Mat 21 | Ndebele | STEP | Kwathi-ke sebesondele eJerusalema , sebefikile eBetfage entabeni yeMihlwathi , khona uJesu wathuma abafundi ababili,

1 Kwathi-ke sebesondele eJerusalema ^a, sebefikile eBetfage ^b entabeni yeMihlwathi ^c, khona uJesu wathuma abafundi ababili, 2 esithi kubo: Hambani liye emzaneni okhangelene lani, lizahle libone ubabhemi ekhulekiwe, lethole lilaye; libakhulule, libalethe kimi. 3 Futhi uba umuntu ekhuluma ulutho kini, lizakuthi: INkosi iyabaswela; njalo uzahle abathumele. 4 Njalo konke lokhu kwenzeka, ukuze kugcwaliseke okwakhulunywa ngumprofethi ^d, ukuthi: 5 Tshelani indodakazi yeSiyoni ukuthi ^e: Khangela, iNkosi yakho iyeza kuwe, imnene igade ubabhemi, lethole inkonyana yenyamazana yokuthwala ^f. 6 Abafundi bahamba-ke, benza njengalokhu uJesu wayebalayile, 7 baletha ubabhemi lethole, babeka izembatho zabo phezu kwabo, bamhlalisa phezu kwazo ^g. 8 Lenengi lexuku lendlala ezalo izembatho endleleni ^h; labanye bagamula ingatsha zezihlahla, bazendlala endleleni ⁱ. 9 Lamaxuku ayehamba phambili lababelandela bamemeza, besithi: Hosana* kuyo iNdodana kaDavida ^j! Ubusisiwe ozayo ebizweni leNkosi ^k. Hosana ^l kweliphezulu ^m!

10 Esengenile eJerusalema ⁿ umuzi wonke wanyakazela usithi: Ngubani lo ^o? 11 Amaxuku asesithi: Lo nguJesu umprofethi ^p, oweNazaretha yeGalili ^q.

Ukuhlanjululwa kwethempeli

12 UJesu wasengena ethempelini likaNkulunkulu, wabaxotsha bonke ababethengisa lababethenga ethempelini ^r, wasegenqula amatafula ^s ababentshintshelana imali ^t, lezihlalo zalabo ababethengisa amajuba ^u. 13 Wasesithi kubo: Kulotshiwe ukuthi: Indlu yami izabizwa ngokuthi yindlu yomkhuleko ^v; kodwa lina liyenze ubhalu ^w lwabaphangi ^x. 14 Kwasekufika kuye iziphofu leziqhuli ethempelini; wasezisilisa. 15 Kodwa abapristi abakhulu lababhali sebebonile izimangaliso azenzayo, labantwana bememeza ethempelini, besithi: Hosana eNdodaneni kaDavida ^y! bathukuthela, 16 basebesithi kuye: Uyakuzwa lokhu yini abakutshoyo laba? UJesu wasesithi kubo: Yebo; alikaze lifunde yini ukuthi: Emlonyeni ^z wezingane lowabamunyayo ^aa uphelelise indumiso ^ab? 17 Wasebatshiya waphuma phandle komuzi esiya eBethani, walala khona ^ac.

Ukuthukwa komkhiwa

18 Kwathi ebuyela emzini ekuseni, walamba ^ad; 19 kwathi ebona umkhiwa othile endleleni, wasondela kuwo, kodwa katholanga lutho kuwo ngaphandle kwamahlamvu wodwa; wathi kuwo: Kakungabe kusavela isithelo kuwe lanini. Njalo umkhiwa wahle wabuna. 20 Kwathi bebona lokhu abafundi bakhe bamangala, besithi: Umkhiwa uhle wabuna njani ^ae? 21 UJesu wasephendula wathi kubo: Ngiqinisile ngithi kini: Uba lilokholo ^af, lingathandabuzi, kaliyikwenza lokhu okomkhiwa kuphela ^ag, kodwa loba lisithi lakulintaba: Qutshunwa uphoselwe olwandle, kuzakwenzeka ^ah. 22 Njalo konke loba kuyini elikucelayo emkhulekweni, likholwa, lizakwemukela ^ai.

Igunya likaJesu

23 Kwathi esengenile ethempelini, abapristi abakhulu labadala babantu basondela kuye esafundisa ^aj, bathi: Izinto lezi uzenza ngaliphi igunya? Njalo ngubani okunike leligunya ^ak? 24 UJesu wasephendula wathi kubo: Lami ngizalibuza umbuzo ube munye; uba lingitshela lokhu, lami ngizalitshela ukuthi ngenza lezizinto ngaliphi igunya: 25 Ubhabhathizo lukaJohane lwavela ngaphi? Ezulwini kumbe ebantwini? Basebekhulumisana, besithi: Uba sisithi: Ezulwini, uzakuthi kithi: Pho kalikholwanga kuye ngani ^al? 26 Kodwa uba sisithi: Ebantwini, siyesaba ixuku ^am; ngoba bonke bamphatha uJohane njengomprofethi ^an. 27 Basebemphendula uJesu bathi: Kasazi. Wasesithi kubo: Lami kangilitsheli ukuthi ngenza lezizinto ngaliphi igunya.

Umfanekiso wamadodana amabili

28 Kanti licabangani ^ao? Umuntu wayelamadodana amabili; waya kweyokuqala wathi: Mntanami, hamba, uyesebenza lamuhla esivinini sami ^ap. 29 Kodwa yaphendula yathi: Angifuni. Kodwa emva kwalokho yaphenduka, yahamba ^aq. 30 Wasesiya kweyesibili watsho ngokunjalo. Yona-ke yaphendula yathi: Ngiyahamba, nkosi. Kodwa kayiyanga. 31 Yiyiphi kulawo amabili eyenza intando kayise? Bathi kuye: Eyokuqala. UJesu wathi kubo: Ngiqinisile ngithi kini: Abathelisi ^ar lezifebe bayangena embusweni kaNkulunkulu phambi kwenu ^as. 32 Ngoba uJohane wafika kini ngendlela yokulunga, kalikholwanga kuye ^at; kodwa abathelisi lezifebe ^au bakholwa kuye ^av; kodwa lina selikubonile kaliphendukanga emva kwalokho ukuthi likholwe kuye ^aw.

Umfanekiso wabalimi besivini

33 Zwanini omunye umfanekiso. Kwakukhona umuntu othile ongumninimuzi ^ax, owahlanyela isivini ^ay, wasibiyela ngothango ^az, wagebha isikhamelo ^ba kuso, wakha umphotshongo ^bb, wasiqhatshisa kubalimi, waya kwelinye ilizwe ^bc. 34 Kwathi sekusondele isikhathi sezithelo, wathuma inceku zakhe kubalimi, ukuze zemukele izithelo zakhe. 35 Abalimi basebezibamba inceku zakhe, enye bayitshaya ^bd, lenye bayibulala ^be, lenye bayikhanda ngamatshe ^bf. 36 Wabuya wathuma ezinye inceku ezinengi kulezokuqala ^bg; basebesenza njalo kulezo. 37 Ekucineni wasethuma indodana yakhe kubo, esithi: Bazayihlonipha indodana yami ^bh. 38 Kodwa abalimi sebeyibonile indodana bakhulumisana besithi: Le yindlalifa ^bi; wozani, siyibulale, njalo sibambe ilifa layo ^bj. 39 Basebeyibamba ^bk bayiphosela ngaphandle kwesivini, bayibulala ^bl. 40 Ngakho mhla kufika umninisivini, uzabenzani abalimi labo? 41 Bathi kuye: Uzababhubhisa kakubi labo ababi ^bm, njalo uzaqhatshisa isivini kwabanye abalimi, abazamnika izithelo ngezikhathi zazo ^bn.

42 UJesu wathi kubo: Alikaze lifunde yini emibhalweni ukuthi: Ilitshe abakhi abalalayo, yilo eseliyinhloko yengonsi; lokhu yikwenza kweNkosi; njalo kuyamangalisa emehlweni ethu ^bo? 43 Ngakho ngithi kini: Lizakwemukwa umbuso kaNkulunkulu, unikwe isizwe esithela izithelo zawo ^bp. 44 Lalowo owela phezu kwalelilitshe uzaphahlazwa ^bq; kodwa loba ngubani eliwela phezu kwakhe lizamchoboza ^br.

45 Kwathi abapristi abakhulu labaFarisi sebezwile imifanekiso yakhe bazi ukuthi ubekhuluma ngabo. 46 Kwathi sebedinga ukumbamba ^bs besaba amaxuku ^bt, ngoba ayemphatha njengomprofethi ^bu.