Song 7 | Ndebele | STEP | Zinhle kangakanani izinyawo zakho emanyathelweni , ndodakazi yenkosana ! Amalunga amathangazi akho anjengemiceciso , umsebenzi wezandla zengcitshi .

Song of Solomon 7

1 Zinhle kangakanani izinyawo zakho emanyathelweni ^a, ndodakazi yenkosana ^b! Amalunga amathangazi akho anjengemiceciso ^c, umsebenzi wezandla zengcitshi ^d. 2 Inkaba yakho injengomganu oyingubhe ongasweli iwayini elixutshanisiweyo ^e. Isisu sakho sinjengenqumbi yengqoloyi ezingelezelwe yimiduze ^f. 3 Amabele akho womabili anjengabantwana ababili bomziki, abangamaphahla empala ^g. 4 Intamo yakho injengomphotshongo wempondo zendlovu ^h. Amehlo akho ayiziziba zeHeshiboni ⁱ ngasesangweni leBeti-Rabimi ^j. Impumulo yakho injengomphotshongo ^k weLebhanoni ^l okhangelene leDamaseko ^m. 5 Ikhanda lakho phezu kwakho linjengeKharmeli ⁿ, lenwele zekhanda lakho ezilengayo zinjengokuyibubende ^o; inkosi ibotshwe ^p emikhandlweni ^q. 6 Umuhle kangakanani, njalo uthandeka kangakanani ^r, thando, ezinjabulweni ^s. 7 Lobu ubude bakho bunjengesihlahla selala ^t, lamabele akho njengamaxha ^u. 8 Ngathi: Ngizakhwela esihlahleni selala ^v ngibambe ingatsha zaso. Khathesi-ke amabele akho azakuba njengamahlukuzo evini ^w, lephunga lamakhala akho linjengama-aphula ^x, 9 lolwanga lwakho lunjengewayini elihle ^y eliya kusithandwa sami kakuhle ^z, kusenza indebe zabaleleyo zikhulume ^aa.

10 Ngingowesithandwa sami ^ab, lesifiso saso singakimi ^ac. 11 Woza, sithandwa sami, kasiphumele egangeni, silale ebusuku emizaneni; 12 kasivuke ngovivi siye ezivinini, sibone ukuthi amavini asehluma ^ad, ekhupha impoko ^ae, lokuthi amapomegranati* akhahlele yini. Lapho ngizakunika uthando lwami ^af. 13 Amamandrake* akhupha iphunga elimnandi ^ag, langasemasangweni ethu ^ah kukhona zonke inhlobo zezithelo ezimnandi kakhulu ^ai, ezintsha lezindala ^aj, engizibekele wena, sithandwa sami ^ak.