njalo izathobisa ukuzigqaja kwakhe kanye lokucathamela kwezandla zakhe. 12 Lenqaba ephakemeyo ^ap yemiduli yakho izayidilizela phansi ^aq, iyehlisele phansi ^ar, iyifikise emhlabathini ^as, ethulini.