aLuka 6:37,38,41,42
bRoma 2:1, 14:3,4,10,13; 1 Kor 4:3,5; Jak 4:11,12
cMark 4:24
dZaga 18:17
e15:26; Jobe 4:6, 27:19,20
f15:26; Jobe 4:6, 27:19,20
gLuka 11:9-13
h18:19, 21:22; Mark 11:24; Joha 14:13, 15:7,16, 16:23,24; Jak 1:5,6, 5:16; 1 Joha 3:22, 5:14,15
i2 Lan 15:2
j2 Lan 15:2
k6:21, 5:16,45,48, 6:9,14,26, 10:32,33, 12:50, 16:17, 18:10,14,19,35, 23:9
lLuka 6:31
m22:39,40
nLuka 13:24
pDute 13:1-3; Jer 14:14, 23:9,14-17,21,25; Mat 24:4,5,11,24; Mark 13:5,22; Luka 21:8; 2 Pet 2:1-3; 1 Joha 4:1
qHez 22:27; Seb 20:29,30; Mika 3:5
r12:33; Luka 6:43,44; Jer 11:19
s3:10; Luka 3:9
t12:33; Luka 6:43,44; Jer 11:19
uLuka 6:46; Hos 8:2; Mat 25:11,12; Luka 13:25-27; Roma 2:13; Jak 1:22
v6:21, 5:16,45,48, 6:9,14,26, 10:32,33, 12:50, 16:17, 18:10,14,19,35, 23:9
wNani 24:3,4; Joha 11:51; 1 Kor 13:2
xSeb 19:13; Mark 9:38; Luka 9:49
yHlab 6:8; 2 Tim 2:19
zLuka 6:47-49
aa25:2
ab5:22
acLuka 6:49
ad13:54, 22:33; Mark 1:22, 6:2; Luka 4:32
aeMark 1:22; Luka 4:32; Joha 7:46

Matthew 7

Ukwehlulela abanye

1Lingehluleli a, ukuze lingehlulelwa, 2ngoba lizakwahlulelwa ngokwehlulela elehlulela ngakho b; langesilinganiso elilinganisa ngaso, lizalinganiselwa ngaso lani c. 3Kanti ukhangelelani ucezwana oluselihlweni lomfowenu, kodwa ungalunanzeleli ugodo olukwelakho ilihlo? 4Kumbe ungatsho njani kumfowenu ukuthi: Kahle ngikhuphe ucezwana oluselihlweni lakho; khangela kanti ugodo luselihlweni lakho? 5Mzenzisi, qala ukhuphe ugodo elihlweni lakho, khona-ke uzabona kuhle ukukhupha ucezwana elihlweni lomfowenu d.

6Linganiki izinja okungcwele; lingaphoseli amapharele* enu phambi kwezingulube, hlezi ziwanyathele ngenyawo zazo e, besezitshibilika ziliklebhule f.

Ukucela kuNkulunkulu; ukuphathana

7Celani g, lizaphiwa h; dingani, lizathola; qoqodani, lizavulelwa. 8Ngoba wonke ocelayo uyemukela i, lodingayo uyathola j, loqoqodayo uzavulelwa. 9Kumbe nguwuphi kini ongathi, nxa indodana yakhe icela isinkwa, ayinike ilitshe? 10Uba-ke icela inhlanzi, ayinike inyoka yini? 11Ngakho uba lina, elingababi, likwazi ukupha abantwana benu izipho ezinhle, uYihlo osemazulwini uzabapha kakhulu kangakanani izinto ezinhle abacela kuye k? 12Ngakho konke elithanda ukuthi abantu bakwenze kini, kwenzeni lani ngokunjalo kubo l; ngoba lokhu kungumlayo labaprofethi m.

Lokho okuqinisekileyo lalokho okungaqinisekanga

13Ngenani ngesango elincinyane; ngoba isango likhulu, lendlela ibanzi eya ekubhujisweni, njalo banengi abangena ngalo n; 14ngoba ▼
▼ ngoba: kumbe,  isango lincinyane njani
 isango lincinyane, lendlela ilukhonjwana eya empilweni, njalo balutshwana abayitholayo.

15Kodwa nanzelelani abaprofethi bamanga p, abeza kini bembathise okwezimvu, kodwa ngaphakathi bazimpisi eziphangayo q. 16Lizabazi ngezithelo zabo; bayazikha yini izithelo zevini emeveni, kumbe imikhiwa ekhuleni oluhlabayo? 17Ngokunjalo sonke isihlahla esihle siyathela izithelo ezinhle; kodwa isihlahla esibi siyathela izithelo ezimbi; 18isihlahla esihle singethele izithelo ezimbi, lesihlahla esibi singethele izithelo ezinhle r. 19Sonke isihlahla esingatheli isithelo esihle siyaganyulwa siphoselwe emlilweni s. 20Ngakho-ke lizabazi ngezithelo zabo t.

21Kakusibo bonke abatshoyo kimi ukuthi: Nkosi, Nkosi, abazangena embusweni wamazulu u; kodwa lowo oyenzayo intando kaBaba osemazulwini v. 22Abanengi bazakuthi kimi ngalolosuku: Nkosi, Nkosi, kasiprofethanga yini ngelakho ibizo w, sakhupha amadimoni ngelakho ibizo, senza imisebenzi elamandla eminengi ngelakho ibizo x? 23Njalo khona ngizakutsho obala kubo ukuthi: Angizanga ngilazi; sukani kimi lina benzi bobubi y.

Umfanekiso wezindlu ezimbili

24Ngakho wonke owezwayo la amazwi ami njalo awenze z, ngizamfananisa lendoda ehlakaniphileyo, eyakha indlu yayo phezu kwedwala aa; 25laselisina izulu, kwasekufika impophoma, kwasekuvunguza imimoya, yayitshaya leyondlu; kodwa kayiwanga; ngoba yayisekelwe phezu kwedwala. 26Njalo wonke owezwayo la amazwi ami njalo angawenzi, uzafananiswa lendoda eyisithutha ab, eyakha indlu yayo phezu kwetshebetshebe; 27laselisina izulu, kwasekufika impophoma, kwasekuvunguza imimoya yayitshaya leyondlu; yawa; kwaba kukhulu ukuwa kwayo ac.

28Kwasekusithi uJesu eseqedile lawomazwi, amaxuku ababaza ngemfundiso yakhe ad; 29ngoba wabafundisa njengolamandla, njalo kungenjengababhali ae.

Copyright information for Ndebele