Mat 6 | Ndebele | STEP | Qaphelani ukuthi umsebenzi wenu womusa lingawenzi phambi kwabantu ukuze libonwe yibo ; nxa kunge njalo , alilamvuzo kuYihlo osemazulwini.

Matthew 6

Intshumayelo yentabeni iyaqhubeka. Ukwenza ukulunga

1 Qaphelani ukuthi umsebenzi wenu womusa ^{▼▼ umsebenzi wenu womusa: kumbe, ukulunga} lingawenzi phambi kwabantu ukuze libonwe yibo ^{▼▼ yibo: or, labo}; nxa kungenjalo, alilamvuzo kuYihlo osemazulwini. 2 Ngakho nxa usenza umsebenzi womusa, ungakhalisi uphondo phambi kwakho ^c, njengokwenza kwabazenzisi emasinagogeni lezindleleni, ukuze badunyiswe ngabantu; ngiqinisile ngithi kini: Sebewemukele umvuzo ^d wabo ^e. 3 Kodwa wena nxa usenza umsebenzi womusa isandla sakho sokhohlo kasingakwazi esikwenzayo esokunene sakho, 4 ukuze umsebenzi wakho womusa ube sekusithekeni; njalo uYihlo obona ekusithekeni, yena uzakuvuza obala ^f.

5 Lalapho likhuleka, lingabi njengabazenzisi, ngoba bathanda ukukhuleka bemi emasinagogeni lemahlanganweni endlela, ukuze babonwe ngabantu; ngiqinisile ngithi kini: Sebewemukele umvuzo wabo ^g. 6 Kodwa wena nxa ukhuleka, ngena ^h endlini yakho yensitha, ubusuvala umnyango wakho, ukhuleke kuYihlo osensitha ⁱ; njalo uYihlo obona ekusithekeni uzakuvuza obala ^j. 7 Njalo uba likhuleka lingathemelezi ^k njengabezizwe; ngoba bacabanga ukuthi bazakuzwiwa ^l ngokukhuluma kwabo okunengi ^m. 8 Ngakho lingafanani labo; ngoba uYihlo uyakwazi elikuswelayo, lingakaceli kuye ⁿ.

UJesu ufundisa ngokukhuleka

9 Ngakho lina khulekani ngokunje: Baba wethu osemazulwini ^o, kalihlonitshwe ibizo lakho ^p; 10 umbuso wakho kawuze ^q; intando yakho kayenziwe ^r, lemhlabeni njengezulwini ^s; 11 siphe lamuhla ukudla kwethu kwensuku zonke ^t; 12 njalo usithethelele amacala ethu, njengalokhu lathi sibathethelela abalamacala kithi ^u; 13 njalo ungasingenisi ekulingweni ^v, kodwa usikhulule ebubini ^w. Ngoba umbuso ungowakho lamandla lenkazimulo kuze kube nini lanini. Ameni ^x. 14 Ngoba uba lithethelela abantu iziphambeko zabo, uYihlo osezulwini uzalithethelela lani ^y. 15 Kodwa uba lingathetheleli abantu iziphambeko zabo, loYihlo kayikulithethelela iziphambeko zenu ^z.

Ukuzila ukudla

16 Futhi nxa lizila ukudla ^aa, lingabi lobuso obudanileyo njengabazenzisi; ngoba benyukumalisa ubuso babo, ukuze babonakale ebantwini ukuthi bazilile ^ab; ngiqinisile ngithi kini: Sebewemukele umvuzo wabo ^ac. 17 Kodwa wena nxa uzila ukudla, gcoba ikhanda lakho, ugeze ubuso bakho ^ad, 18 ukuze ungabonakali ebantwini ukuthi uzilile ukudla, kodwa kuYihlo osekusithekeni; njalo uYihlo obona ekusithekeni uzakuvuza obala ^ae.

Inotho eqotho lokukhanya okuqotho

19 Lingazibekeli impahla eziligugu emhlabeni ^af, lapho inundu lokuthomba okona khona, lalapho amasela afohlela khona ebe; 20 kodwa zibekeleni izinto eziligugu ezulwini, lapho inundu lokuthomba okungoni khona ^ag, lalapho amasela angafohleli khona ebe ^ah. 21 Ngoba lapho okukhona impahla yenu eligugu, lenhliziyo yenu izakuba lapho. 22 Isibane somzimba yilihlo ^ai; ngakho uba ilihlo lakho liphilile, umzimba wakho wonke uzagcwala ukukhanya ^aj; 23 kodwa uba ilihlo lakho lilibi, umzimba wakho wonke uzakuba lobumnyama ^ak. Ngakho uba ukukhanya okuphakathi kwakho kuyibumnyama, umnyama mkhulu kangakanani ^al!

24 Kakho ongakhonza amakhosi amabili; ngoba uzazonda enye, athande enye; kumbe uzabambelela kwenye, adelele enye ^am. Lingekhonze uNkulunkulu ^an loMamona* ^ao.

Ukukhathazeka, lokuthemba kuNkulunkulu

25 Ngakho ngithi kini ^ap: Lingaphisekeli impilo yenu, ukuthi lizakudlani lokuthi lizanathani; lomzimba wenu, ukuthi lizakwembathani. Impilo kayidluli yini ukudla, lomzimba izembatho ^aq? 26 Khangelani inyoni zezulu, ukuthi kazihlanyeli njalo kazivuni, kazibutheli eziphaleni; kanti uYihlo osezulwini uyazondla; lina kalizidluli kakhulu yini ^ar? 27 Njalo nguwuphi kini ngokuphisekela ongengezelela ingalo ibenye ebudeni bakhe ^as? 28 Langezembatho liphisekelani? Qaphelisani imiduze yeganga, ukuthi ikhula njani; kayitshikatshiki, kayiphothi; 29 kodwa ngithi kini: LoSolomoni ebucwazicwazini bakhe bonke wayengembathiswanga njengomunye wayo ^at. 30 Njalo uba uNkulunkulu esembathisa ngokunjalo utshani beganga, obukhona lamuhla, kuthi kusasa buphoswe eziko, kayikulembathisa kakhulu yini, lina abokholo oluncinyane? 31 Ngakho lingaphisekeli lutho, lisithi: Sizakudlani? Kumbe: Sizanathani? Loba: Sizakwembathani ^au? 32 Ngoba zonke lezizinto izizwe ziyazidinga; ngoba uYihlo osezulwini uyazi ukuthi liyaziswela zonke lezizinto ^av. 33 Kodwa dingani kuqala umbuso kaNkulunkulu lokulunga kwakhe, njalo zonke lezizinto zizakwengezelelwa kini ^aw. 34 Ngakho lingaphisekeli ikusasa; ngoba ikusasa izaziphisekela yona; bulwanele usuku obalo ububi ^ax.