Psa 67 | Ndebele | STEP | Kumqondisi wokuhlabelela. Ngamachacho. Isihlabelelo, ingoma Nkulunkulu, woba lomusa kithi usibusise , ukhanyise ubuso bakho phezu kwethu. Sela * .

Psalms 67

Abantu bonke kabamdumise uNkulunkulu

Kumqondisi wokuhlabelela. Ngamachacho. Isihlabelelo, ingoma

1 Nkulunkulu, woba lomusa kithi usibusise ^a, ukhanyise ubuso bakho phezu kwethu. Sela* ^b. 2 Ukuze indlela yakho yaziwe emhlabeni, usindiso lwakho ezizweni zonke ^c.

3 Kazikudumise izizwe, Nkulunkulu, kabakudumise abantu bonke ^d. 4 Izizwe kazijabule zihlabele ngentokozo, ngoba uzabahlulela abantu ngokuqonda, uhole izizwe emhlabeni. Sela* ^e. 5 Kazikudumise izizwe, Nkulunkulu, kabakudumise abantu bonke ^f.

6 Umhlaba uzathela izithelo zawo; uNkulunkulu, uNkulunkulu wethu uzasibusisa ^g. 7 UNkulunkulu uzasibusisa, layo yonke imikhawulo yomhlaba izamesaba ^h.