Rev 20 | Ndebele | STEP | Ngasengibona ingilosi isehla ivela ezulwini, ilesihluthulelo somgodi ongelamkhawulo , leketane elikhulu esandleni sayo.

1 Ngasengibona ingilosi isehla ivela ezulwini, ilesihluthulelo ^a somgodi ongelamkhawulo ^b, leketane elikhulu esandleni sayo. 2 Yasiwubamba umgobho ^c, inyoka endala ^d, enguDiyabhola ^e loSathane ^f, yasiwubopha okweminyaka eyinkulungwane ^g, 3 yasiwuphosela emgodini ongelamkhawulo ^h, yawuvalela, yasibeka uphawu phezu kwawo ⁱ, ukuze ungabe usaduhisa izizwe, ize iphele iminyaka eyinkulungwane ^{j
,} ^k; lemva kwalokhu kumele ukuthi ukhululwe okwesikhatshana.

Ukuvuka kokuqala

4 Ngasengibona izihlalo zobukhosi ^l, basebehlala kuzo ^m, lokwahlulela kwanikelwa kubo ⁿ; ngabona lemiphefumulo ^o yalabo ababequnywe amakhanda ^p ngenxa yobufakazi bukaJesu ^q langenxa yelizwi likaNkulunkulu ^r, lababengakhonzanga isilo ^s, loba umfanekiso waso ^t, njalo bengemukelanga uphawu lwaso ebunzini labo, lesandleni sabo ^u; basebephila babusa kanye loKristu ^v iminyaka eyinkulungwane ^w. 5 Kodwa abaseleyo kwabafileyo kabaphindanga baphila ^x ize iphele iminyaka eyinkulungwane ^y. Lokhu kuyikuvuka kokuqala ^z. 6 Ubusisiwe njalo ungcwele olesabelo ekuvukeni kokuqala ^aa; phezu kwalaba ukufa kwesibili kakulamandla ^ab, kodwa bazakuba ngabapristi bakaNkulunkulu, labakaKristu ^ac, njalo bazabusa kanye laye ^ad iminyaka eyinkulungwane ^ae.

Ukukhululwa kukaSathane

7 Lalapho isiphelile iminyaka eyinkulungwane ^af, uSathane uzakhululwa ^ag entolongweni yakhe ^ah, 8 njalo uzaphumela ukuduhisa izizwe ^ai ezisemagumbini amane omhlaba ^aj, uGogi loMagogi ^ak, ukubabuthela ^al empini ^am; onani labo lingangetshebetshebe lolwandle ^an. 9 Basebesenyukela ebubanzini bomhlaba ^ao, bazingelezela inkamba yabangcwele ^ap lomuzi othandekayo ^aq; kwasekusehla umlilo kuNkulunkulu ovela ezulwini ^ar, wasubaqothula; 10 lodiyabhola owayebaduhisile ^as waphoselwa echibini ^at lomlilo lesibabule ^au, lapho okukhona isilo ^av lomprofethi wamanga ^aw; njalo bazahlutshwa emini lebusuku kuze kube nini lanini ^ax.

Ukwahlulela kokucina

11 Ngasengibona isihlalo sobukhosi esikhulu lesimhlophe lohlezi kuso, omhlaba lezulu kwabalekela ubuso bakhe ^ay, njalo kakutholelwanga ndawo ^az. 12 Ngasengibona abafileyo abancinyane labakhulu ^ba, bemi phambi kukaNkulunkulu, lengwalo zavulwa ^bb; njalo olunye ugwalo lwavulwa, olungolwempilo ^bc; abafileyo basebesahlulelwa ngezinto ezibhalwe ezingwalweni ^bd, ngokwemisebenzi yabo ^be. 13 Lolwandle lwabakhupha abafileyo ababekilo, njalo ukufa ^bf lesihogo ^{▼▼ isihogo: kumbe, ingcwaba.} kwakhupha abafileyo ababekikho ^bh; basebesahlulelwa, ngulowo lalowo, ngokwemisebenzi yabo ^bi. 14 Ukufa lesihogo ^bj kwasekuphoselwa echibini lomlilo ^bk; lokhu kuyikufa kwesibili ^bl. 15 Uba-ke ekhona ongatholwanga elotshiwe egwalweni lwempilo ^bm, waphoselwa echibini lomlilo ^bn.