Joh 8 | Ndebele | STEP | Kodwa uJesu waya entabeni yeMihlwathi .

2 Kwathi ekuseni kakhulu wabuya weza ^b ethempelini ^{c
,} ^d, isizwe sonke sasesisiza kuye; wasehlala phansi wabafundisa ^e. 3 Ababhali labaFarisi basebeletha kuye owesifazana owayebanjwe efeba, bammisa phakathi, 4 bathi kuye: Mfundisi, lo owesifazana ubanjwe eseqotsheni lokuphinga; 5 lemlayweni uMozisi ^f wasilaya ukuthi abanje bakhandwe ngamatshe ^g; ngakho wena uthini? 6 Kodwa batsho lokhu bemlinga ^h, ukuze bazuze okokummangalela ngakho ⁱ. Kodwa uJesu ekhothamela phansi, wabhala emhlabathini ngomunwe ^j, wenza angathi kabezwa. 7 Kwathi bephikelela ukumbuza, walulama wathi kubo ^k: Ongelasono phakathi kwenu ^l, kaqale ukumjikijela ngelitshe ^m. 8 Wasebuya ekhothamela phansi wabhala emhlabathini ⁿ. 9 Kodwa bona, bekuzwa, balahlwa ^o yisazela sabo ^p, baphuma ngamunye ngamunye kuqala komdala kwaze kwaba kowokucina ^q; uJesu wasesala yedwa, lowesifazana emi phakathi. 10 UJesu waseselulama, engaboni muntu ngaphandle kowesifazana ^r, wathi kuye: Mama, bangaphi labo abakumangalelayo? Kakho okulahlayo yini? 11 Wasesithi: Kakho, Nkosi. UJesu wasesithi kuye: Lami kangikulahli ^s; hamba ungabe usona futhi ^t.

Ukukhanya komhlaba

12 Ngakho uJesu wakhuluma labo futhi wathi: Mina ngiyikukhanya komhlaba ^u; ongilandelayo, kasoze ahambe emnyameni, kodwa uzakuba lokukhanya kwempilo ^v. 13 Ngakho abaFarisi bathi kuye: Wena uyazifakazela; ubufakazi bakho kabulaqiniso. 14 UJesu waphendula wathi kubo: Lanxa ngizifakazela mina ^w, buqinisile ubufakazi bami ^x; ngoba ngiyazi ukuthi ngivela ngaphi ^{y
,} ^z, lokuthi ngiya ngaphi ^aa; kodwa lina kalazi ukuthi ngivela ngaphi, lokuthi ngiya ngaphi ^ab. 15 Lina lahlulela ngokwenyama ^ac; mina kangahluleli muntu ^ad. 16 Kodwa uba lami ngisahlulela, ukwahlulela kwami kuqinisile ^ae; ngoba kangingedwa, kodwa yimi loBaba ongithumileyo ^af. 17 Njalo emlayweni wenu kulotshiwe ukuthi ubufakazi babantu ababili bungobuqinisileyo ^ag. 18 Mina ngingozifakazelayo, loBaba ongithumileyo ufakaza ngami ^ah. 19 Ngakho bathi kuye: Ungaphi uYihlo? UJesu waphendula wathi: Kalingazi mina, loba uBaba ^ai. Uba belingazi mina, laye uBaba belizamazi ^aj. 20 UJesu wakhuluma la amazwi ngasesitsheni somnikelo ^ak, efundisa ethempelini ^al; futhi kakho owambambayo ^am, ngoba ihola lakhe lalingakafiki ^{an
,} ^ao.

UJesu ulaya amaJuda ngesikhathi esesabekayo esizayo

21 Ngakho uJesu wathi kubo futhi: Ngiyahamba mina, njalo lizangidinga ^ap, njalo lizafela esonweni senu ^aq; lapho engiya khona mina, lingeze leza lina ^{ar
,} ^as. 22 Ngakho amaJuda athi ^at: Uzazibulala yini? Ngoba uthi: Lapho engiya khona mina, lingeze leza khona lina ^au. 23 Wasesithi kuwo: Lina livela phansi ^av, mina ngivela phezulu ^aw; lina lingabomhlaba lo ^{ax
,} ^ay, mina kangisuye owalumhlaba ^az. 24 Ngakho ngithe kini, lizafela ezonweni zenu ^ba; ngoba uba lingakholwa ^bb ukuthi nginguye, lizafela ezonweni zenu ^bc. 25 Ngakho athi kuye: Wena ungubani? UJesu wasesithi kuwo: Lokho engalitshela khona futhi ekuqaleni ^bd. 26 Ngilezinto ezinengi engilokuzikhuluma ngani lokwahlulela ngazo; kodwa ongithumileyo uqinisile ^be, lezinto engizizwe kuye lezi ngizikhuluma emhlabeni ^bf. 27 Kawaqedisisanga ukuthi ukhuluma lawo ngoYise ^bg. 28 Ngakho uJesu wathi kuwo: Nxa seliyiphakamisile iNdodana yomuntu ^bh, khona lizakwazi ukuthi nginguye ^bi, njalo kangizenzeli lutho ngokwami ^bj, kodwa ngikhuluma lezizinto njengalokhu uBaba engifundisile ^bk; 29 njalo yena ongithumileyo ulami ^bl; uBaba kangitshiyanga ngedwa ^bm, ngoba mina ngihlala ngisenza lezizinto ezimthokozisayo yena ^bn.

UJesu uphendulana lamaJuda ngoAbrahama

30 Esakhuluma lezizinto abanengi bakholwa kuye ^bo. 31 Ngakho uJesu wathi kumaJuda akholwe kuye: Uba lina lihlala elizwini lami ^bp, lingabafundi bami oqotho ^bq; 32 lizalazi iqiniso ^br, leqiniso lizalikhulula ^bs. 33 Amphendula athi: Siyinzalo kaAbrahama, kasizanga sibe yizigqili zamuntu ^bt; wena utsho njani ukuthi: Lizakuba ngabakhululekileyo ^bu? 34 UJesu wawaphendula wathi: Ngiqinisile, ngiqinisile, ngithi kini: Wonke owenza isono uyisigqili sesono ^bv. 35 Njalo isigqili kasihlali phakade ekhaya ^bw; indodana ihlala phakade ^bx. 36 Ngakho uba iNdodana ^by ilikhulula, lizakuba ngabakhululekileyo oqotho ^bz.

37 Ngiyazi ukuthi liyinzalo ^ca kaAbrahama ^cb; kodwa lidinga ukungibulala, ngoba ilizwi lami kalilandawo kini ^cc. 38 Mina ngikhuluma lokho engikubonileyo kuBaba ^cd; lani-ke lenza lokho elikubonileyo kuyihlo ^ce. 39 Aphendula athi kuye: Ubaba wethu nguAbrahama ^cf. UJesu wathi kuwo: Uba belingabantwana bakaAbrahama ^cg, belizakwenza imisebenzi kaAbrahama ^ch. 40 Kodwa khathesi lidinga ukungibulala, umuntu olitshele iqiniso ^ci, engilizwe kuNkulunkulu ^cj; lokho uAbrahama kakwenzanga. 41 Lina lenza imisebenzi kayihlo. Ngakho athi kuye: Kasizalwanga ngobufebe thina ^ck; siloBaba munye, uNkulunkulu ^cl. 42 UJesu wathi kuwo: Uba uNkulunkulu ubenguYihlo, belizangithanda ^cm; ngoba mina ngiphume ngivela kuNkulunkulu ^cn; ngoba kangizizelanga ngokwami ^co, kodwa yena ungithumile ^cp. 43 Kungani lingaqedisisi inkulumo yami? Ngoba lingeke lilizwe ilizwi lami ^cq. 44 Lina ^cr lingabakayihlo udiyabhola ^cs, lithanda ukwenza inkanuko zikayihlo. Yena wayengumbulali kusukela ekuqaleni, njalo kemi eqinisweni ^ct, ngoba iqiniso kalikho kuye. Nxa eqamba amanga ^cu, ukhuluma ngokwakhe ^cv; ngoba engumqambimanga loyise wawo. 45 Mina-ke ngoba ngikhuluma iqiniso, kalingikholwa. 46 Nguwuphi kini ^cw ongilahla ^cx ngesono ^cy? Njalo uba ngilitshela iqiniso, lina kalingikholwa ngani? 47 Yena ongokaNkulunkulu ^cz uyawezwa amazwi kaNkulunkulu ^da; kungakho lina lingezwa ^db, ngoba kalisibo abakaNkulunkulu ^dc.

48 Ngakho amaJuda aphendula athi kuye ^dd: Kasitsho kuhle yini thina ukuthi wena ungumSamariya ^de, lokuthi uledimoni ^df? 49 UJesu waphendula wathi: Mina kangiladimoni, kodwa ngiyadumisa uBaba; kodwa lina liyangigcona ^dg. 50 Mina-ke kangizidingeli udumo lwami; ukhona odingayo lowahlulelayo ^dh. 51 Ngiqinisile, ngiqinisile, ngithi kini: Uba umuntu elondoloza ilizwi lami ^di, kasoze abone ukufa laphakade ^dj. 52 Ngakho amaJuda athi kuye: Khathesi sesisazi ukuthi uledimoni ^dk; uAbrahama wafa, labaprofethi ^dl, kodwa wena uthi: Uba umuntu elondoloza ilizwi lami ^dm, kasoze ezwe ukufa laphakade ^dn. 53 Wena umkhulu yini kulobaba wethu uAbrahama, owafayo? Labaprofethi bafa; uzenza bani wena? 54 UJesu waphendula wathi: Uba ngizidumisa mina, udumo lwami luyize ^do; nguBaba ongidumisayo, elitsho ngaye lina ukuthi unguNkulunkulu wenu ^dp, 55 njalo kalimazanga ^dq; kodwa mina ngiyamazi ^dr, njalo uba ngisithi kangimazi, ngizakuba ngumqambi wamanga njengani ^ds; kodwa ngiyamazi, ngiyalilondoloza ilizwi lakhe ^dt. 56 Uyihlo uAbrahama wajabula kakhulu ukubona ^du usuku lwami, njalo walubona wathokoza ^dv. 57 Ngakho amaJuda athi kuye ^dw: Kawukabi leminyaka engamatshumi amahlanu, njalo wena wambona uAbrahama yini? 58 UJesu wathi kuwo: Ngiqinisile, ngiqinisile, ngithi kini: UAbrahama engakabi khona, mina ngikhona ^dx. 59 Asedobha amatshe ukuze amjikijele ^dy; kodwa uJesu wacatsha ^dz, waphuma ethempelini ^ea, edabula phakathi kwawo; wadlula ngokunjalo ^eb.