Psa 139 | Ndebele | STEP | Kumqondisi wokuhlabelela. Isihlabelelo sikaDavida N kosi , ungihlolile, uya ng azi .

Psalms 139

INkosi iyazi konke, ikhona ezindaweni zonke

Kumqondisi wokuhlabelela. Isihlabelelo sikaDavida

1 Nkosi, ungihlolile, uyangazi ^a. 2 Wena uyakwazi ukuhlala kwami ^{b
,} ^c lokusukuma kwami ^{d
,} ^e; uyaqedisisa ^f imicabango yami ukhatshana ^g. 3 Uyahlungula ukuhamba kwami lokulala kwami ^h, uzejwayele indlela zami zonke ⁱ. 4 Ngoba kalikho ilizwi elimini lwami, khangela Nkosi, usulazi lonke ^j. 5 Ungizingelezile emuva langaphambili ^k, ubeke isandla sakho phezu kwami ^l. 6 Lolulwazi ^m lumangalisa kakhulu kimi; luphakeme, kangilakho ukufinyelela kulo ⁿ.

7 Ngizakuya ngaphi ngisuke kuMoya wakho ^o? Kumbe ngizabalekela ngaphi ngisuke ebusweni bakho ^p? 8 Uba ngisenyukela emazulwini, lapho ukhona ^q; uba ngisendlala icansi lami esihogweni, khangela, ukhona ^{r
,} ^s. 9 Uba ngithatha amaphiko okusa, ngihlale emikhawulweni yolwandle ^t, 10 lalapho isandla sakho sizangikhokhela, lesokunene sakho singibambe ^u. 11 Uba ngisithi: Isibili umnyama uzangifihla, ngitsho ubusuku buzakuba yikukhanya kimi inhlangothi zonke ^v. 12 Ngitsho umnyama kawufihli kuwe, kodwa ubusuku bukhanya njengemini; njengomnyama kunjalo ukukhanya kuwe ^w.

13 Ngoba wena ungumnini wezinso zami ^x, wangeluka esiswini sikamama ^y. 14 Ngizakudumisa, ngenxa yokuthi ngenziwe ngokwesabekayo, ngokumangalisayo. Imisebenzi yakho iyamangalisa; lomphefumulo wami uyakwazi kuhle kakhulu ^z. 15 Amathambo ami ayengafihlekanga kuwe, lapho ngangisenziwa ekusithekeni ^aa, ngenziwa ngobuciko ezindaweni ezizikileyo zomhlaba ^{ab
,} ^ac. 16 Amehlo akho abona ibumba lami; legwalweni lwakho zonke lezi zabhalwa, izinsuku okwabunjwa ngazo, kungakabikho lakunye kwakho ^ad. 17 Iligugu kangakanani-ke ^ae kimi imicabango yakho, O Nkulunkulu ^af; bukhulu kangakanani ubunengi bayo ^ag! 18 Uba ngingayibala ^ah, minengi kuletshebetshebe ^ai. Lapho ngivuka, ngilokhu ngilawe.

19 Isibili ^aj uzambulala omubi, Nkulunkulu ^ak! Ngakho lina bantu abomele igazi ^al sukani kimi ^am; 20 abakhuluma ngenkohliso ngawe ^an, ziphatha ngeze ibizo lakho ^ao, izitha zakho ^ap. 21 Kangibazondi yini, Nkosi, abakuzondayo ^aq, nginengwe ^ar ngabakuvukelayo ^as? 22 Ngiyabazonda ngenzondo epheleleyo; sebeyizitha kimi.

23 Ngihlola, Nkulunkulu, uyazi inhliziyo yami; ngilinga ^at, uyazi imicabango yami ^au, 24 ubone ukuthi ikhona indlela embi kimi yini ^av, ungikhokhele ^aw endleleni ^ax ephakade ^ay.