John 7

UJesu wenyukela eJerusalema ngomkhosi wamadumba

1Njalo emva kwalezizinto uJesu wayehamba eGalili; ngoba wayengathandi ukuhamba eJudiya ^a, ngenxa ^b yokuthi amaJuda ayedinga ukumbulala ^c.

2Wawusondele umkhosi wamaJuda wokwakha amadumba ^d. 3Ngakho abafowabo bathi kuye: Suka lapha, uye eJudiya ^e, ukuze labafundi bakho babone imisebenzi yakho oyenzayo ^f. 4Ngoba kakho owenza ulutho ensitha, kodwa yena ngokwakhe edinga ukuba sobala. Uba uzenza lezizinto, ziveze wena emhlabeni ^g. 5Ngoba labafowabo ^h babengakholwa kuye ⁱ. 6Ngakho uJesu wathi kubo: Isikhathi sami kasikafiki, kodwa esenu isikhathi sihlala silungile ^j. 7Ungelizonde umhlaba lina; kodwa uyangizonda, ngoba mina ngifakaza ngawo ^k, ukuthi imisebenzi yawo mibi ^l. 8Yenyukelani lina emkhosini lo; mina angikenyukeli kulumkhosi ^m, ngoba isikhathi sami kasikagcwaliseki ^{n , o}. 9Esetshilo lezizinto kubo, wahlala eGalili.

10Kodwa sebenyukile ^p abafowabo ^q, laye wasesenyukela emkhosini, kungeyisikho obala, kodwa kungathi kusensitha. 11AmaJuda ^r asemdinga emkhosini ^s, athi: Ungaphi yena? 12Kwakukhona ukukhonona okukhulu ngaye phakathi kwamaxuku ^t; abanye bathi: Ulungile ^u. Kodwa abanye bathi: Hatshi, kodwa uyaliduhisa ixuku ^v. 13Loba kunjalo kwakungekho muntu owakhuluma obala ngaye ngokwesaba ^w amaJuda ^x.

Imfundiso ngoKristu

14Kuthe sekuphakathi komkhosi, uJesu wenyukela ^y ethempelini, wafundisa ^z. 15AmaJuda ^aa asemangala athi ^ab: Lo uyazi njani imibhalo, engafundanga? 16UJesu wawaphendula wathi: Imfundiso yami kayisiyo eyami kodwa ngeyalowo ongithumileyo ^ac. 17Uba umuntu ethanda ukwenza intando yakhe, uzakwazi ngemfundiso, ukuthi ivela kuNkulunkulu, kumbe ngizikhulumela mina ngokwami ^ad. 18Ozikhulumela ngokwakhe, uzidingela udumo lwakhe ^ae; kodwa odinga udumo lwalowo omthumileyo, lowo uqinisile, njalo kakukho ukungalungi kuye ^af.

19Kalinikanga yini uMozisi umlayo ^ag, kanti kakho kini ogcina umlayo ^ah? Lidingelani ukungibulala ^ai? 20Ixuku laphendula lathi: Uledimoni ^aj; ngubani odinga ukukubulala ^ak? 21UJesu waphendula wathi kubo: Ngenze umsebenzi owodwa, njalo lonke liyamangala ^al. 22Ngakho uMozisi walinika ukusoka (kungeyisikho ukuthi kwavela kuMozisi ^am, kodwa kubobaba ^an), njalo liyamsoka umuntu langesabatha ^ao. 23Uba ngesabatha umuntu esemukela ukusoka, ukuze kungephulwa umlayo kaMozisi ^ap, lingithukuthelela ^aq ngoba ngaphilisa umuntu ngokupheleleyo ngesabatha yini ^ar? 24Lingahluleli ngokubona, kodwa yahlulelani ukwahlulela okuqondileyo ^as.

25Abanye kwabeJerusalema basebesithi: Lo kayisuye yini abadinga ukumbulala ^at? 26Kodwa khangela ukhuluma obala, kodwa kabatsho lutho kuye. Kungaba yikuthi ababusi sebesazi oqotho ukuthi lo unguKristu uqobo yini ^au? 27Kodwa ^av lo siyazi lapho avela khona ^aw; kodwa uKristu nxa efika, kakho ozakwazi lapho avela khona ^ax. 28Ngakho uJesu efundisa ethempelini wamemeza ^ay wathi ^az: Lami liyangazi, liyakwazi lalapho engivela khona ^ba; njalo kangizizelanga ngokwami ^bb, kodwa ongithumileyo uqinisile ^bc, elingamaziyo lina ^bd. 29Kodwa ngiyamazi mina ^be, ngoba ngivela kuye ^bf, njalo yena ungithumile ^bg.

30Ngakho badinga ukumbamba ^bh, kodwa kakubanga khona owabeka isandla phezu kwakhe ^bi, ngoba ihola lakhe lalingakafiki ^{bj , bk}.

31Kodwa abanengi bexuku bakholwa kuye ^bl, bathi: Nxa uKristu esefikile ^bm, uzakwenza yini izibonakaliso ezinengi kulalezi azenzileyo lo ^bn? 32AbaFarisi bezwa ixuku likhonona lezizinto ngaye; abapristi abakhulu labaFarisi basebethuma abancedisi ukuze bambambe ^bo. 33UJesu wasesithi kubo: Ngiselani okwesikhatshana ^bp, besengihamba ngiye kongithumileyo ^bq. 34Lizangidinga, lingangitholi ^{br , bs}, lalapho mina engikhona ^bt, lina lingeze leza ^bu. 35Ngakho amaJuda akhulumisana athi: Uzakuya ngaphi lo ukuthi thina singayikumthola ^bv? Kayikuya yini kwabahlakazekileyo bamaGriki, afundise amaGriki ^bw? 36Yilizwi bani leli alitshoyo elokuthi: Lizangidinga, aliyikungithola; lelokuthi: Lapho engikhona mina, lina lingeze leza ^bx?

Amanzi okuphila

37Kwathi ngosuku lokucina olukhulu lomkhosi ^by uJesu wema wamemeza ^bz, esithi: Uba ekhona owomileyo, keze kimi anathe ^ca. 38Okholwa kimi, njengokutsho kombhalo ^cb, kuzageleza kuphuma esiswini sakhe ^cc imifula yamanzi aphilayo ^cd. 39Lalokhu wakutsho ^ce ngoMoya ababezamemukela abakholwa kuye ^cf; ngoba uMoya oNgcwele ^cg wayengakafiki ^ch, lokhu uJesu ^ci wayengakadunyiswa ^cj.

40Ngakho abanengi bexuku besizwa lelilizwi bathi: Oqotho lo ungulowomProfethi ^ck. 41Abanye bathi: Lo unguKristu ^cl. Kodwa abanye bathi: Kambe uKristu uzavela eGalili ^cm? 42Kawutsho yini umbhalo ukuthi uKristu uzavela enzalweni kaDavida ^cn, leBhethelehema ^co, emzaneni lapho uDavida ayekhona ^cp? 43Ngakho kwaba khona ukwehlukana ngaye phakathi kwexuku ^cq. 44Abanye babo bafuna ukumbamba ^cr, kodwa kakubanga khona owambeka izandla ^cs.

Abancedisi badinga ukumbamba uJesu

45Khona abancedisi baya kubapristi abakhulu lakubaFarisi ^ct; bona basebesithi kubo: Kungani lingamlethanga ^cu? 46Abancedisi baphendula bathi ^cv: Kakuzange kukhulume umuntu kanje, njengalumuntu ^cw. 47AbaFarisi basebebaphendula bathi: Lani seliduhisiwe yini ^cx? 48Ukhona yini ^cy kubabusi kumbe kubaFarisi okholwe kuye ^cz? 49Kodwa lelixuku elingawaziyo umlayo liqalekisiwe. 50UNikodima ^da, lowo oweza kuye ebusuku, owayengomunye wabo ^db, wathi kubo: 51Kanti umlayo wakithi uyamgweba umuntu ^dc, ngaphandle kokuthi umuzwe kuqala ^dd ukwazi akwenzayo? 52Baphendula bathi kuye: Kanti lawe ungoweGalili? Hlolisisa ubone ukuthi kakuvukanga umprofethi eGalili ^de. 53Ngulowo lalowo wasesuka waya ekhaya.