Pro 3 | Ndebele | STEP | Ndodana yami, ungakhohlwa umlayo wami, kodwa inhliziyo yakho kayigcine imilayo yami .

Proverbs 3

Ezinye izeluleko emajaheni

1 Ndodana yami, ungakhohlwa umlayo wami, kodwa inhliziyo yakho kayigcine imilayo yami ^a. 2 Ngoba yengezelela kuwe ubude bezinsuku ^b leminyaka yempilo lokuthula ^c. 3 Umusa lothembeko kakungakutshiyi ^d, kubophele ^e entanyeni yakho ^f, ukubhale esibhebheni senhliziyo yakho ^g. 4 Ngalokho uzathola umusa lokuqedisisa okuhle ^{h
,} ⁱ emehlweni kaNkulunkulu labantu ^j.

5 Themba eNkosini ngenhliziyo yakho yonke ^k, ungeyami ekuqedisiseni kwakho ^l. 6 Ivume endleleni zakho zonke ^m, yona-ke izaqondisa imikhondo yakho ⁿ.

7 Ungabi ngohlakaniphileyo emehlweni akho ^o; yesabe iNkosi ^p, usuke ebubini ^{q
,} ^r. 8 Kuzakuba yikwelatshwa kwenkaba yakho, lokunathwayo kwamathambo akho ^s. 9 Hlonipha iNkosi ngemfuyo yakho, langezithelo zakho zokuqala zesivuno sakho sonke ^t. 10 Khona iziphala zakho zizagcwaliswa ngenala, lezikhamelo zakho zewayini ziphuphume iwayini elitsha ^u.

11 Ndodana yami, ungadeleli ukulaya kweNkosi, unganengwa yikukhuza kwayo ^v. 12 Ngoba iNkosi iyamlaya emthandayo, yebo, njengoyise indodana athokoza ngayo ^w.

13 Ubusisiwe umuntu othola inhlakanipho, lomuntu ozuza ukuqedisisa ^x. 14 Ngoba inzuzo yakho ingcono kulenzuzo yesiliva ^y, lokutholakalayo kwakho kulegolide ^z. 15 Kuligugu elidlula amatshe aligugu ^aa, lakho konke ongakufisa kakulinganiswa lakho ^ab. 16 Ubude bezinsuku busesandleni sakho sokunene ^ac, kwesokhohlo sakho inotho lodumo ^ad. 17 Izindlela zakho zizindlela zentokozo, lemikhondo yakho yonke iyikuthula ^ae. 18 Kuyisihlahla sempilo ^af kwabakubambayo, lobambelela kukho ubusisiwe ^ag.

19 Ngenhlakanipho iNkosi yasekela umhlaba ^{ah
,} ^ai; yamisa amazulu ngokuqedisisa ^aj. 20 Ngolwazi lwayo izinziki zaqhekezwa ^ak, lamayezi athonta ^al amazolo ^am.

21 Ndodana yami, kakungasuki emehlweni akho ^an; gcina inhlakanipho eqotho ^ao lengqondo ^ap. 22 Njalo kuzakuba yimpilo yomphefumulo wakho ^aq, lesisa entanyeni yakho ^ar. 23 Khona uzahamba indlela yakho uvikelekile ^as, lonyawo lwakho kaluyikukhubeka ^at. 24 Nxa ulala phansi, kawuyikwesaba, yebo, uzalala, lobuthongo bakho buzakuba mnandi ^au. 25 Ungesabi uvalo olujumayo ^av, kumbe ukuchitheka kwababi nxa kufika ^aw. 26 Ngoba iNkosi izakuba sethembeni lakho, igcine unyawo lwakho ukuze lungabanjwa ^ax.

27 Ungagodleli umninikho okuhle ^ay nxa kusemandleni esandla sakho ukukwenza ^az. 28 Ungathi kumakhelwane wakho: Hamba, ubuye, kusasa ngizakunika; nxa ulakho ^ba. 29 Ungacebi okubi ngomakhelwane wakho, ngoba yena uhlala lawe evikelekile. 30 Ungaphikisani lomuntu kungelasizatho, nxa engakonanga ^bb.

31 Ungahawukeli umuntu olobudlwangudlwangu; ungakhethi leyodwa yezindlela zakhe ^bc. 32 Ngoba ophambeneyo uyisinengiso eNkosini ^bd, kodwa imfihlo yayo ikwabaqotho ^be.

33 Isiqalekiso seNkosi sisendlini yomubi ^bf, kodwa iyawubusisa umuzi wabalungileyo ^bg. 34 Isibili, yona iyabeyisa ^bh abeyisayo ^bi, kodwa inika umusa kwabathobekileyo. 35 Abahlakaniphileyo bazakudla ilifa lodumo, kodwa abayizithutha, isabelo sabo silihlazo.