2Cor 10 | TPZ | STEP | Eöß e Pöl, eöß to ihi vakis rakah e noß peöm. Eöß a teß no a ma meh teß to sosoe ne sih pan, o poen ne eöß to teß vaßpeh me a noß neöm, eöß to vöknah hah a noß. Ivëhkëk, o poen nöß to teß varo këh a no maß neöm, eöß to heßheß noß sih a soe eh manih po kiun nöß to kiun. Eöß to kehkeh vataare noß a taateß tö manih peöm, ko tooto amamot ke noß peöm. Vamanih pa ö ne Kristo to nok va voh.

aJer 9:24

2 Corinthians 10

E Pöl To Piun A Soe Pa Napan To Kehkeh Vöknah Ne A Kiu Peß

1 Eöß e Pöl, eöß to ihi vakis rakah e noß peöm. Eöß a teß no a ma meh teß to sosoe ne sih pan, o poen ne eöß to teß vaßpeh me a noß neöm, eöß to vöknah hah a noß. Ivëhkëk, o poen nöß to teß varo këh a no maß neöm, eöß to heßheß noß sih a soe eh manih po kiun nöß to kiun. Eöß to kehkeh vataare noß a taateß tö manih peöm, ko tooto amamot ke noß peöm. Vamanih pa ö ne Kristo to nok va voh. 2 Eöß to sosoe vakis rakah va ke noß peöm manih pan, eöm se teß vamatop nem. Eöß tomeß nö nös peöm ko heß a neöm ta ma soe kikis pö nöß se teß vaßpeh me a noß neöm. Eöß to koman e noß pan, eöß to onöt e noß pa heß a soe kikis peöß manih pa napan varih to koman ne pan, emöm to vavatet nem sih a ma taateß va po oeh vëh. 3 Oman, ea to teß no manih po oeh vëh, ivëhkëk, ea to hikta vavapus va no manih pa napan va po oeh vëh. 4 Emöm to hikta vavapus me nem a ma tah vavapus va po oeh vëh. Ahik. Emöm to öt nem a ma tah vavapus to teß me ne o kikis pe Sosoenën, pare antoen e ne pa miröß a kiikin eh va pa ma taateß hat va po oeh vëh. Emöm to kehkeh vöknah rakah nem a ma vu kokoman pa napan, 5 me a ma soe piuk varih to susunpip ne a hanan no a napan to kehkeh nat vavih koe ne e Sosoenën. Emöm me to susunpip e nem pa ma kokoman pa napan varih to vakihat me ne e Kristo, kee sih panih a ma kokoman pee, ko suk o iu pe Kristo. 6 Emöm to anoeh ro a no neöm, pan eöm se keh vataare em pemöm, pan eöm to iu vatet e nem pa ma soe kurus pe Kristo, a, emöm me to teß vamatop rakah e nem pa vakmis a napan varih o vatösoe.

7 Eöm se kiiki vavih pa ma tah varih nöm to ep in pa matëëneöm. Eöm se keh koman nem pan, eöm a napan vamaman pe Kristo, a, eöm se kokoman vavih, paröm koman vamanih pan, emöm me a napan pe Kristo, pamöm teß va e nem manih peöm. 8 Eß oman rakah, emöm to kë koman hah a nem, suk a tasun ne Sunön pea to heß voh a möm, marën a nok a kiu pamëh. Ivëhkëk, a tasun pamëh to nok a neöm, ko vaman peöm kikis, pareß hikta vöknah a non neöm. Keß a tah pamëh nöß to hikta se poet suk noß a soe vaßih nöß to nonok noß. 9 Ivëhkëk, eöm se nat nem koman nem pan, eöß to pupunöß e noß pa vaßnaöp a neöm manih pa ma kiun nöß to kinkiun ka noß nös neöm. 10 A ma pah teß to sosoe ne sih pan, “A ma kiun pe Pöl to teß me ne a ma soe apaßpuh kikis, pare tanih vaßpuh oah. Ivëhkëk, o poen neß to teß non manih pea, pareß vavaato me a rora, ka ep no eah to hikta teß eh non. Me eß to hikta nat vavih non pa taateß va pa vatvus a soe.” 11 O teß varih to nonok ne a ma soe to matan va ne manih, ee se nat va ne manih pan, emöm to hikta teß vaßpeh me nem a neöm manem kuru. Ivëh, nemöm to soe suk nös a tah pamëh manih pa ma kiun pemöm. Ivëhkëk, o poen nemöm se teß vaßpeh me a no neöm manem, emöm se vatvus em papaeh a tasun, nemöm to vavatvus voh nem manih pa ma kiun pemöm.

12 Emöm to hikta onöt nem a vatoe hah ëm me ro teß varih to haraß ne pan, ee ro teß susunön, pare këëkë koman hah a nee. Ahik. O teß poë varih to vavatoe koman hah a ne pa ma taateß koman pee, pare kiiki koman hah a ne pa ma taateß koman pee. O teß to nonok ne a ma taateß poë varih to teß va ne manih, po teß o pöh papön. 13 Ivëhkëk, emöm to hikta onöt nem a kë koman hah ëm, suk a ma tah to teß tavus këh ne a kiu nemöm to kon voh, ko nonok nem. Ahik. Emöm se kë koman varoe hah a nem, suk a ma kiu ne Sosoenën to kon voh, pareß heß a möm, kemöm nonok nem manih po upöm teß, me manih peöm. 14 E Sosoenën to vahoß voh en peöm paan a tasun, me a kiu neß to heß voh a möm. Ivëh, kemöm hikta se oah nem a ö neß to soe vavoh ka möm, pan emöm se kikiu aton nem pa vatvus a Soe Vih vëh to soe suk non e Kristo. Kemöm koman ivarih, to vatvus momoaan voh ka neöm a napan va Körin a Soe Vih pamëh. 15 Emöm to hikta apaßpon nem o pan pemöm, pamöm kë koman hah a nem, suk a ma kiu no upöm teß to nonok voh ne. Ahik. Emöm to kehkeh nok varoe ko nem a ma kiu varih ne Sosoenën to heß voh a möm, pan emöm se nonok nem, köm se ep, ko vaman peöm pu vakis maß. Köm sih vaßaus a kiu nemöm to nonok nem, keß tavus vaßpuh manih topnineöm. 16 Kemöm antoen me e nem pa vatvus a Soe Vih manuh pa ma vöön varih to teß oah ne na a vöön apuh peöm. Pamöm hikta iu kë koman hah a nem, suk a ma kiu no upöm teß to nok voh manih pa ma ö muhin po upöm teß. 17 Suk ataeah, a soe to teß non komön o Puk pe Sosoenën to soe va non manih pan,

“A teß se keh iu kë koman hah a non,
eß se kë varoe non a ëhnan e Sunön,
suk a ma tah neß to nonok non.” ^a
18 Ea to nat e no, pa teß vëh to haraß vaeö non sih, pareß kë koman hah a non, eß a teß pamëh, to hikta teß non to ëhnan manih pa matan e Sosoenën. Ivëhkëk, e Sosoenën se keh kë non a ëhnan ta pah teß, a, a teß ko pamëh, to teß me non o ëhnan manih pa matan e Sosoenën.