Psa 119 | Ndebele | STEP | Babusisiwe abaqotho endleleni, abahamba emlayweni weN kosi .

1 Babusisiwe abaqotho endleleni, abahamba emlayweni weNkosi ^a. 2 Babusisiwe abagcina izifakazelo zayo ^b, abayidinga ngenhliziyo yonke. 3 Njalo kabenzi okubi, bahamba endleleni zayo ^c. 4 Wena usulayile ukugcina ngokukhuthala imithetho yakho ^d. 5 Kungathi izindlela zami zingaqondiswa ukugcina izimiso zakho ^e! 6 Khona ngingayikuyangeka, lapho nginanzelela yonke imithetho yakho ^f. 7 Ngizakudumisa ngobuqotho benhliziyo, sengifunde izahlulelo zokulunga kwakho ^g. 8 Ngizagcina izimiso zakho. Ungangitshiyi ngokupheleleyo.

BETH ב

9 Ijaha lingayihlanza ngani indlela yalo? Ngokuqaphela njengokwelizwi lakho ^h. 10 Ngikudingile ngenhliziyo yami yonke ⁱ; ungangiphambuli emithethweni yakho ^j. 11 Ilizwi lakho ngilifihlile enhliziyweni yami, ukuze ngingoni kuwe ^k. 12 Kawubongwe wena, Nkosi; ungifundise izimiso zakho ^l. 13 Ngezindebe zami ngilandisile zonke izahlulelo zomlomo wakho ^m. 14 Ngithokozile ngendlela yezifakazelo zakho njengaphezu kwenotho yonke ⁿ. 15 Ngizazindla ngemithetho yakho, ngikhangele ezindleleni zakho ^o. 16 Ngizazithokozisa ngezimiso zakho; kangiyikukhohlwa ilizwi lakho ^p.

GIMEL ג

17 Iphathe kuhle inceku yakho, ukuze ngiphile ngigcine ilizwi lakho ^q. 18 Vula amehlo ami ukuze ngibone izimangaliso ezivela emlayweni wakho. 19 Ngiyisihambi emhlabeni; ungangifihleli imithetho yakho ^r. 20 Umphefumulo wami uyadabuka ^s ngenxa yokulangathela izahlulelo zakho ngaso sonke isikhathi ^t. 21 Ukhuzile abaziqakisayo ^u abaqalekisiweyo ^v, abaduha emithethweni yakho ^w. 22 Susa kimi ^x ihlazo lokudelela ^y, ngoba ngigcinile izifakazelo zakho ^z. 23 Iziphathamandla lazo zahlala zakhuluma zimelene lami ^aa; inceku yakho yazindla ngezimiso zakho ^ab. 24 Izifakazelo zakho lazo ziyintokozo yami, zingabeluleki bami ^ac.

DALETH ד

25 Umphefumulo wami unamathele ethulini ^ad; ngivuselela ^ae ngokwelizwi lakho ^af. 26 Ngilandisile indlela zami, wangiphendula. Ngifundisa izimiso zakho ^ag. 27 Ngenze ngiqedisise indlela yemithetho yakho ^ah, ukuze ngikhulume ngezenzo zakho ezimangalisayo ^ai. 28 Umphefumulo wami uyathonta ^aj ngenxa yosizi; ngiqinisa ngokwelizwi lakho ^ak. 29 Susa kimi indlela yamanga, unginike ngomusa umlayo wakho ^al. 30 Ngikhethile indlela yeqiniso, ngibekile phambi kwami izahlulelo zakho ^am. 31 Nginamathele ezifakazelweni zakho; Nkosi, ungangiyangisi ^an. 32 Ngizagijima endleleni yemithetho yakho, ngoba uzakhulisa inhliziyo yami ^ao.

HE ה

33 Ngifundisa, Nkosi, indlela yezimiso zakho ^ap, njalo ngizayigcina ^aqkuze kube sekupheleni ^ar. 34 Ngiphe ukuqedisisa ^as ngibe sengigcina umlayo wakho, yebo ngiwulondoloze ngenhliziyo yonke ^at. 35 Ngihambisa endleleni yemithetho yakho ^au, ngoba ngiyathokoza ngayo ^av. 36 Thobisela inhliziyo yami ezifakazelweni zakho ^aw, kungabi semhawini ^ax. 37 Susa amehlo ami ukuze angaboni okuyize ^ay; ungivuselele endleleni yakho ^az. 38 Qinisa ilizwi lakho encekwini yakho ezinikele ukukwesaba ^ba. 39 Susa isigcono engisesabayo, ngoba izahlulelo zakho zilungile ^bb. 40 Khangela, ngiyalangatha imithetho yakho ^bc; ngivuselela ekulungeni kwakho ^bd.

VAU ו

41 Lezisa zakho kazize kimi, Nkosi ^be, usindiso lwakho ngokwelizwi lakho ^bf. 42 Khona ngizakuba lakho ukuphendula ongithukayo, ngoba ngiyathembela elizwini lakho ^bg. 43 Njalo ungasusi ngokupheleleyo emlonyeni wami ilizwi leqiniso, ngoba ngithembele ezahlulelweni zakho ^bh. 44 Ngokunjalo ngizawugcina umlayo wakho njalonjalo, kuze kube phakade laphakade. 45 Ngizahamba ebubanzini, ngoba ngidinga imithetho yakho. 46 Njalo ngizakhuluma ngezifakazelo zakho phambi kwamakhosi, ngingayangeki ^bi. 47 Ngizithokozise ngemithetho yakho engiyithandileyo ^bj. 48 Ngizaphakamisela lezandla zami emithethweni yakho engiyithandileyo ^bk, ngizindle ngezimiso zakho ^bl.

ZAIN ז

49 Khumbula ilizwi encekwini yakho, ongenze ngathembela kulo ^bm. 50 Le yinduduzo yami ekuhluphekeni kwami ^bn, ngoba ilizwi lakho ^bo lingivuselele ^bp. 51 Abazigqajayo ^bq bangiklolodela kakhulukazi ^br; kangiphambukanga emlayweni wakho ^bs. 52 Ngikhumbule izahlulelo zakho zasendulo, Nkosi, futhi ngiziduduzile. 53 Intukuthelo enkulu ingibambile ngenxa yababi ^bt abatshiya umlayo wakho ^bu. 54 Izimiso zakho zaba zingoma zami endlini yobuhambuma bami ^bv. 55 Ebusuku ngikhumbule ibizo lakho, Nkosi, ngigcine umlayo wakho ^bw. 56 Lokhu kwaba ngokwami ngoba ngigcinile imithetho yakho ^bx.

CHETH ח

57 UJehova uyisabelo sami; ngithe ngizagcina amazwi akho ^by. 58 Ngancenga ubuso bakho ngenhliziyo yonke; woba lomusa kimi ^bz ngokwelizwi lakho ^ca. 59 Ngazindla ngezindlela zami, ngaphendulela inyawo zami ezifakazelweni zakho ^cb. 60 Ngaphangisa, kangiphuzanga ukugcina imithetho yakho ^cc. 61 Amaxuku ababi angihanqile; kangikhohlwa umlayo wakho ^cd. 62 Phakathi kobusuku ngizavuka ukuze ngikubonge ^ce ngenxa yezahlulelo zokulunga kwakho ^cf. 63 Ngingumngane wabo bonke abakwesabayo, labagcina imithetho yakho. 64 Nkosi, umhlaba ugcwele umusa wakho ^cg; ngifundisa izimiso zakho ^ch.

TETH ט

65 Wenzele inceku yakho okuhle, Nkosi, ngokwelizwi lakho ^ci. 66 Ngifundisa ingqondo enhle lolwazi, ngoba ngikholwa imithetho yakho ^cj. 67 Ngingakahlupheki ngaduha, kodwa khathesi ngigcine ilizwi lakho ^ck. 68 Wena ulungile ^cl, wenza okulungileyo ^cm; ngifundisa izimiso zakho ^cn. 69 Abazigqajayo ^co bangibhaceke ngamanga ^cp; ngenhliziyo yonke mina ngizagcina imithetho yakho ^cq. 70 Inhliziyo yabo inone njengamahwahwa ^cr; mina ngithokoza ngomlayo wakho ^cs. 71 Kungilungele ukuthi ngihlutshwe, ukuze ngifunde izimiso zakho ^ct. 72 Umlayo womlomo wakho ungcono kimi kulezinkulungwane zegolide lezesiliva ^cu.

JOD י

73 Izandla zakho ^cv zingenzile ^cw, zangibumba ^cx; ngiphe ukuqedisisa ukuze ngifunde imithetho yakho ^cy. 74 Abakwesabayo bazangibona bathokoze ^cz, ngoba ngithembele elizwini lakho ^da. 75 Ngiyazi, Nkosi, ukuthi izahlulelo zakho zilungile ^db, lokuthi ungihluphile ngokuthembeka ^dc. 76 Umusa wakho ake ube yinduduzo yami njengokutsho kwakho encekwini yakho ^dd. 77 Izihawu zakho kazize kimi ukuze ngiphile ^de, ngoba umlayo wakho uyintokozo yami ^df. 78 Abazigqajayo kabayangeke ^dg, ngoba bangiphambukisa ngamanga ^dh; mina ngizazindla ngemithetho yakho ^di. 79 Kabaphendukele kimi abakwesabayo, labazi izifakazelo zakho. 80 Inhliziyo yami kayiphelele ezimisweni zakho, ukuze ngingayangeki ^dj.

CAPH כ

81 Umphefumulo wami uyaphela ngokulangatha usindiso lwakho ^dk; ngithembela elizwini lakho ^dl. 82 Amehlo ami ayafiphala ngokulangatha ilizwi lakho ^dm, ngisithi ^dn: Uzangiduduza nini ^do? 83 Ngoba senginjengomgodla ^dp osentuthwini ^dq; kangikhohlwa izimiso zakho ^dr. 84 Zingaki insuku zenceku yakho ^ds? Uzakwenza nini isigwebo kwabangizingelayo ^dt? 85 Abazigqajayo ^du bangigebhela imigodi, okungenjengokomlayo wakho ^dv. 86 Yonke imithetho yakho ithembekile; bangizingela ngamanga ^dw; ngisiza ^dx! 87 Baphosa bangiqeda emhlabeni, kodwa mina kangitshiyanga imithetho yakho. 88 Ngivuselela ngokomusa wakho; ngibe sengigcina isifakazelo somlomo wakho ^dy.

LAMED ל

89 Laphakade, Nkosi, ilizwi lakho limi emazulwini ^dz. 90 Uthembeko lwakho lusesizukulwaneni lesizukulwana; wamisa umhlaba, usemi ^ea. 91 Ngokwezimiso zakho kusemi lamuhla, ngoba konke kuzinceku zakho ^eb. 92 Uba umlayo wakho ubungesizo intokozo zami, ngabe sengibhubhele ekuhluphekeni kwami ^ec. 93 Laphakade kangiyikukhohlwa imithetho yakho ^ed, ngoba ungivuselele ngayo ^ee. 94 Ngingowakho, ungisindise; ngoba ngiyidingile imithetho yakho. 95 Ababi bangilindele ukungibhubhisa; ngiyananzelela izifakazelo zakho. 96 Ngibonile ukucina kwakho konke ukuphelela ^ef, kodwa umlayo wakho ubanzi kakhulu ^eg.

MEM מ

97 Ngiwuthanda kangakanani umlayo wakho ^eh! Usuku lonke uyikuzindla kwami ^ei. 98 Ngemithetho yakho uyangihlakaniphisa kulezitha zami, ngoba ilami kuze kube nininini ^ej. 99 Ngilokuqedisisa kulabo bonke abafundisi bami ^{ek
,} ^el, ngoba izifakazelo zakho ^em ziyikuzindla kwami ^en. 100 Ngiyaqedisisa kulabadala ^{eo
,} ^ep, ngoba ngigcina imithetho yakho ^eq. 101 Ngizinqandile inyawo zami kuyo yonke indlela embi, ukuze ngigcine ilizwi lakho ^er. 102 Kangiphambukanga kuzahlulelo zakho, ngoba wena ungifundisile. 103 Amnandi kangakanani amazwi akho ekunambitheni kwami ^es, okwedlula uluju emlonyeni wami ^et! 104 Emithethweni yakho ngizuza ukuqedisisa; ngenxa yalokho ngizonda yonke indlela yamanga ^eu.

NUN נ

105 Ilizwi lakho liyisibane enyaweni lwami, lokukhanya endleleni yami ^ev. 106 Ngifungile, ngizakuqinisa ^ew, ukugcina izahlulelo zokulunga kwakho ^ex. 107 Ngiyahlupheka kakhulukazi; Nkosi, ngivuselela ^ey ngokwelizwi lakho ^ez. 108 Nkosi, yemukela iminikelo yesihle yomlomo wami ^fa, ungifundise izahlulelo zakho ^fb. 109 Umphefumulo wami usesandleni sami njalonjalo ^fc, kodwa kangikhohlwa umlayo wakho ^fd. 110 Ababi bangibekele umjibila ^fe, kodwa kangiduhanga emithethweni yakho ^ff. 111 Ngidle ilifa lezifakazelo zakho kuze kube nininini ^fg, ngoba ziyintokozo yenhliziyo yami ^fh. 112 Ngithobe inhliziyo yami ukwenza izimiso zakho njalonjalo ^fi, kuze kube sekupheleni ^fj.

SAMECH ס

113 Ngiyabazonda abanhliziyombili ^fk, kodwa umlayo wakho ngiyawuthanda ^fl. 114 Wena uyisiphephelo sami ^fm lesihlangu sami ^fn; ngithemba elizwini lakho ^fo. 115 Sukani kimi benzi bobubi ^fp, ngoba ngigcine imithetho kaNkulunkulu wami ^fq. 116 Ngisekela ngokwelizwi lakho ukuze ngiphile ^fr, ungangiyangisi ^{fs
,} ^ft ngethemba lami ^fu. 117 Ngisekela ngibe sengisindiswa, ngizananzelela izimiso zakho njalonjalo ^fv. 118 Uyabeyisa bonke ^fw abaduha ezimisweni zakho, ngoba ubuqili babo bungamanga ^fx. 119 Uyasusa bonke ababi bomhlaba njengamanyele ^fy; ngakho ngiyazithanda izifakazelo zakho ^fz. 120 Inyama yami ^ga iyathuthumela ngovalo ngawe ^gb, ngesaba izigwebo zakho ^gc.

AIN ע

121 Ngenzile ukwahlulela lokulunga; ungangiyekeli kubacindezeli bami. 122 Mela inceku yakho kube kuhle ^gd, abazigqajayo kabangangicindezeli ^ge. 123 Amehlo ami aphelela usindiso lwakho, lelizwi lokulunga kwakho ^gf. 124 Yenza encekwini yakho ngokomusa wakho, ungifundise izimiso zakho ^gg. 125 Ngiyinceku yakho ^gh; ngiphe ukuqedisisa ^gi, ukuze ngazi izifakazelo zakho. 126 Sekuyisikhathi seNkosi sokuthi isebenze, ngoba bawephule umlayo wakho ^gj. 127 Ngakho-ke ngiyayithanda imithetho yakho kakhulu kulegolide ^gk, yebo, kulegolide elicwengekileyo ^gl. 128 Ngalokho imithetho yakho yonke mayelana lazo zonke izinto ngiyibona iqondile; yonke indlela yamanga ngiyayizonda ^gm.

PE פ

129 Izifakazelo zakho ziyamangalisa ^gn; ngakho-ke umphefumulo wami uyazigcina ^go. 130 Ukuvulwa kwamazwi akho kuyakhanyisa, kunika ukuqedisisa kwabangelalwazi ^{gp
,} ^gq. 131 Ngavula umlomo wami, ngaphefuzela ^gr, ngoba ngalangazelela imithetho yakho ^gs. 132 Phendukela kimi ^gt, ube lomusa kimi, njengomkhuba kulabo abathanda ibizo lakho ^gu. 133 Qinisa izinyathelo zami ngelizwi lakho ^gv, njalo kabungabusi phezu kwami labubi ^gw. 134 Ngikhulula kucindezelo lwabantu, ukuze ngigcine imithetho yakho. 135 Khanyisa ubuso bakho phezu kwenceku yakho ^gx, ungifundise izimiso zakho ^gy. 136 Imifula yamanzi iyehla emehlweni ami ^gz, ngoba kabagcini umlayo wakho ^ha.

TZADDI צ

137 Wena, Nkosi, ulungile, ziqondile izahlulelo zakho ^hb. 138 Ulayile izifakazelo zakho ekulungeni lekuthembekeni okukhulu ^hc. 139 Ukutshiseka kwami kungiqedile, ngoba izitha zami zikhohlwe amazwi akho ^hd. 140 Ilizwi lakho licwengekile kakhulu; ngakho inceku yakho iyalithanda ^he. 141 Ngimncinyane, ngidelelekile; imithetho yakho kangiyikhohlwa ^hf. 142 Ukulunga kwakho kuyikulunga kuze kube phakade, lomlayo wakho uliqiniso ^hg. 143 Ucindezelo lohlupho kungifumene; imithetho yakho izintokozo zami ^hh. 144 Ukulunga kwezifakazelo zakho kungokwaphakade; ngiphe ukuqedisisa ukuze ngiphile ^hi.

KOPH ק

145 Ngakhala ngenhliziyo yami yonke; ngiphendula, Nkosi. Ngizagcina izimiso zakho ^hj. 146 Ngikhalela kuwe; ngisindisa, njalo ngizagcina izifakazelo zakho. 147 Ngandulela ^hk uvivi, ngakhala ^hl; ngathembela elizwini lakho ^hm. 148 Amehlo ami aqalela ^hn imilindo yobusuku ^ho, ukuze ngizindle elizwini lakho ^hp. 149 Zwana ilizwi lami ngokomusa wakho; Nkosi, ngivuselela ^hq ngokwesahlulelo sakho ^hr. 150 Bayasondela abazingeli bobubi, bakhatshana lomlayo wakho. 151 Wena useduze, Nkosi ^hs, lemithetho yakho yonke iliqiniso ^ht. 152 Sekukade ngisazi ngemilayo yakho ukuthi uyisekele kuze kube nininini ^{hu
,} ^hv.

RESH ר

153 Khangela ukuhlupheka kwami ^hw, ungikhulule ^hx, ngoba kangiwukhohlwa umlayo wakho ^hy. 154 Mela udaba lwami, ungihlenge ^hz; ngivuselela ^ia ngokwelizwi lakho ^ib. 155 Usindiso lukhatshana lababi, ngoba kabadingi izimiso zakho ^ic. 156 Izihawu zakho, Nkosi, zinkulu; ngivuselela ^id ngokwezahlulelo zakho ^ie. 157 Banengi abangizingelayo labayizitha zami; kangiphambuki ezifakazelweni zakho ^if. 158 Ngabona abaphambuki ^ig, ngacunuka ^ih, ngoba kabagcinanga ilizwi lakho ⁱⁱ. 159 Bona ukuthi ngiyayithanda imithetho yakho ^ij. Ngivuselela, Nkosi, ngokothandolomusa wakho ^ik. 160 Ilizwi lakho liliqiniso kwasekuqaleni ^il, laso sonke isahlulelo sakho esilungileyo simi kuze kube nininini ^im.

SCHIN ש

161 Iziphathamandla zingizingela ⁱⁿ kungelasizatho; kodwa inhliziyo yami ilovalo ngamazwi akho ^io. 162 Ngiyathokoza ngelizwi lakho ^ip njengothole impango enkulu ^iq. 163 Amanga ngiyawazonda ngiyawenyanya; umlayo wakho ngiyawuthanda ^ir. 164 Kasikhombisa ngosuku ngiyakudumisa ^is ngenxa yezahlulelo zakho ezilungileyo ^it. 165 Balokuthula okukhulu ^iu abathanda umlayo wakho; njalo kakulasikhubekiso kubo ^iv. 166 Ngilindele usindiso lwakho, Nkosi, ngiyayenza imithetho yakho ^iw. 167 Umphefumulo wami uyazigcina izifakazelo zakho, ngiyazithanda kakhulu ^ix. 168 Ngiyagcina imithetho yakho lezifakazelo zakho, ngoba zonke indlela zami ziphambi kwakho ^iy.

TAU ת

169 Ukukhala kwami kakusondele kuwe, Nkosi; ngiphe ukuqedisisa ^iz ngokwelizwi lakho ^ja. 170 Ukuncenga kwami kakufike phambi kwakho; ngikhulula ngokwelizwi lakho ^jb. 171 Indebe zami zizathulula indumiso ^jc, ngoba ungifundisile izimiso zakho ^jd. 172 Ulimi lwami luzakhuluma ilizwi lakho, ngoba yonke imithetho yakho iyikulunga. 173 Isandla sakho kasibe lusizo lwami, ngoba ngikhethile imithetho yakho ^je. 174 Ngiyalangazelela usindiso lwakho, Nkosi ^{jf
,} ^jg, lomlayo wakho uyintokozo yami ^jh. 175 Kawuphile umphefumulo wami, njalo uzakudumisa, lezahlulelo zakho zingisize. 176 Ngiduhile ^ji njengemvu elahlekileyo ^jj; dinga inceku yakho, ngoba kangikhohlwa imithetho yakho ^jk.