2Pe 1 | TPZ | STEP | Eöß e Saëmon Pitaß, a teß kikiu me e aposol pe Ieesuß Kristo. Eöß to kiun ka nös neöm a ma napan varih to kon vavih voh em po vaman. Ko vaman vaeh voh em, ko vaman peöm to teß eh va e non manih po vaman pemöm. Suk, e Ieesuß Kristo e Sosoenën pea to nok voh a tah totoopin pa ö neß to kon hah voh a ra.

2 Peter 1

E Saëmon Pitaß A Teß Kikiu Pe Ieesuß

1 Eöß e Saëmon Pitaß, a teß kikiu me e aposol pe Ieesuß Kristo.

Eöß to kiun ka nös neöm a ma napan varih to kon vavih voh em po vaman. Ko vaman vaeh voh em, ko vaman peöm to teß eh va e non manih po vaman pemöm. Suk, e Ieesuß Kristo e Sosoenën pea to nok voh a tah totoopin pa ö neß to kon hah voh a ra.

2 Eöß to hinhin noß pan, e Sosoenën se heß a neöm a taateß ururuan, me a taateß moomo se tavus vaßpuh manih pa ma toßtoß peöm. Suk eöm to nat vavih voh em pe Sosoenën me e Ieesuß, e Apuh pea.

E Sosoenën To Heß A Ra A Ma Heß Peß

3 E Ieesuß to teß me non o kikis pe Sosoenën, manih po kikis peß, eß to heß a ra a ma tah kurus na to kökööt no, pa vaeh o toßtoß pea, me pa vaßaus a ra pa teß vavih manih pa taateß pe Sosoenën. Ea to öt no a ma tah poë varih, suk ea to nat no eah. E Ieesuß to vaoe a ra pa teß hop manih pa ma kikis apuh peß, vaßpeh me a ma taateß vih peß manih pa napan. 4 Ko pöh kikis apuh avoeß pamëh, eß to heß koe voh a ra a ma tah apuh poë varih, me a ma heß vih varih neß to soe vaman voh. Köm se kon o toßtoß me a taateß koman pe Sosoenën, manih pa ma heß poë varih. Ivëh, ke eöm se rusin këh a ma iu hat peöm, me a ma taateß hat va po oeh vëh.

5 Eöm to öt vahik e nem pa ma heß poë varih, ivëh, ke eöm se kiu vakis pa vahop manih po toßtoß peöm a ma taateß varih, manih po vaman peöm, eöm se vahop a taateß vih peöm manih po upöm teß, ka manih pa taateß vih peöm manih po upöm teß, eöm se vahop o nat peöm, 6 ka manih po nat peöm, eöm se vahop a taateß va pa matop o iu va pa sionineöm, ka manih pa taateß va pa matop o iu va po sionineöm, eöm se vahop a taateß anoeh, ka manih pa taateß anoeh, eöm se vahop a taateß va pa nok a kiu pe Sosoenën, 7 ka manih pa taateß va pa nok a kiu pe Sosoenën, eöm se vahop maß a taateß kamöß manih pa ma kea me vameneöm pa ëhnan e Kristo, ka manih pa taateß kamöß pamëh, eöm se vahop a taateß iu teß. 8 Eöm se keh öt kurus e nem pa ma taateß poë varih, kee pupu ne manih po toßtoß peöm, ee se vaßaus a neöm, köm tavus pa nok a ma tah vih, ka kiu peöm se kon taëën vapeo en manih po nat peöm manih pe Ieesuß Kristo. 9 Ivëhkëk, a teß se keh hikta öt non a ma taateß poë varih, eß to hikta onöt non a ep vamaaka, eß a kehoß. Ko anoe voh en pa ö ne Sosoenën to vavoon voh poan, keß këh a ma hat moaan voh peß.

10 Kën kea me ma vamen, eöm se punöß vakis pa nat pan, e Sosoenën to vateß ko vaoe voh en peöm, keß ahik. Ivëh, ke eöm se keh nonok e nem pa ma taateß vih poë varih, ke eöm to hikta onöt nem a kuß. 11 E Sosoenën se anoeh vavih e non peöm, köm onöt e nem pa hop manih pa matop vih teßteß tamoaan pe Apuh pea, e Ieesuß Kristo, a Teß to kon hah voh a ra.

12 Eöm to nat voh em pa ma tah poë varih, me eöm to teß vakis rakah e nem manih pa soe man. Ivëhkëk, eöß se vaßaus tamoaan e noß peöm köm se kokoman hah nem raoe. 13 Eöß to koman noß pan, eß to vih e non peöß pa vaßaus a neöm, köm kokoman hah a ma taateß vih poë varih, eöß he teß toßtoß avoeß e noß po sionin vëh. 14 Eöß to nat e noß, a siß ö keöß këh eöß po sionin vëh, vamanih pa ö ne e Ieesuß Kristo e Apuh pea to vataare va voh ka neoß. 15 Ivëh, köß kiu vakis noß pa soe vavih ka neöm, ke eöm se antoen nem pa kokoman hah a ma taateß vih kurus poë varih, murin in a ö nöß se keh mët eoß.

O Aposol To Ep Voh O Maaka Pe Kristo

16 Po poen nemöm to soe voh ka neöm a ö no e Apuh pea Ieesuß Kristo se nö hah me maß o kikis apuh. Emöm to hikta sosoe voh ka no neöm ta ma vöhioß ep vavih, no a meh teß to nok, ko vahutët. Ivëhkëk, emöm koman to ep voh em po kikis apuh pe Ieesuß pa matëënmöm. 17 E Ieesuß to tënan voh en pa rivon e Sosoenën to teß me non o Kikis to Apuh Oah non a ma kikis kurus, pa ö neß to kon o ëhnan apuh me o maaka to taneß maß pe Sosoenën Taman. E Sosoenën to soe vamanih pan, “Eß vaßih e Koaß peöß, neöß to iu vi rakah noß eah, me eöß to vaeö rakah noß eah.” 18 Emöm to tënan a rivon e Sosoenën to vaato taneß maß manuh pa vöön va kin, pa ö nemöm to teß vaßpeh me voh nem e Ieesuß manuh pa tope vasioß.

19 Ivëh, kemöm to vaman vaeh e nem pa ma soe no teß vanënën soe to heß voh. Eß to vih non peöm se vavatet vavih nem a ma soe nee to soe, vamanih peöm to vavatet nem o maaka to ëman non pa ö popoen. Keß öök pa ö no maaka se tavus maß, ka toviaß se tavus manih pa ma kupu peöm. 20 Eß to vih oah non pan, eöm kurus se maaka nem a tah vëh. Ahikta pah soe vanënën to taneß no maß po Puk pe Sosoenën manih po kokoman pa teß vanënën soe koman. 21 Ahikta pah soe vanënën to taneß maß pa tah no a teß to iu soe non. Ivëhkëk, a Tuvuh Vasioß koman to toon o kokoman pa teß, keß vavatvus non a soe to taneß maß pe Sosoenën.