Isa 26 | Ndebele | STEP | Ngalolosuku lingoma izahlatshelwa elizweni lakoJuda ethi : Silomuzi oqinileyo; uNkulunkulu uzamisa usindiso lube yimiduli lezinqaba .

1 Ngalolosuku ^a lingoma izahlatshelwa elizweni lakoJuda ^b ethi: Silomuzi oqinileyo; uNkulunkulu uzamisa usindiso ^c lube yimiduli lezinqaba ^d. 2 Vulani amasango ^e ukuze singene isizwe esilungileyo ^f esigcina ukuthembeka. 3 Uzamgcina ekuthuleni okupheleleyo ^g ongqondo yakhe yeyama phezu kwakho ^h, ngoba ethemba kuwe ⁱ. 4 Thembani eNkosini kokuphela ^j, ngoba eNkosini uJehova ^k kuLidwala elilaphakade. 5 Ngoba ibehlisela phansi abahlala engqongeni ^l; umuzi ophakemeyo, iwehlisela phansi ^{m
,} ⁿ; iwehlisela phansi emhlabathini ^o, iwufikise othulini ^p. 6 Unyawo luzawunyathelela phansi, ngitsho inyawo zabayanga, amanyathela abaswelayo.

7 Indlela yabalungileyo iyikuqonda ^q; wena oqondileyo ^r, uyalinganisa umkhondo wabalungileyo ^s. 8 Yebo, endleleni yezahlulelo zakho ^t, Nkosi, sikulindele ^{u
,} ^v; isiloyiso somphefumulo wethu ^w sisebizweni lakho ^{x
,} ^y lekukukhumbuleni ^{z
,} ^aa. 9 Ngomphefumulo wami ngikuloyisile ebusuku ^ab; yebo, ngomoya wami ophakathi kwami ngizakudinga ngovivi ^ac; ngoba lapho izahlulelo zakho zisemhlabeni ^ad, abahlali bomhlaba bazafunda ukulunga. 10 Uba ^ae okhohlakeleyo etshengiswa umusa ^af, kube kanti kayikufunda ukulunga; elizweni lobuqotho ^ag uzakwenza okubi, njalo kayikubona ^ah ubukhosi beNkosi. 11 Nkosi, isandla sakho siphakeme, kabayikubona ^ai; kodwa bazabona, babe lenhloni ngokutshisekela kwakho abantu; intukuthelo yomlilo ^aj wezitha zakho uzaziqeda.

12 Nkosi, uzasimisela ukuthula ^{ak
,} ^al, ngoba lawe usenzele yonke imisebenzi yethu ^am. 13 Nkosi Nkulunkulu wethu, amanye amakhosi ngaphandle kwakho ake abusa phezu kwethu ^an; kodwa ngawe ^ao kuphela sizakhumbula ibizo lakho. 14 Afile, kawayikuphila; ayimimoya efileyo ^ap, kawayikuvuka; ngakho ^aq uwaphindisele wawachitha ^ar, waqeda konke ukukhunjulwa kwawo ^as. 15 Usandisile isizwe ^at, Nkosi, wasandisa isizwe; uyadunyiswa ^au; usisusele khatshana ^av kuyo yonke imikhawulo yomhlaba ^aw. 16 Nkosi, besekuhluphekeni bakwethekelele ^ax, bathulula umkhuleko lapho ukujezisa kwakho kuphezu kwabo. 17 Njengowesifazana okhulelweyo ^ay sekusondele ukubeletha, esebuhlungwini, ekhala emihelweni yakhe, saba njalo ebusweni bakho, Nkosi. 18 Sasikhulelwe, sasisebuhlungwini, kwakungathi sibelethe umoya. Kasenzanga usindiso emhlabeni, njalo abahlali bomhlaba ^az kabawanga ^ba. 19 Abafileyo bakho bazaphila ^bb, lesidumbu sami, bazavuka. Vukani, limemeze ngentokozo ^bc, lina elihlala ethulini ^bd; ngoba amazolo akho ^be anjengamazolo emibhida ^bf, lomhlaba uzabakhupha imimoya efileyo ^bg.

Ukwahlulelwa lokubuyiswa kukaIsrayeli

20 Hambani bantu bami, lingene emakamelweni enu ^bh, livale iminyango yenu ngemva kwenu, licatshe okwesikhatshana ^{bi
,} ^bj, luze ludlule ulaka ^bk. 21 Ngoba, khangelani ^bl, iNkosi iyaphuma endaweni yayo ukuthi iphindisele ^bm ububi babahlali bomhlaba phezu kwabo; lomhlaba uzaveza igazi lawo, ungabe usabafihla ababuleweyo bawo ^bn.