Job 40

Impendulo kaJobe

1 INkosi yasiphendula uJobe yathi ^a:

2 Ophikisana loSomandla uzamqondisa yini? Osola uNkulunkulu kakuphendule ^b.

3 UJobe waseyiphendula iNkosi wathi:

4 Khangela, ngiphansi; ngingakuphendula ngithini ^c? Ngibeka isandla sami emlonyeni wami ^d. 5 Ngikhulumile kanye, kodwa kangiyikuphendula ^e; kumbe kabili, kodwa kangiyikuqhubeka ^f.

INkosi ibonakalisa amandla ayo

6 INkosi yasimphendula uJobe isesivunguzaneni yathi ^g:

7 Bopha khathesi ukhalo lwakho njengendoda ^h; ngizakubuza, ubusungazisa ⁱ. 8 Isibili, uzachitha isahlulelo sami yini ^j? Ungilahle, ukuze ube ngolungileyo yini ^k? 9 Njalo ulengalo yini njengoNkulunkulu? Kumbe ungaduma yini ngelizwi njengaye ^l? 10 Khathesi zicecise ngobukhosi lokuphakama, uzembese ngodumo lenkazimulo ^m. 11 Usabalalise intukuthelo zolaka lwakho ⁿ, ukhangele wonke ozigqajayo, umthobise ^o. 12 Khangela wonke ozigqajayo ^p, umehlisele phansi ^q, unyathelele phansi ababi endaweni yabo ^r. 13 Ubafihle bonke ^s ethulini ^{t
,} ^u, ubophe ubuso babo ngasese. 14 Khona lami ngizavuma kuwe, ukuthi isandla sakho sokunene singakusindisa ^v. 15 Ake ukhangele imvubu engayenza kanye lawe; idla utshani njengenkabi ^w. 16 Ake ukhangele, amandla ayo asekhalweni lwayo, lokuqina kwayo kusemisipheni yesisu sayo. 17 Iyagobisa umsila wayo njengomsedari; imisipha yemilenze yayo yelukene ^x. 18 Amathambo ayo anjengempompi zethusi, amathambo ayo anjengemigoqo yensimbi. 19 Ingeyokuqala ^y yezindlela zikaNkulunkulu ^z; owayenzayo wasondeza inkemba yayo. 20 Ngoba intaba ziyayivezela ukudla, lapho okudlala khona inyamazana zonke zeganga. 21 Ilala phansi kwesihlahla esiluhlaza, ekusithekeni kwemihlanga lamaxhaphozi ^aa. 22 Izihlahla eziluhlaza ziyayisibekela ngomthunzi wazo; imidubu yesifula iyayiphahla ^ab. 23 Khangela, umfula uyayicindezela, kayiphangisi ^ac; ilesibindi lanxa iJordani ingaphuphumela emlonyeni wayo ^ad. 24 Ongayibamba yini ngamehlo ayo? Ongahlaba yini amakhala ayo ngemijibila?