Jer 9 | Ndebele | STEP | Kungathi ngabe ikhanda lami lingamanzi, lamehlo ami umthombo wezinyembezi, ukuze ngikhalele ababuleweyo bendodakazi yabantu bami emini lebusuku!

1 Kungathi ngabe ikhanda lami lingamanzi, ^a lamehlo ami umthombo wezinyembezi, ukuze ngikhalele ababuleweyo bendodakazi yabantu bami ^b emini lebusuku! 2 Kungathi ngabe ngilendawo yokulala yezihambi ^c enkangala, ukuze ngitshiye abantu bami, ngisuke kubo! Ngoba bonke bayizifebe, ^d ixuku ^e labakhohlisayo. ^f 3 Njalo bagobisa ulimi lwabo njengedandili labo besenzela amanga; ^g kodwa kabaliqineli ^h iqiniso elizweni; ⁱ ngoba baqhubeka kusukela kokubi kusiya kokubi, mina-ke kabangazi, ^{j
,} ^k itsho iNkosi. 4 Qaphelani, ngulowo lalowo umakhelwane wakhe, ^l lingathembi lawuphi umfowenu, ^m ngoba wonke umfowenu uzakhohlisa lokukhohlisa, ⁿ laye wonke umakhelwane uzahamba ngokuhleba. ^o 5 Njalo bazakhohlisa, ngulowo lalowo umakhelwane wakhe, bengakhulumi iqiniso; balufundisile ulimi lwabo ukukhuluma amanga, bezidinisa ngokwenza okubi. ^p 6 Indawo yakho yokuhlala iphakathi kwenkohliso; ngenkohliso bayala ukungazi, ^q itsho iNkosi. 7 Ngakho itsho njalo iNkosi yamabandla: Khangela, ngizabancibilikisa, ^r ngibahlole; ^s ngoba ngizakwenza njani ^t ngenxa yendodakazi yabantu bami? ^u 8 Ulimi lwabo lungumtshoko wokubulala, ^{v
,} ^w lukhuluma inkohliso; ^x ngulowo lalowo ukhuluma ukuthula ngomlomo wakhe kumakhelwane wakhe, ^y kodwa ngaphakathi kwakhe uyamcathamela. ^z 9 Kangiyikubajezisa yini ngenxa yalezizinto? ^aa itsho iNkosi; umphefumulo wami kawuyikuphindisela yini esizweni esinjengalesi? 10 Ngizaphakamisa ukukhala lesililo phezu kwezintaba, laphezu kwezindawo zokuhlala zenkangala ingoma yokulila, ^{ab
,} ^ac ngoba kutshisiwe, ^ad okokuthi kungekho odlulayo; njalo bangezwa ilizwi lezifuyo; kusukela enyonini zamazulu kusiya enyamazaneni ^ae kubalekile, kuhambile. ^af 11 Ngizayenza iJerusalema ibe zinqumbi, ^ag umlindi ^ah wemigobho; ^ai lemizi yakoJuda ngizayenza ibe lunxiwa, ingabi lamhlali.

Ilizwe liyachitheka labantu bayakhala

12 Ngubani umuntu ohlakaniphileyo ongaqedisisa lokhu? ^aj Njalo ngubani umlomo weNkosi okhulume kuye, ukuze akubike? Kungani ilizwe libhubhile litshiswe njengenkangala, ^ak kuze kungabikho odlulayo? 13 INkosi yasisithi: Ngoba bedelile umlayo wami engawubeka phambi kwabo, ^al njalo bengalilalelanga ilizwi lami, bengahambanga ngalo; 14 kodwa balandela ^am inkani yenhliziyo yabo, ^an belandela oBhali, oyise ababafundisa khona. ^ao 15 Ngalokho itsho njalo iNkosi yamabandla, uNkulunkulu kaIsrayeli: Khangela, ngizabondla ^ap lababantu ngomhlonyane, ^aq ngibanathise amanzi enyongo. ^ar 16 Njalo ngizabahlakaza phakathi kwezizwe ^{as
,} ^at abangazanga bazazi bona laboyise, ^au ngithume inkemba emva kwabo, ^{av
,} ^aw ngize ngibaqede.

17 Itsho njalo INkosi yamabandla: Qaphelani, libize abesifazana abalilayo ukuthi beze; ^ax lithumele kwabesifazana abahlakaniphileyo, ukuthi beze. 18 Kabaphangise, basiphakamisele isililo, ukuze amehlo ethu ehlise inyembezi, ^ay lenkophe zethu zimpompoze amanzi. 19 Ngoba ilizwi lokulila liyezwakala liphuma eZiyoni lisithi: Yeka ukuchitheka kwethu! ^az Silenhloni kakhulu, ngoba silitshiyile ilizwe, ngoba babhidlizile izindawo zethu zokuhlala. ^ba 20 Kanti zwanini ilizwi leNkosi, lina besifazana, lendlebe zenu zilemukele ilizwi lomlomo wayo; lifundise amadodakazi enu ukuqhinqa isililo, kube ngulowo lalowo umakhelwane wakhe ingoma yokulila. 21 Ngoba ukufa kwenyukele emawindini ethu, kwangena ezigodlweni zethu, ukuquma abantwana ^bb ezitaladeni, ^bc amajaha ^bd emidangeni. ^be 22 Khuluma uthi: Itsho njalo iNkosi: Ngitsho isidumbu somuntu sizakuwa njengamalongwe ebusweni bensimu, ^bf lanjengomzila wamabele asikiweyo emva komvuni, ^bg njalo kungabi lobuthayo. ^{bh
,} ^bi

Wonke umuntu kazibonge ngokwazi uNkulunkulu

23 Itsho njalo iNkosi: Ohlakaniphileyo kangazincomi ngenhlakanipho yakhe, ^{bj
,} ^bk leqhawe lingazincomi ngobuqhawe balo, isinothi singazincomi ngenotho yaso; 24 kodwa ozincomayo kazincome ngalokhu, ^{bl
,} ^bm ukuthi uyaqedisisa uyangazi mina, ^bn ukuthi ngiyiNkosi esebenzisa uthandolomusa, isahlulelo, lokulunga emhlabeni; ngoba kulezizinto ngiyathokoza, ^bo itsho iNkosi.

25 Khangela, insuku ziyeza, ^bp itsho iNkosi, lapho ngizajezisa bonke ^bq abasokileyo ekungasokini: ^br 26 IGibhithe, loJuda, loEdoma, labantwana bakoAmoni, loMowabi, ^bs labo bonke abaphoselwe engonsini, abahlala enkangala; ngoba zonke izizwe kazisokwanga, layo yonke indlu kaIsrayeli kayisokwanga enhliziyweni. ^bt