‏ Job 16

Hotuba Ya Tano Ya Ayubu

Ayubu Anathibitisha Tena Hali Yake Ya Kutokuwa Na Hatia

1Kisha Ayubu akajibu:

2 ^a“Nimepata kusikia mambo mengi kama haya,
nanyi nyote ni wafariji wenye kutaabisha!
3 ^bJe, maneno yenu mengi yasiyo na maana hayana mwisho?
Mna nini hata mwendelee kushindana kwa maneno?
4 ^cMimi pia ningeweza kuzungumza kama ninyi,
kama mngekuwa katika hali yangu;
ningeweza kutoa hotuba nzuri dhidi yenu,
na kuwatikisia ninyi kichwa changu.
5 ^dLakini kinywa changu kingewatia moyo;
faraja kutoka midomoni mwangu, ingewaletea nafuu.

6 ^e“Lakini kama nikisema, maumivu yangu bado hayatulizwi;
nami kama nikijizuia, wala hayaondoki.
7 ^fEe Mungu, hakika umenichakaza;
umewaangamiza kabisa watu wa nyumbani mwangu wote.
8 ^gUmenikunjakunja, nalo limekuwa ushahidi;
nako kukonda kwangu kumeongezeka sana na kushuhudia dhidi yangu.
9 ^hMungu amenishambulia na kunirarua katika hasira yake,
na kunisagia meno yake;
adui yangu hunikazia macho yake makali.
10 ⁱWatu wamenifumbulia vinywa vyao kunidhihaki;
hunipiga shavuni mwangu kwa dharau,
na kuungana pamoja dhidi yangu.
11 ^jMungu amenigeuzia kwa watu wabaya,
na kunitupa katika makucha ya waovu.
12 ^kMambo yote yalikuwa mazuri, lakini alinivunjavunja;
amenikamata shingo na kuniponda.
Amenifanya mimi kuwa shabaha yake;
13 ^lwapiga upinde wake wananizunguka.
Bila huruma, huchoma figo zangu,
na kuimwaga nyongo yangu juu ya nchi.
14 ^mHuniponda tena na tena;
hunishambulia kama shujaa wa vita.

15 ⁿ“Nimejishonea nguo ya gunia juu ya mwili wangu
nami nimekizika kipaji cha uso wangu kwenye vumbi.
16 ^oUso wangu umekuwa mwekundu kwa kulia,
macho yangu yamepigwa na giza kuu.
17 ^pHata hivyo mikono yangu haijafanya jeuri,
na maombi yangu ni safi.

18 ^q“Ee nchi, usiifunike damu yangu,
nacho kilio changu kisinyamazishwe kamwe.
19 ^rHata sasa shahidi wangu yuko mbinguni;
wakili wangu yuko juu.
20 ^sMwombezi wangu ni rafiki yangu
macho yangu yamwagapo machozi kwa Mungu;
21 ^tkwa niaba ya mtu anamsihi Mungu
kama mtu anavyosihi kwa ajili ya rafiki yake.

22 ^u“Ni miaka michache tu itapita
kabla sijaenda safari ambayo sitarudi.