Jer 29 | Ndebele | STEP | La-ke ngamazwi encwadi ayithumelayo uJeremiya umprofethi ivela eJerusalema isiya kunsali yabadala babathunjiweyo lakubapristi lakubaprofethi lebantwini bonke ayebathumbile uNebhukadinezari besuka eJerusalema wabasa eBhabhiloni

1 La-ke ngamazwi encwadi ayithumelayo uJeremiya umprofethi ivela eJerusalema isiya kunsali yabadala babathunjiweyo ^a lakubapristi ^b lakubaprofethi lebantwini bonke ayebathumbile uNebhukadinezari besuka eJerusalema wabasa eBhabhiloni 2 (emva kokuphuma kukaJekoniya inkosi, ^{c
,} ^d lendlovukazi, ^{e
,} ^f labathenwa, ^g iziphathamandla zakoJuda lezeJerusalema, ^h lababazi, ⁱ labakhandi, ^j besuka eJerusalema), 3 ngesandla sikaElasa indodana kaShafani, ^k loGemariya indodana kaHilikhiya, ^l uZedekhiya inkosi yakoJuda eyabathuma eBhabhiloni kuNebhukadinezari inkosi yeBhabhiloni, ^m isithi: 4 Itsho njalo iNkosi yamabandla, uNkulunkulu kaIsrayeli, kibo bonke abathunjiweyo engabenza bathunjwa besuswa eJerusalema basiwa eBhabhiloni: 5 Yakhani izindlu, ⁿ lihlale kizo, lihlanyele izivande, lidle izithelo zazo; 6 lithathe abafazi, lizale amadodana lamadodakazi, lithathele amadodana enu abafazi, lendise amadodakazi enu emadodeni, ukuze azale amadodana lamadodakazi, lande khona, linganciphi. 7 Lidinge ukuthula komuzi lapho engilithumbele khona, liwukhulekele eNkosini; ^o ngoba ekuthuleni kwawo lizakuba lokuthula.

8 Ngoba itsho njalo iNkosi yamabandla, uNkulunkulu kaIsrayeli: Akuthi abaprofethi benu labavumisi benu ^p abaphakathi kwenu bangalikhohlisi; ^q lingawalaleli amaphupho enu eliwenza aphutshwe; ^r 9 ngoba baprofetha amanga kini ngebizo lami; ^s kangibathumanga, ^t itsho iNkosi.

10 Ngoba itsho njalo iNkosi: Qiniso, lapho iminyaka engamatshumi ayisikhombisa isigcwalisekile eBhabhiloni, ^u ngizalihambela, ^v ngiqinise ilizwi lami elihle kini, ^w ukuthi ngilibuyise kulindawo. ^{x
,} ^y 11 Ngoba mina ngiyazi imicabango engiyicabanga ngani, itsho iNkosi, imicabango yokuthula, kayisiyo eyokubi, ukuthi ngilinike isiphetho lokulindelweyo. ^z 12 Khona lizangibiza ^aa liyekhuleka kimi, ngilizwe. 13 Njalo lizangidinga, ^{ab
,} ^{ac
,} ^ad lingithole, lapho lingidingisisa ngenhliziyo yenu yonke. ^ae 14 Njalo ngizatholwa yini, ^af itsho iNkosi, ngibuyise ukuthunjwa kwenu, ^ag ngiliqoqe kuzo zonke izizwe ^ah lakuzo zonke indawo lapho engilixotshele khona, ^ai itsho iNkosi, ngilibuyise endaweni engalithumba livela khona.

15 Ngoba litshilo: INkosi isivusele abaprofethi eBhabhiloni. 16 Ngoba utsho njalo uJehova ngenkosi ehlezi esihlalweni sobukhosi sikaDavida ^aj langabo bonke abantu abahlala kulumuzi, abafowenu abangaphumelanga ekuthunjweni kanye lani: 17 Itsho njalo iNkosi yamabandla: Khangelani, ngizathumela phakathi kwabo inkemba, indlala, lomatshayabhuqe wesifo, ^ak ngibenze babe njengemikhiwa eyenyanyekayo, engadlekiyo ngenxa yobubi. ^al 18 Ngixotshane labo ngenkemba, ngendlala, langomatshayabhuqe wesifo, ngibanikele ukuba yisesabiso kuyo yonke imibuso yomhlaba, ^am babe yisiqalekiso, ^{an
,} ^ao lento eyesabekayo, ^{ap
,} ^{aq
,} ^ar lokuncifelwayo, ^as lehlazo, ^at phakathi kwazo zonke izizwe ^au lapho engibaxotshele khona; ^av 19 ngenxa yokuthi bengawalalelanga amazwi ami, itsho iNkosi, engawathumela kibo ngenceku zami abaprofethi, ngivuka ngovivi ngibathuma, ^aw kodwa kalilalelanga, ^ax itsho iNkosi.

20 Lina-ke zwanini ilizwi leNkosi, lina lonke bathunjiweyo, engabathuma besuka eJerusalema besiya eBhabhiloni: ^ay 21 Itsho njalo iNkosi yamabandla uNkulunkulu kaIsrayeli, mayelana loAhabi indodana kaKolaya, lamayelana loZedekhiya indodana kaMahaseya, abaprofetha amanga kini ngebizo lami: ^az Khangelani, ngizabanikela esandleni sikaNebhukadirezari inkosi yeBhabhiloni, ozababulala phambi kwamehlo enu. 22 Njalo kuzathathwa kubo ^ba isiqalekiso yibo bonke abathunjiweyo koJuda abaseBhabhiloni ^bb kuthiwe: Kungathi iNkosi ikumise njengoZedekhiya lanjengoAhabi, inkosi yeBhabhiloni eyamosa ngomlilo; ^bc 23 ngenxa yokuthi benze ubuthutha koIsrayeli, bafeba labafazi babomakhelwane babo, ^bd baqamba amazwi angamanga ngebizo lami, ^{be
,} ^bf engingabalayanga wona; njalo yimi engaziyo, engingumfakazi, ^bg itsho iNkosi.

24 Uzakhuluma kuShemaya umNehelami usithi: 25 Itsho njalo iNkosi yamabandla, uNkulunkulu kaIsrayeli, isithi: Ngenxa yokuthi wena uthumele izincwadi ngebizo lakho kubo bonke abantu abaseJerusalema, lakuZefaniya ^bh indodana kaMahaseya umpristi, ^bi lakubo bonke abapristi, usithi: 26 INkosi isikwenze ube ngumpristi esikhundleni sikaJehoyada umpristi, ^bj ukuthi libe ngababonisi bendlu yeNkosi ^bk phezu kwakhe wonke umuntu ohlanyayo ^bl ozitshaya umprofethi, ^bm ukuthi limfake esitokisini elezankosi entanyeni. ^bn 27 Khathesi-ke, kungani ungamkhuzanga uJeremiya umAnathothi ^bo ozitshaya umprofethi kini? ^bp 28 Ngoba ngenxa yalokhu usethumele kithi eBhabhiloni esithi: Kuzakuba kude; yakhani izindlu, ^bq lihlale kizo, lihlanyele izivande, lidle izithelo zazo. 29 UZefaniya umpristi waseyifunda lincwadi endlebeni zikaJeremiya umprofethi.

30 Laselifika ilizwi leNkosi kuJeremiya lisithi: 31 Thumela kubo bonke abathunjiweyo usithi: Itsho njalo iNkosi ngoShemaya umNehelami: Ngenxa yokuthi uShemaya eprofethe kini, mina-ke ngingamthumanga, ^{br
,} ^bs walenza ukuthi lithembe amanga, ^bt 32 ngakho itsho iNkosi: Khangela, ngizajezisa uShemaya umNehelami kanye lenzalo yakhe; kayikuba lamuntu ozahlala phakathi kwalababantu, angaboni okuhle engizakwenzela abantu bami, ^bu itsho iNkosi, ngoba ukhulume ukuhlamuka emelene leNkosi. ^bv