Isa 55 | Ndebele | STEP | We lina lonke elomileyo , wozani emanzini, laye ongelamali, wozani , lithenge, lidle ; yebo, wozani lithenge ngaphandle kwemali langaphandle kwentengo, iwayini lochago .

Isaiah 55

INkosi izakuba lomusa kubo bonke abaphendukela kuyo

1 We lina lonke elomileyo ^a, wozani emanzini, laye ongelamali, wozani ^b, lithenge, lidle ^c; yebo, wozani lithenge ngaphandle kwemali langaphandle kwentengo, iwayini lochago ^{d
,} ^e. 2 Kungani lichitha ^{▼▼ lichitha: Heb lilinganise.} imali kokungeyisikho kudla ^g, lomtshikatshika wenu kokungenelisiyo ^h? Ngilalelani lokungilalela, lidle okuhle, lomphefumulo wenu kawuzithokozise kokunonileyo ⁱ. 3 Thobani indlebe yenu, lize kimi ^j, zwanini, njalo umphefumulo wenu uzaphila ^k; njalo ngizakwenza isivumelwano esilaphakade lani ^l, izisa eziqinisekileyo ^m zikaDavida ⁿ. 4 Khangela, ngimnike ^o waba ngumfakazi ebantwini ^p, umkhokheli lomlawuli ebantwini ^q. 5 Khangela, uzabiza isizwe ongasaziyo ^r, lezizwe ebezingakwazi zizagijimela kuwe ^s, ngenxa yeNkosi, uNkulunkulu wakho, langoNgcwele kaIsrayeli ^t, ngoba ^u ekudumisile ^v.

6 Dingani iNkosi iselokutholwa ^w, ibizeni iseseduze. 7 Omubi katshiye indlela yakhe, lomuntu ongalunganga imicabango yakhe ^x; kabuyele eNkosini ^y, njalo izakuba lomusa kuye, lakuNkulunkulu wethu, ngoba uzathethelela ngokukhulu ^z.

8 Ngoba imicabango yami kayisiyo imicabango yenu ^aa, lendlela zenu kayisizo izindlela zami, itsho iNkosi. 9 Ngoba njengoba amazulu ephakeme kulomhlaba ^ab, ngokunjalo indlela zami ziphakeme kulendlela zenu, lemicabango yami kulemicabango yenu. 10 Ngoba njengalokhu izulu lisehla ^ac, leliqhwa elikhithikileyo kuvela emazulwini, kungabuyeli khona, kodwa kuthelela umhlaba, kuwenze ukuthi uthele uhlume, ukuze unike inhlanyelo kumhlanyeli ^ad, lokudla kodlayo, 11 lizakuba njalo ilizwi lami eliphuma emlonyeni wami ^ae; kaliyikubuyela kimi lize, kodwa lizakwenza lokho engikufisayo, liphumelele kulokhu engilithumele khona. 12 Ngoba lizaphuma ngentokozo ^af, njalo likhokhelwe ngokuthula; izintaba lamaqaqa kuzaqhamuka ngokuhlabela ^ag phambi kwenu, lezihlahla zonke zeganga ^ah zitshaye izandla. 13 Endaweni ^ai yameva kuzamila ifiri* ^aj, lendaweni yokhula oluhlabayo kumile imiteli*; kuzakuba seNkosini libizo ^ak, kube yisibonakaliso esilaphakade esingayikuqunywa.