Lev 20 | Ndebele | STEP | IN kosi yasikhuluma kuMozisi isithi:

1 INkosi yasikhuluma kuMozisi isithi: 2 Tshono futhi ebantwaneni bakoIsrayeli uthi ^a: Ngulowo lalowo wabantwana bakoIsrayeli, loba owabezizweni abahlala njengabezizwe koIsrayeli, onikela okwenzalo yakhe kuMoleki, uzabulawa lokubulawa, abantu belizwe bazamkhanda ngamatshe ^b. 3 Mina-ke ngizamisa ubuso bami bumelane lalowomuntu ^c, ngimqume asuke phakathi kwabantu bakibo, ngoba enikele okwenzalo yakhe kuMoleki ^d, ukuze angcolise indlu yami engcwele ^e, eyise ibizo lami elingcwele ^f. 4 Uba-ke abantu belizwe befihla lokufihla amehlo abo kulowomuntu nxa enikela okwenzalo yakhe kuMoleki, ukuze bangambulali ^g, 5 mina ngizamisa ubuso bami bumelane lalowomuntu njalo bumelane losapho lwakhe, ngimqume ^h labo bonke abaphinga emva kwakhe, ukuthi baphinge belandela uMoleki, basuke phakathi kwabantu bakibo ⁱ.

6 Umphefumulo, ophendukela-ke kulabo abalamadlozi lakwabalumbayo ukuphinga ubalandela ^j, ngizamisa ubuso bami bumelane lalowomphefumulo ^k, ngiwuqume usuke phakathi kwabantu bakibo ^l.

7 Ngakho zingcweliseni libe ngcwele, ngoba ngiyiNkosi uNkulunkulu wenu ^m. 8 Njalo gcinani izimiso zami, lizenze ⁿ. NgiyiNkosi elingcwelisayo ^o.

9 Ngoba ngulowo lalowo othuka uyise kumbe unina uzabulawa lokubulawa; uthukile uyise kumbe unina ^p; igazi lakhe liphezu kwakhe ^q.

10 Lendoda efeba lomfazi womuntu, efeba lomkamakhelwane wayo, izabulawa lokubulawa, isifebe lesifebekazi ^r. 11 Lendoda elala lomkayise yembule ubunqunu bukayise; bobabili bazabulawa lokubulawa; igazi labo liphezu kwabo ^s. 12 Lendoda elala lomalokazana wayo, bobabili bazabulawa lokubulawa ^t; benze ingxube ^u; igazi labo liphezu kwabo. 13 Lendoda elala lowesilisa njengokulala lowesifazana, bobabili benze isinengiso; bazabulawa lokubulawa; igazi labo liphezu kwabo ^v. 14 Lendoda ethatha umfazi kanye lonina, kuyinkohlakalo. Bazatshiswa ngomlilo, yena labo, ukuze kungabi khona inkohlakalo phakathi kwenu ^w. 15 Lendoda elala lenyamazana, izabulawa lokubulawa, futhi lizayibulala inyamazana ^x. 16 Lowesifazana osondela lakuyiphi inyamazana ukulala layo, uzabulala owesifazana lenyamazana; bazabulawa lokubulawa; igazi labo liphezu kwabo. 17 Lendoda ethatha udadewabo, indodakazi kayise loba indodakazi kanina, ibone ubunqunu bakhe ^y, laye abone ubunqunu bayo, kulihlazo; njalo bazaqunywa emehlweni abantwana babantu bakibo; yembule ubunqunu bukadadewabo; izathwala ububi bayo ^z. 18 Lendoda elala lowesifazana ogulayo, yembule ubunqunu bakhe ^aa, inqunule umthombo wakhe, laye wembule umthombo wegazi lakhe, bobabili bazaqunywa basuke phakathi kwabantu bakibo ^ab. 19 Njalo ungembuli ubunqunu bukadadewabo kanyoko, loba obukadadewabo kayihlo ^ac; ngoba wembule isihlobo sakhe; bazathwala ububi babo ^ad. 20 Lendoda elala lomkamfowabo kayise, yembule ubunqunu bomfowabo kayise; bazathwala isono sabo; bafe bengelabantwana ^ae. 21 Lendoda ethatha umkamfowabo, kuyikungcola; yembule ubunqunu bukamfowabo; bazakuba ngabangelabantwana ^af. 22 Ngakho gcinani zonke izimiso zami lezahlulelo zonke zami, lizenze ^ag, ukuze ilizwe engililetha kulo ukuhlala kulo lingalihlanzi ^ah.

23 Njalo lingahambi ngezimiso zesizwe engisixotshayo phambi kwenu ^ai; ngoba benze zonke lezizinto; ngakho nganengwa yibo ^aj. 24 Kodwa ngathi kini: Lizakudla ilifa lelizwe labo; mina ngizalinika ukuthi lidle ilifa lalo ^ak, ilizwe eligeleza uchago loluju. NgiyiNkosi uNkulunkulu wenu ^al, olehlukanise labezizwe ^am. 25 Ngakho yehlukanisani phakathi kwenyamazana ezihlambulukileyo lezingahlambulukanga, laphakathi kwezinyoni ezingahlambulukanga lezihlambulukileyo ^an; lingenzi imiphefumulo yenu inengeke ngezinyamazana loba ngezinyoni loba ngakuphi okuhuquzelayo emhlabathini, engikwehlukanise lani njengokungcolileyo ^ao. 26 Njalo lizakuba ngcwele kimi, ngoba mina Nkosi ngingcwele ^ap; ngilehlukanisile labezizwe ukuze libe ngabami ^aq.

27 Njalo owesilisa loba owesifazana, abalamadlozi loba abalumbayo, bazabulawa lokubulawa ^ar, bazabakhanda ngamatshe ^as; igazi labo liphezu kwabo ^at.