Isa 51 | Ndebele | STEP | Lalelani kimi , lina elidingisisa ukulunga , lina elidinga iN kosi ; khangelani edwaleni elacezulwa kulo , lemlindini wegodi elagejwa kuwo .

1 Lalelani kimi ^a, lina elidingisisa ukulunga ^b, lina elidinga iNkosi; khangelani edwaleni ^c elacezulwa kulo, lemlindini wegodi elagejwa kuwo. 2 Khangelani kuAbrahama uyihlo ^d, lakuSara owalizalayo ^e; ngoba ngambiza ^f eyedwa ^g, ngambusisa ^{h
,} ⁱ, ngamandisa ^j. 3 Ngoba iNkosi izayiduduza iZiyoni ^k, iduduze wonke amanxiwa ayo ^l, njalo izakwenza inkangala yayo ifanane leEdeni ^m, logwadule lwayo lufanane lensimu yeNkosi ⁿ; injabulo lentokozo kuzatholakala kuyo, ukubonga lelizwi lokuhlabelela ^o.

4 Lalelani kimi ^p, bantu bami, libeke indlebe kimi ^q, sizwe sami; ngoba umlayo ^r uzaphuma kimi, njalo ngizakwenza ukwahlulela kwami ^s kuphumule kube yikukhanya ^t kwabantu. 5 Ukulunga kwami kuseduze ^u, usindiso lwami luphumile, lengalo zami ^v zizakwehlulela abantu; izihlenge ^w zingilindele, zithembele engalweni yami. 6 Phakamiselani amehlo enu emazulwini ^x, likhangele emhlabeni phansi; ngoba amazulu azanyamalala njengentuthu ^y, lomhlaba uguge njengesembatho ^z, labahlezi kuwo bafe ngokunjalo ^aa; kodwa usindiso lwami luzakuba phakade, lokulunga kwami kakuyikuchithwa.

7 Lalelani kimi ^ab, lina elazi ukulunga, abantu abamlayo wami usenhliziyweni yabo ^ac; lingesabi ^ad ukusola kwabantu, kumbe lethuswe yizithuko zabo. 8 Ngoba inundu ^ae izabadla njengesembatho, lempethu ibadle njengoboya bezimvu, kodwa ukulunga kwami kuzakuba laphakade, losindiso lwami esizukulwaneni lezizukulwana.

9 Vuka, vuka ^af, uzembathise amandla ^ag, wena ngalo yeNkosi ^ah; vuka njengensukwini zendulo ^ai, ezizukulwaneni zaphakade. Kawusuwe yini lowo owaquma ^aj iRahabi ^ak, wagwaza umgobho ^al? 10 Kawusuwe yini lowo owomisa ulwandle ^am, amanzi enziki enkulu, owenza ukujula kolwandle kwaba yindlela yokuchapha kwabahlengiweyo ^an? 11 Ngakho abahlengiweyo beNkosi ^ao bazaphenduka, beze eZiyoni ngokuhlabelela ^ap; lentokozo elaphakade ^aq izakuba phezu kwekhanda labo; bazazuza intokozo lenjabulo ^ar, usizi lokububula kuzabaleka ^as.

12 Mina, mina nginguye oliduduzayo ^at; ungubani wena ^au ozakwesaba umuntu ozakufa ^av, lendodana yomuntu ezakwenziwa ibe njengotshani ^aw? 13 Ubusukhohlwa iNkosi ^{ax
,} ^ay, umenzi wakho ^az, eyendlala amazulu ^ba, yabeka izisekelo zomhlaba ^bb, uqhubeka usesaba usuku lonke ngenxa yentukuthelo yomcindezeli ^bc, kungathi uzimisele ukuchitha? Ingaphi-ke intukuthelo yomcindezeli ^bd? 14 Isibotshwa esithunjiweyo ^be siyaphangisa ukuze sikhululwe; singafeli ^bf emgodini ^bg, lokudla kwaso kungasweleki. 15 Ngoba ngiyiNkosi uNkulunkulu wakho eyavusa ulwandle ^{bh
,} ^bi ukuze amagagasi alo ahlokome; iNkosi yamabandla libizo layo ^bj. 16 Njalo ngifakile amazwi ami ^bk emlonyeni wakho, ngakusibekela emthunzini wesandla sami ^bl, ukuze ngihlanyele amazulu, ngibeke izisekelo zomhlaba ^bm, ngithi kuyo iZiyoni: Wena uyisizwe sami ^bn.

17 Vuka, vuka, usukume, Jerusalema ^bo, wena onathe ^bp esandleni seNkosi inkezo yolaka lwayo ^bq, wanatha ^br inzece ^bs zenkezo yokudengezela ^bt, wazikhoca ^bu. 18 Kakho ^bv ongayikhokhela kuwo wonke amadodana ewazeleyo; njalo kakho ongayibamba ngesandla kuwo wonke amadodana ewakhulisileyo. 19 Lokhu kokubili kukwehlele ^bw, ngubani ozakuzwela usizi ^bx? Incithakalo, lokubhujiswa, lendlala, lenkemba; ngizakududuza ngobani ^{by
,} ^bz? 20 Amadodana akho aphelelwe ngamandla ^ca, alele esihlokweni sezitalada zonke, njengenkunzi yendle ^cb embuleni ^cc; agcwele ulaka lweNkosi, ukukhuza kukaNkulunkulu wakho.

21 Ngakho khathesi zwana lokhu ^cd, wena ohluphekayo ^ce lodakiweyo ^{cf
,} ^cg, kodwa hatshi ngewayini. 22 Itsho njalo iNkosi yakho, uJehova ^ch loNkulunkulu wakho olabhelela udaba lwabantu bakhe ^ci: Khangela, ngisusile esandleni sakho inkezo ^cj yokudengezela ^ck, inzece zenkezo yolaka lwami ^cl, kawusayikuyinatha futhi. 23 Kodwa ngizayibeka esandleni salabo abakuhluphayo ^cm, abathe emphefumulweni wakho: Khothama, ukuze sedlule phezulu ^cn; usubeke umhlana wakho njengomhlabathi ^co, lanjengesitalada kwabadlula phezulu.