Job 11

Inkulumo yokuqala kaZofari. Uthi uJobe wonile

1 Wasephendula uZofari umNahama wathi ^a:

2 Kambe kabuphendulwa yini ubunengi bamazwi? Njalo isilawuli singalungisiswa yini ^b? 3 Ukulawula kwakho kuzathulisa abantu yini? Lapho ukloloda, kakho ongakuyangisa yini? 4 Ngoba uthe ^c: Imfundiso yami ihlanzekile, ngihlambulukile emehlweni akho ^d. 5 Kodwa-ke kungathi uNkulunkulu angakhuluma, avule indebe zakhe kuwe, 6 ukuze akwazise imfihlakalo zenhlakanipho, ukuthi ziphindwe kabili ^e ngenhlakanipho eqotho ^f. Yazi-ke ukuthi uNkulunkulu ubiza kuwe okulutshwana kulecala lakho ^g.

7 Ungafumana ukujula kukaNkulunkulu na ^h? Ungamfumana yini uSomandla kuze kube sekupheleleni ⁱ? 8 Kuphakeme njengamazulu, ungenzani? Kutshonile kulesihogo, ungazini ^j? 9 Isilinganiso sakho side kulomhlaba, sibanzi kulolwandle. 10 Uba esedlula avalele ^k kumbe abuthanise ^l, ngubani-ke ongamnqanda ^{▼▼ ukumnqanda: Heb ukumbuyisela emuva.}? 11 Ngoba yena uyabazi abantu abayize, uyabona ububi; ngakho kayikukuqaphelisa yini ⁿ? 12 Ngoba umuntu oyisiphukuphuku angaba lokuqedisisa, lanxa umuntu ^o engazalwa njengethole likababhemi weganga ^p.

13 Uba wena ulungisa inhliziyo yakho ^q, welulele izandla zakho kuye ^r, 14 uba ububi busesandleni sakho, bubeke khatshana, lobubi kabungahlali emathenteni akho ^s. 15 Ngoba lapho uzaphakamisa ubuso bakho ungelasici ^t, njalo uqine, ungesabi ^u. 16 Ngoba wena uzakhohlwa usizi lwakho, ulukhumbule njengamanzi asedlulile ^v. 17 Lobude bempilo yakho ^w buzakhanya ^{▼▼ buzakhanya: Heb buzaphakama.} kulemini enkulu; loba kulomnyama kuzakuba njengekuseni ^y. 18 Njalo uzakuba lethemba ngoba kulethemba; uzagebha, uzalala ngokuvikeleka ^z. 19 Uzalala, njalo kakho ozakwethusa, labanengi bazancenga phambi kwakho ^aa. 20 Kodwa amehlo ababi azafiphala ^ab, lesiphephelo sizachitheka kubo, lethemba labo ^ac lizakuba yikuphela komphefumulo ^ad.