Joh 10 | Ndebele | STEP | Ngiqinisile, ngiqinisile, ngithi kini: Ongangeni ngesango esibayeni sezimvu, kodwa akhwele kwenye indawo, lowo ulisela lomphangi ;

1 Ngiqinisile, ngiqinisile, ngithi kini: Ongangeni ngesango esibayeni sezimvu, kodwa akhwele kwenye indawo, lowo ulisela lomphangi ^a; 2 kodwa ongena ngesango ungumelusi wezimvu. 3 Umlindi wesango uyamvulela, lezimvu ziyalizwa ilizwi lakhe, njalo uyazibiza ezakhe izimvu ngamabizo, azikhokhelele phandle ^b. 4 Nxa esezikhuphile ezakhe izimvu, uhamba phambi kwazo; lezimvu zimlandele, ngoba ziyalazi ilizwi lakhe ^c. 5 Kodwa owemzini kazisoze zimlandele, kodwa zizambalekela; ngoba kazilazi ilizwi labemzini ^d. 6 UJesu wakhuluma lumfanekiso kubo ^e; kodwa bona kabaqedisisanga ukuthi ziyini izinto azitshoyo kubo ^f.

7 Ngakho uJesu waphinda wathi kubo: Ngiqinisile, ngiqinisile, ngithi kini: Mina ngilisango lezimvu; 8 bonke abake bafika phambi kwami bangamasela labaphangi ^g; kodwa izimvu kazibezwanga. 9 Mina ngilisango; uba umuntu engena ngami, uzasindiswa ^h, angene aphume ⁱ, athole idlelo ^j. 10 Isela kalizi ngaphandle kokuzakweba lokubulala lokubhubhisa; mina ngizile ukuze babe lempilo, babe layo iphuphume.

11 Mina ngingumelusi olungileyo ^k. Umelusi olungileyo uzibekela phansi izimvu impilo yakhe ^l. 12 Kodwa oqhatshiweyo ^m, engesuye umelusi, izimvu zingesizo ezakhe, ubona impisi isiza ⁿ, atshiye izimvu, abaleke ^o; kuthi impisi izibambe, izichithachithe izimvu ^p. 13 Oqhatshiweyo uyabaleka-ke, ngoba engoqhatshiweyo, njalo engazikhathaleli izimvu ^q.

14 Mina ngingumelusi olungileyo, ngiyazazi ezami, ngiyaziwa ngezami ^r, 15 njengalokhu uBaba engazi, lami ngiyamazi uBaba ^s; ngizibekela phansi izimvu impilo yami ^t. 16 Njalo ngilezinye izimvu ^u, ezingesizo zalesisibaya ^v; lazo kumele ngizilethe ^w, njalo zizakuzwa ilizwi lami; njalo kube mhlambi ^x munye ^y, melusi munye ^z.

17 Ngenxa yalokhu uBaba uyangithanda ^aa, ngoba mina ^ab ngibeka phansi impilo yami, ukuze ngibuye ngiyithathe ^ac. 18 Kakho ongemuka yona, kodwa mina ngiyibeka phansi ngokwami. Ngilamandla okuyibeka phansi ^{ad
,} ^ae, njalo ngilamandla okubuya ngiyithathe ^af. Lumlayo ngiwemukele kuBaba ^ag.

19 Ngakho kwaba khona futhi ukwehlukana ^ah phakathi kwamaJuda ngenxa yalamazwi ^ai. 20 Labanengi bawo bathi: Uledimoni ^aj futhi uyahlanya; limlalelelani ^ak? 21 Amanye athi: Lamazwi kawasiwo wongenwe lidimoni ^al; kambe idimoni ^am lingavula amehlo eziphofu yini ^an?

UJesu unguKristu

22 Kwakukhona umkhosi wokuvuselela eJerusalema, kwakusebusika; 23 uJesu wasehambahamba ethempelini ekhulusini likaSolomoni ^ao. 24 AmaJuda asemhanqa ^ap, athi kuye: Koze kube nini usilibazisa? Uba wena unguKristu, sitshele ngokucacileyo. 25 UJesu wawaphendula wathi: Ngalitshela, kodwa kalikholwanga ^aq; imisebenzi mina engiyenza ebizweni likaBaba, yiyo engifakazelayo ^ar; 26 kodwa lina kalikholwa; ngoba kalisibo abezimvu zami, njengokutsho kwami kini ^{as
,} ^at. 27 Izimvu zami ziyalizwa ilizwi lami, lami ngiyazazi, futhi ziyangilandela; 28 njalo mina ngizinika impilo elaphakade ^au; futhi kazisoze zabhubha laphakade ^av, njalo kungekho ozazihluthuna esandleni sami ^aw. 29 UBaba ^ax ozinike mina, mkhulu kulabo bonke ^ay; kungekho njalo ongazihluthuna esandleni sikaBaba. 30 Mina loBaba simunye ^az.

31 Ngakho amaJuda ^ba aphinda athatha amatshe ukuze amkhande ngawo ^bb. 32 UJesu wawaphendula wathi: Ngilitshengise imisebenzi eminengi emihle evela kuBaba; yiwuphi umsebenzi kuyo elingikhandela wona ngamatshe ^bc? 33 AmaJuda amphendula athi: Kasikukhandi ngamatshe ngenxa yomsebenzi omuhle ^bd, kodwa ngenxa yenhlamba ^be, langokuthi wena ungumuntu uzenza uNkulunkulu ^bf. 34 UJesu wawaphendula wathi: Kakulotshiwe yini emlayweni wenu ^bg ukuthi: Mina ngathi ^bh: Lingonkulunkulu ^bi? 35 Uba wababiza bona ngokuthi ngonkulunkulu, eleza kubo ilizwi likaNkulunkulu, njalo umbhalo ungephulwe, 36 lowo uBaba amehlukanisileyo ^bj wamthuma emhlabeni ^bk, kanti lina lithi: Uyahlambaza ^bl, ngoba ngithe ^bm: NgiyiNdodana kaNkulunkulu ^bn? 37 Uba ngingenzi imisebenzi kaBaba, kalingakholwa kimi ^bo. 38 Kodwa uba ngiyenza, lanxa lingakholwa kimi, kholwani imisebenzi ^bp; ukuze lazi likholwe ukuthi uBaba ukimi, lami ngikuye ^bq. 39 Ngakho adinga futhi ukumbamba ^br; kodwa waphunyuka esandleni sabo ^bs.

40 Wasebuya wasuka waya ngaphetsheya kweJordani ^bt kundawo lapho uJohane ayebhabhathiza khona kuqala ^bu; wasehlala khona. 41 Labanengi beza kuye, bathi: UJohane kenzanga sibonakaliso ^bv; kodwa konke uJohane akutsho ngalo, kwakuliqiniso ^bw. 42 Abanengi basebekholwa kuye lapho ^bx.