Isa 52 | Ndebele | STEP | Vuka, vuka , wembathe amandla akho, Ziyoni! Yembatha izembatho zakho ezinhle , Jerusalema, muzi ongcwele ! Ngoba kakusayikungena kuwe futhi ongasokanga longcolileyo .

Isaiah 52

UNkulunkulu uzakhulula iZiyoni

1 Vuka, vuka ^a, wembathe amandla akho, Ziyoni! Yembatha izembatho zakho ezinhle ^b, Jerusalema, muzi ongcwele ^c! Ngoba kakusayikungena kuwe futhi ongasokanga longcolileyo ^d. 2 Zithintithe usuke othulini ^e, sukuma, uhlale phansi, Jerusalema! Zikhulule ^fkuzibopho zentamo yakho, ndodakazi ethunjiweyo yeZiyoni! 3 Ngoba itsho njalo iNkosi: Lathengiswa ^g ngeze ^h; njalo lizahlengwa ngaphandle kwemali ⁱ. 4 Ngoba itsho njalo iNkosi uJehova: Abantu bami ^j behlela eGibhithe esikhathini sendulo ukuhlala njengabezizwe khona, njalo iAsiriya yabacindezela ngaphandle kwesizatho. 5 Khathesi-ke, ngilani lapha, itsho iNkosi, ukuthi abantu bami bathethwe ngeze? Labo abababusayo babenza baqhinqe isililo, itsho iNkosi, lebizo lami ^k liqhubeka lihlanjazwa lonke usuku ^l. 6 Ngakho abantu bami bazalazi ibizo lami; ngakho ngalolosuku ^m bazakwazi ukuthi yimi engikhulumayo ⁿ; khangela, yimi.

7 Zinhle kangakanani ^o phezu kwezintaba inyawo zalowo ^p oletha izindaba ezinhle ^q, omemezela ukuthula, oletha indaba ezinhle zokulunga ^r, ozwakalisa usindiso, othi kuyo iZiyoni: UNkulunkulu wakho uyabusa ^s. 8 Ilizwi labalindi bakho! Bazaphakamisa ilizwi, bahlabele kakhulu kanyekanye, ngoba bazabona ilihlo ngelihlo ^t, lapho iNkosi izabuyisa iZiyoni.

9 Qhamukani ngentokozo ^u, lihlabelele kanyekanye, lina manxiwa eJerusalema ^v, ngoba iNkosi isibaduduzile abantu bayo ^w, iyihlengile iJerusalema ^x. 10 INkosi yembule ingalo yayo engcwele ^y emehlweni azo zonke izizwe, njalo ^z imikhawulo yonke yomhlaba izabona usindiso lukaNkulunkulu wethu.

11 Sukani, sukani ^aa, liphume lapha, lingathinti okungcolileyo, phumani phakathi kwayo, banini ngabahlambulukileyo, lina elithwala izitsha zeNkosi ^ab. 12 Ngoba kaliyikuphuma ^ac ngokuphangisa ^ad, kumbe lihambe ngokubaleka, ngoba iNkosi izahamba phambi kwenu ^ae, loNkulunkulu kaIsrayeli uzakuba ngumvikeli wenu ngasemuva ^af.

Ukuhlupheka kwenceku yeNkosi

13 Khangela, inceku yami ^ag izakwenza ngenhlakanipho, iphakeme njalo iphakanyisiwe ^ah, iphakeme kakhulu. 14 Njengoba abanengi babethithibele ngawe ^ai; ukukhangeleka kwayo ^aj kwakonakele kangaka, okwedlula loba nguwuphi, lesimo sayo okwedlula amadodana abantu. 15 Ngokunjalo izafafaza izizwe ezinengi ^ak; amakhosi ^al azayivalela umlomo wawo; ngoba lokho abangakulandiselwanga bazakubona ^am, lalokho abangakuzwanga bazakuqedisisa.