Psa 127 | TBG | STEP | Vaiintivano naavu kaqareva iharo kia Nora Kotirara ti kahaqiane tirera, vira kaiqavano qumina kaiqaqaima varianaro. Noravano Kotiva kia vo vatukaqaa maimaraara raqikirera, vi vatukaraqaa maimaraara raqikiva quminaiqira ˻navutaaka homa vi vatukara aatara kevara˼.

Psalms 127

Soromonuva maa ihira qara ntuvatora

1 Vaiintivano naavu kaqareva iharo kia Nora Kotirara ti kahaqiane tirera, vira kaiqavano qumina kaiqaqaima varianaro.

Noravano Kotiva kia vo vatukaqaa maimaraara raqikirera, vi vatukaraqaa maimaraara raqikiva quminaiqira ˻navutaaka homa vi vatukara aatara kevara˼.

2 Are airi kara variarire tira, vo enta vo enta toqaqi himpira vukaari utihara kaiqa varaqira vivira entama kehara, kia Nora Kotirara noraiqaakera iriqira virera, ai kaiqavano quminaiqama vuanaro.

Noravano Kotiva nai antuqa vaika kara nimi vaivama vairo.

3 Tinavu vaintivara vaireka, vika Noravano Kotiva tinavu koqema timiteharo qaqi timikama variavo.

4 Airi veva iqoka vaiinti kauquqi vaintemakero, qaraaka vaiintivano qorainti vainti airinavu vatataika nái qora koqemake kahaqama amitevara.

5 Vaiintivano qorainti vainti airi irava, viva quahaarire.

Vi vaiintiva nai navutaaka hampatako ti vatukaraqaa vaiharo uva avuqavu ireva iramanta, vira maaqunavu vira hampata vaiha vira kahaqama amitaivaro vivako ho aatara kaanarovema turo.