Isa 62 | Ndebele | STEP | Ngenxa yeZiyoni kangiyikuthula, langenxa yeJerusalema kangiyikuphumula, kuze kuphume ukulunga kwayo njengokukhanya, losindiso lwayo njengesibane esivuthayo.

1 Ngenxa yeZiyoni kangiyikuthula, langenxa yeJerusalema kangiyikuphumula, kuze kuphume ukulunga ^a kwayo njengokukhanya, losindiso lwayo njengesibane esivuthayo. 2 Labezizwe ^b bazabona ukulunga kwakho, lamakhosi wonke inkazimulo yakho ^c; njalo uzabizwa ngebizo elitsha ^d, umlomo weNkosi ozakutha lona. 3 Njalo uzakuba ngumqhele wobuhle ^e esandleni seNkosi, lomqhele wobukhosi ^f esandleni sikaNkulunkulu wakho. 4 Kawusayikuthiwa ^g ngoTshiyiweyo ^h, lelizwe lakho kalisayikuthiwa ngeliLahliweyo ⁱ; kodwa uzabizwa ngokuthi nguHefiziba ^{▼▼ Hefiziba: okuyikuthi, intokozo yami ikuye.}, lelizwe lakho ngokuthi yiBhewula ^{▼▼ Bhewula okuyikuthi, owendileyo.}; ngoba iNkosi ithokoza ngawe, lelizwe lakho lizakwenda. 5 Ngoba njengejaha lithatha intombi emsulwa, ngokunjalo amadodana akho azakuthatha ^l; lanjengomyeni ^m ethokoza ngomakoti, ngokunjalo uNkulunkulu wakho uzathokoza ngawe ⁿ.

6 Ngibekile abalindi ^o phezu kwemithangala yakho, Jerusalema, abangayikuthula kokuphela imini yonke lobusuku bonke. Lina elikhumbuza ngeNkosi, lingabi lokuthula ^p, 7 lingayiphumuzi, ize imise, njalo ize yenze iJerusalema ibe ludumo emhlabeni ^q. 8 INkosi ifungile ngesandla sayo sokunene, langengalo yamandla ayo: Isibili kangisayikunika amabele akho abe yikudla kwezitha zakho ^r, njalo isibili amadodana awezizwe ^s kawayikunatha ^t iwayini ^u lakho elitsha olitshikatshikeleyo. 9 Kodwa labo abawabuthileyo bazawadla, badumise iNkosi ^v; lalabo abaliqoqileyo bazalinatha emagumeni obungcwele bami ^w.

10 Dabulani, dabulani emasangweni; lungisani indlela yabantu ^{x
,} ^y; phakamisani, phakamisani umgwaqo omkhulu ^z, likhuphe amatshe ^aa, liphakamisele abantu uphawu ^ab. 11 Khangelani, iNkosi iyezwakala kuze kube sephethelweni lomhlaba: Tshonini kundodakazi yeZiyoni ^ac: Khangela, usindiso lwakho luyeza ^ad; khangela ^ae umvuzo wayo ilawo, lenkokhelo yayo iphambi kwayo ^af. 12 Bazababiza ^ag ngokuthi ngaBantu abaNgcwele ^ah, abaHlengiweyo beNkosi ^ai; yebo, uzabizwa ngokuthi ngoDingiweyo, uMuzi ongaTshiywanga ^aj.