a1 Kho 8:31; Mat 26:63
b5:17, 7:18, 10:17, 17:16, 19:8, 20:17,19; Nani 5:31, 20:20, 9:13
c11:24,28,31,39; Nani 19:11,13,16
d5:17
e12:1,2, 13:1,2, 15:1,2
fHlab 106:33; Nani 30:6,8; Zaga 12:18
g1 Sam 25:22; Mark 6:23; Seb 23:12
h16:21, 26:40; Nani 5:7; Ezra 10:1; Josh 7:19
i1:14
j1:15,17
k1:15
l4:7,18,30,34
m4:20,26,31,35, 4:13,16
nNani 5:15
o2:2
p4:35, 1:9
q4:20,26,31,35, 5:10,16
r2:3
s22:14; Ezra 10:2
tEzra 10:19
uEks 38:24
v6:5, 22:14, 27:13,15,27,31
w4:26
x4:2
y5:15, 4:2,13,22,27
zLuka 12:48
aa5:15
ab4:26

Leviticus 5

1Umphefumulo, uba usona-ke usuzwe ilizwi lesifungo a, njalo ube ngumfakazi, kumbe ukubonile loba ukwazi, uba ungakukhulumi, uzathwala ububi bawo b. 2Loba uba umphefumulo uthinta loba yiyiphi into engcolileyo c, loba iyisidumbu senyamazana engcolileyo, loba isidumbu sesifuyo esingcolileyo, kumbe isidumbu salokho okuhuquzelayo okungcolileyo, lanxa kufihliwe kuye, kube kanti ungcolile ulecala d. 3Loba uba uthinta ukungcola komuntu e, loba kuyini ukungcola kwakhe angcola ngakho, njalo kufihliwe kuwo, lapho usukwazi uzakuba lecala. 4Loba uba umphefumulo ufunga, ukhuluma ngamawala ngendebe zawo f ukwenza okubi loba ukwenza okuhle g, loba kuyini umuntu angakhuluma ngakho ngamawala ngesifungo, njalo kufihliwe kuwo, lapho usukwazi uzakuba lecala kokunye kwalokho. 5Kuzakuthi-ke nxa ulecala kwenye yalezizinto, uvume ngalokho okonileyo h, 6ulethe umnikelo wawo wecala eNkosini ngesono sawo osonileyo, ensikazi emhlanjini, iwundlu loba izinyane lembuzi, kube ngumnikelo wesono, umpristi abesewenzela inhlawulo yokuthula ngesono sawo. 7Kodwa uba isandla sawo singafinyeleli okwanela imvu, ungaletha eNkosini ngecala lawo olonileyo amajuba amabili i loba amaphuphu enkwilimba amabili, elinye libe ngumnikelo wesono lelinye libe ngumnikelo wokutshiswa; 8ubusuwaletha kumpristi ozanikela elingelomnikelo wesono kuqala, atshuphule inhloko yalo entanyeni yalo, kodwa angakwehlukanisi j, 9afafaze okwegazi lomnikelo wesono ehlangothini lwelathi, legazi eliseleyo likhanyelwe k kungaphansi yelathi l; kungumnikelo wesono. 10Elesibili uzalenza libe ngumnikelo wokutshiswa njengokwesimiso, lompristi amenzele inhlawulo yokuthula ngesono sakhe asonileyo m, njalo uzathethelelwa.

11Kodwa uba isandla sawo singafinyeleli emajubeni amabili loba emaphuphini enkwilimba amabili, lowo owonileyo angaletha umnikelo wakhe okwetshumi kwe-efa* yempuphu ecolekileyo ube ngumnikelo wesono; angabeki mafutha phezu kwayo, angabeki nhlaka phezu kwayo, ngoba ingumnikelo wesono n. 12Njalo uzayiletha kumpristi, umpristi acuphe-ke kuyo isandla sakhe esigcweleyo okube yisikhumbuzo sayo, akutshise elathini, phezu kweminikelo yeNkosi eyenziwe ngomlilo; kungumnikelo wesono p. 13Ngalokho umpristi uzamenzela inhlawulo yokuthula q ngesono sakhe asonileyo lakuyiphi yalezizinto, njalo uzathethelelwa. Njalo kuzakuba ngokompristi r, njengomnikelo wokudla.

Iminikelo yecala

14INkosi yasikhuluma kuMozisi isithi: 15Uba umphefumulo uphambeka ngesiphambeko wone ungazi umelana lezinto ezingcwele zeNkosi s, uzaletha umnikelo wawo wecala eNkosini, inqama engelasici emhlanjini t, elesilinganiso sakho sentengo samashekeli* esiliva ngokweshekeli lendlu engcwele, kube ngumnikelo wecala u. 16Lalokho okonileyo okumelene lento engcwele uzakubuyisela, wengezelele kukho ingxenye yesihlanu yakho, oyinike umpristi v, lompristi awenzele inhlawulo yokuthula ngenqama yomnikelo wecala, njalo uzathethelelwa w.

17Uba-ke umphefumulo usona, wenze okumelene lomunye wayo yonke imilayo yeNkosi x, okungafanele ukwenziwa, lanxa ungakwazi y, kube kanti ulecala z, njalo uzathwala ububi bawo. 18Uzaletha-ke kumpristi inqama engelasici evela emhlanjini aa, elesilinganiso sakho sentengo, kube ngumnikelo wecala, lompristi uzawenzela inhlawulo yokuthula ngokuphambanisa kwawo ophambanisa ngakho ungakwazi, njalo uzathethelelwa ab. 19Kungumnikelo wecala; ngeqiniso ulecala eNkosini.

Copyright information for Ndebele