1Ti 6 | TPZ | STEP | A napan pe Kristo varih to teß ne o teß kikiu akuk, se ta rakah ne a ma teß susun pee. Ivëh, ka hikta teß se soe vöknah a ëhnan e Sosoenën vaßpeh me o vavaasis pea.

1 Timothy 6

O Teß Kikiu Akuk Se Nonok Ne A Taateß Vih

1 A napan pe Kristo varih to teß ne o teß kikiu akuk, se ta rakah ne a ma teß susun pee. Ivëh, ka hikta teß se soe vöknah a ëhnan e Sosoenën vaßpeh me o vavaasis pea. 2 A teß susun pa teß kikiu akuk se keh teß e non a teß va po vaman, a teß kikiu akuk se koe a koman vamanih pan, “Eß e kea varoe, ivëh, köß se pënton varo e noß pa soe peß.” Ahik. Eß se koman vamanih pan, “A teß vëh nöß to kikiu noß peß, eöß to iu rakah noß eah. Paröß nonok vavih rakah noß a ma kiu peß. Suk eß a teß va po vaman.”

Eën se vavaasis me a heß a soe manih pa ma napan pa kunkuin raoe pa nok a ma taateß vih varih, nöß to soe voh ka oah.

A Taateß Iu Vörep A Moniß, Eß A Pusun In A Ma Taateß Hat

3 Ta pah teß se këh vavatvus non to meoh vavaasis to teß ke e non po vavaasis vamaman pe Apuh pea Ieesuß Kristo, o vavaasis pamëh to vavatvus non o vaman vamaman va po vavaasis pe Sosoenën. 4 A teß pamëh to vatösoe ko möhmöh, ivëhkëk, eß to hikta inan non ta tah, o kokoman peß to iu rakah e non pa vasosöë vatëh suk a ma vaato. A ma vaato poë varih to heß non sih, a taateß puhioß, me taateß vapus, me a vaato vasukaß me ro upöm teß, pareß teß me non o kokoman pu ko vaharaß vahat non o upöm teß, 5 me a taateß vaato vasukaß vatëh. A ma taateß poë varih to taneß maß po teß varih no a ma kokoman pee to hat, kee hikta antoen ne a heß a soe man. Ee to koman ne pan, pa nok a kiu pe Sosoenën, eß a ö va pa tavus a teß öt moniß vörep.

6 Pa nok a kiu pe Sosoenën, eß to vateß e non pea, pan ea to teß va no manih po teß öt moniß vörep, pa ö na to vaeö me no pa ma tah ne e Sosoenën to heß a ra. 7 Suk o poen ne sinaara to vahuh a ra, ea to hikta öt nö voh no maß ta pah tah. Ivëh, ko poen na to këh o oeh vëh, ea hikta se teß nö no ta pah tah. 8 Ivëh, ka se keh öt e no pa ma taëën, me a ma tah ohop, ea to vaeö me no pa ma tah poë varih. 9 O teß varih to iu öt ne a moniß peo, o teß poë varih no a ma punöß se nö maß manih pee, ko ötöön raoe vamanih pa vönaß to on pa kë. O kokoman pee se takuin pa iu me a nok a ma tah hat peo, ko miröß a nap peo, kee nun rakah ko kon vahat ee. 10 A taateß iu öt a moniß peo, eß a pah pusun in a ma vu taateß hat. A ma pah teß to iu öt ne a moniß peo, a ma paeh pee to këh ke o vaman, suk ee to iu kon ne a ma moniß peo, ivëhkëk, ee to heß hah rea a ma punis peo.

Eën Se Vaveo Vakis, Ko Kon O Toßtoß Tamoaan

11 Ivëhkëk, eën a teß pe Sosoenën, eën se rusin këh a ma vu taateß hat poë varih. Eën se vavatet nom a taateß totoopin to teß vih non, parën nonok nom a kiu pe Sosoenën. Ko teß me nom o vaman, me a taateß iu rakah o upöm teß, ko teß me nom a taateß sun vakis po vaman pën, ko teß a ma punis kurus, me a taateß tö pa nö vaßpeh me ra napan. 12 A teß to vaman non e Ieesuß, eß to teß va non manih peß to vapus vakis pa vöknah a ma taateß hat. Ivëh, ke eën se vapus vakis, kën se kon o toßtoß tamoaan. E Sosoenën to vaoe voh a oah pa kon o toßtoß pamëh, pa ö nën to sun voh ko vatvus o vaman pën pa matëëra ma napan. 13 Eöß to sun, ko soe vakis voh ka oah manih pa matan e Ieesuß Kristo, me manih pa matan e Sosoenën vëh to heß o toßtoß manih pa ma moeh tah kurus. E Ieesuß Kristo to vatvus vateeraß a soe, pa ö neß to sun pa matan e Ponsius Paëlat. A soe kikis peöß, ivëh, 14 eën se vatet vatotoopin a soe nën to kon voh pa nok. Eën se koe a vanun a soe pamëh, me eën se koe a nok ta pah tah no a napan se soe vöknah. Ahik. Eën se vatet vatotoopin nom a soe, keß öök po poen ne Ieesuß Kristo se hah maß. 15 Eß se tavus po poen ne Sosoenën to vateß, e Sosoenën ne ea se kë no a ëhnaneah, keß eß varoe kuru a paeh to matop non a ma moeh tah kurus. Eß e Sunön va pa ma teß susunön, me eß e Apuh va pa ma teß apaßpuh. 16 Eß a paeh ro to hikta se mët non. Eß to teß me non po tëkrea, to maaka vörep no a hikta teß to onöt non a huk vatët manuh peß. A hikta pah teß to ep voh e Sosoenën, me a hikta teß to onöt non a ep in poan. Ivëh, ka ma poen kurus, ea se kë no a ëhnaneah, peß a ma kikis kurus to teß tamoaan non pe Sosoenën. Oman.

A Ma Teß Öt Moniß To Vaman Ne E Sosoenën Se Vaßaus O Upöm Teß

17 Soe ke ra napan varih to öt ne a ma moeh tah peo va po oeh vëh, kee koe a teß vamöhmöh. Soe ke raoe kee anoeh ko vaman ne e Sosoenën. Ee se koe a vaman a ma moeh tah vihvih varih se hat vëvëhöß ee. Ee se vaman ne e Sosoenën vëh to heßheß vapeo a rora sih a ma moeh tah vihvih, marën a heß vaeö a ra. 18 Eën se soe ke ra nap öt moniß vörep, kee nonok ne a taateß vih. Ko teß rakah me ne a ma taateß va pa vaßaus o upöm teß, ko teß vaeö ne pa heß a napan a ma tah me ee se vamatop tamoaan ne pa vaßaus raoe. 19 Ee se keh nonok va ne nën, ee to kokoek ne a ma tah vih, marën a vaßaus amot raoe manuh pa vöön pe Sosoenën. Ivëh, kee se onöt e ne pa kon o toßtoß vamaman rakah.

E Timotiß Se Ut Vavih Non Pa Kiu Peß

20 Timotiß, eën se ut vavih nom pa kiu vëh ne Sosoenën to heß voh a oah. Ko heß tonun nom a ma vu vaato vahok to vöknah ne o kokoman pe Sosoenën. Me eën se teß ke këh nom a napan varih to koman ne pan, ee to teß me ne o nat vih, me a napan to vaato vaheve suk ne o kokoman pe Sosoenën. 21 A ma pah teß to vavatet ne o vu nat pamëh, ivëh, ka ma paeh pee to këh varo voh ee po vaman.

Eöß to hinhin noß pan, e Sosoenën se ururuan a neöm.