Luke 23

UJesu uphambi kukaPilatu

1Kwasekusukuma ixuku labo lonke, lamusa kuPilatu ^a.

2Baqala ukummangalela, besithi: Simficile lo eduhisa isizwe ^b, esalela ukuthela kuKesari ^{c , d}, esithi nguye onguKristu iNkosi ^e. 3UPilatu wasembuza ^f, wathi: Wena uyiNkosi yamaJuda yini ^g? Wasemphendula wathi: Uyatsho wena. 4Wasesithi uPilatu kubapristi abakhulu lemaxukwini: Kangitholi cala kulumuntu ^h. 5Kodwa baqinisa, besithi: Udunga abantu, efundisa kuyo yonke iJudiya ⁱ, eqala ^j eGalili kuze kufike lapha ^k.

UJesu uphambi kukaHerodi

6Lapho uPilatu esizwa kuthiwa iGalili wabuza ukuthi lumuntu ungumGalili yini. 7Kwathi esezwile ukuthi ungowombuso kaHerodi ^l, wamthumela kuHerodi, owayekhona laye eJerusalema ngalezonsuku ^m.

8Kwathi uHerodi embona uJesu wathokoza kakhulu; ngoba wayekade ethanda ukumbona ⁿ, ngoba wayezwile okunengi ngaye; wayethemba ukuthi uzabona isibonakaliso esithile sisenziwa nguye ^o. 9Wambuza ngamazwi amanengi; kodwa yena kamphendulanga lutho. 10Abapristi abakhulu lababhali babemi, bemmangalela ngamandla ^p. 11UHerodi lamabutho akhe ^q bamyangisa ^r, bamklolodela ^s, basebemgqokisa ^t isembatho esikhazimulayo ^u, bambuyisela kuPilatu ^v. 12Ngalolosuku uHerodi kanye loPilatu baba ngabangane omunye komunye ^w; ngoba ngaphambi kwalokhu babelobutha phakathi kwabo.

Ukulahlwa kukaJesu lokukhululwa kukaBarabasi

13UPilatu wasebizela ndawonye abapristi abakhulu lababusi labantu, 14wathi kubo: Limlethile kimi lumuntu ^x, ngokungathi ungoduhisa abantu ^y; njalo khangelani, mina ngimhlolile phambi kwenu ^z, kangitholanga cala kulumuntu ngalezozinto elimmangalela ngazo ^aa; 15hatshi ngitsho loHerodi; ngoba ngilithumeze kuye, njalo khangelani, kakulalutho olufanele ukufa olwenziwe nguye ^ab. 16Ngakho ngizamtshaya ngimkhulule ^ac. 17Kwakufanele ukuthi abakhululele abe munye ngomkhosi ^ad.

18Bamemeza bonke kanyekanye besithi: Msuse lo, usikhululele uBarabasi ^ae 19(owayephoselwe entolongweni ngenxa yomvukela othile owenzeka phakathi komuzi langenxa yokubulala ^af). 20Ngakho uPilatu wabuya wakhuluma labo, efuna ukumkhulula uJesu. 21Kodwa bamemeza, besithi: Bethela, mbethele! 22Wasesithi kubo ngokwesithathu: Ngoba lo enze bubi bani ^ag? Kangitholanga kuye icala afanele ukufa ngalo; ngakho ngizamtshaya ngimkhulule ^ah. 23Kodwa baqinisa ngamazwi amakhulu, befuna ukuthi abethelwe; lamazwi abo lawabapristi abakhulu aphumelela.

24UPilatu wasequma ukuthi kwenziwe isicelo sabo. 25Wasebakhululela lowo ababemcelile owayephoselwe entolongweni ngenxa yomvukela lokubulala ^ai; kodwa uJesu wamnikela entandweni yabo ^aj.

UJesu esiphambanweni

26Kwathi sebemqhuba, babamba uSimoni othile umKurene owayevela emaphandleni, bamethesa isiphambano, ukuthi asithwale ngemva kukaJesu ^ak.

27Laselimlandela ixuku elikhulu labantu, labesifazana labo ababekhala bemlilela ^al. 28Kodwa uJesu ephendukela kubo wathi: Madodakazi eJerusalema, lingangikhaleli mina, kodwa zikhaleleni lina labantwana benu ^am, 29ngoba khangelani, ziyeza insuku abazakutsho ngazo ukuthi: Zibusisiwe inyumba, lezizalo ezingazalanga, lamabele angamunyisanga ^an. 30Khona bezaqalisa ukuthi ezintabeni: Welani phezu kwethu; lemaqaqeni: Sisibekeleni ^ao. 31Ngoba uba besenza lezizinto esihlahleni esimanzi ^ap, kuzakwenzakalani kwesomileyo ^aq?

32Kwaqhutshwa labanye abenzi bobubi ababili ^ar, ukuthi babulawe kanye laye ^as.

33Sebefikile endaweni ethiwa luKhakhayi, bambethela khona ^at, labenzi bobubi, omunye ngakwesokunene, lomunye ngakwesokhohlo ^au. 34UJesu wasesithi: Baba ^av, bathethelele ^aw; ngoba kabakwazi abakwenzayo ^ax. Njalo babelana izembatho zakhe, benza inkatho yokuphosa ^ay.

35Labantu bema babukela ^az. Lababusi kanye labo ^ba bamklolodela, besithi: Wasindisa abanye, kazisindise yena, uba yena enguKristu ^bb, okhethiweyo kaNkulunkulu ^bc. 36Labebutho bamklolodela ^bd, beza kuye bamnika iviniga ^be, 37besithi: Uba wena uyiNkosi yamaJuda, zisindise wena ^bf. 38Kwakukhona lombhalo ngaphezu kwakhe ^bg kulotshiwe ngamabala esiGriki langesiRoma ^bh langesiHebheru ^{bi , bj} othi: LO UYINKOSI YAMAJUDA ^bk.

39Lomunye wabenzi bobubi ababelengisiwe ^bl wamthuka ^bm, esithi: Uba wena unguKristu, zisindise wena lathi ^bn. 40Kodwa omunye waphendula emkhuza, esithi: Wena kawumesabi yini uNkulunkulu, lokhu lawe ukulokhukulahlwa? 41Thina kambe kusilungele, ngoba semukela okulingene ukwenza kwethu; kodwa lo kenzanga lutho olungafanelanga ^bo. 42Wasesithi kuJesu: Ungikhumbule, Nkosi, lapha ufika embusweni wakho ^bp. 43UJesu wasesithi kuye: Ngiqinisile ngithi kuwe: Lamuhla uzakuba lami eParadise ^bq.

Ukufa kukaJesu

44Kwakungaba lihola lesithupha*, kwaba khona ubumnyama phezu komhlaba wonke kwaze kwaba lihola lesificamunwemunye*, 45futhi ilanga lalifiphaziwe ^br, leveyili lethempeli ladatshulwa phakathi ^bs. 46UJesu wasememeza ngelizwi elikhulu esithi ^bt: Baba ^bu, ezandleni zakho ^bv ngibeka umoya wami ^bw; esetshilo lokhu waphefumula okokucina ^bx.

47Kwathi induna yekhulu isibonile okwenzekileyo ^by, yamdumisa uNkulunkulu ^bz, isithi: Isibili lumuntu ubelungile. 48Lamaxuku wonke ayebuthene ukubukela lokho, sebebonile izinto ezenzekileyo, babuyela betshaya izifuba ^ca zabo.

49Bonke abazana laye ^cb, labesifazana ababemlandela bevela eGalili ^cc, bema khatshana, bebona lezizinto.

Ukungcwatshwa kukaJesu

50Njalo khangela, indoda ethiwa nguJosefa ^cd, ilunga lomphakathi ^ce, indoda elungileyo eqotho ^cf; 51yena wayengavumelananga lecebo lesenzo sabo; wayevela eArimathiya umuzi wamaJuda, laye ngokwakhe ^cg wayelindele umbuso kaNkulunkulu ^ch; 52lowo waya kuPilatu wacela isidumbu sikaJesu. 53Wasesethula wasigoqela ngelembu elicolekileyo, wasibeka engcwabeni elaligujwe edwaleni, lapho okwakungazanga kubekwe khona umuntu ^ci. 54Kwakulusuku lwamalungiselelo, lesabatha ^cj laselisondela ^ck. 55Labesifazana, ababeze laye bevela eGalili ^cl, balandela, balibona ingcwaba, lokuthi isidumbu sibekwe njani ^cm. 56Basebebuyela emuva balungisa amakha lamagcobo ^cn. Ngesabatha basebephumula njengokomlayo ^co.