Psa 111 | Ndebele | STEP | Dumisani iN kosi ! Ngizayibonga iN kosi ngenhliziyo yonke , emhlanganweni wabaqotho lebandl eni .

Psalms 111

INkosi ifanele ukubongwa

1 Dumisani iNkosi! Ngizayibonga iNkosi ngenhliziyo yonke ^a, emhlanganweni wabaqotho ^b lebandleni ^c. 2 Mikhulu imisebenzi yeNkosi, idingwa yilabo abathokoza ngayo ^d. 3 Ulodumo lenkazimulo umsebenzi wayo ^{e
,} ^f, lokulunga kwayo kumi kuze kube nininini ^g. 4 Yenzile izimangaliso zayo zikhunjulwe; iNkosi ilomusa lesihawu ^h. 5 Iyabapha ukudla labo abayesabayo; iyakhumbula kuze kube phakade isivumelwano sayo ⁱ. 6 Yazisile abantu bayo amandla emisebenzi yayo, ngokubanika ilifa lezizwe. 7 Imisebenzi yezandla zayo iliqiniso lokwehlulela ^j; imithetho yayo yonke iqinisekile ^k. 8 Isekelwe kuze kube phakade laphakade ^l, yenziwa ngeqiniso langobuqotho ^m. 9 Yathumela uhlengo ebantwini bayo ^{n
,} ^o; ilaye isivumelwano sayo kuze kube nininini; lingcwele ^p liyesabeka ibizo layo ^{q
,} ^r. 10 Ukuyesaba iNkosi kuyikuqala kokuhlakanipha ^s; balokuqedisisa okuhle bonke abayenzayo imilayo ^t. Indumiso yayo imi kuze kube nininini ^u.