Hebrews 10

A Ma Heß Vamoaan To Hikta Vahik Non A Ma Hat

1O Vavaasis pe Mosës to teß vavoh non manih po vëknöm akuk in a ma tah se tavus amot maß. Ivëhkëk, a ma heß varih nee to heßheß ne pa ma pah kirismas hikta onöt ne a vavivihan o teß varih to nö ne manuh pe Sosoenën pa vasunön eah. 2A vönaß ës se keh onöt e non pa vavoon a ma napan, ivëh, ko teß ësës heß hikta se ësës hah ne o vönaß. E Sosoenën se keh ihan anoe rakah en pa ma taateß hat pa napan kurus varih to nönö ne maß pa vasunön eah, a, a napan poë varih se tavus vavoon ee pa pah heß ro, pare hikta se teen hah ne ta hat. 3Ivëhkëk, a ma heß poë varih nee to heßheß ne pa ma pah kirismas pa vahik a ma hat pee, a ma heß poë varih to soe vanat hah varoe non raoe a ma hat pee. 4Suk o eraß pa meemeß keß a purmakaöß to hikta onöt non a vahik këh raoe a ma hat pee. 5Ivëh, ka tëëm ne Kristo to iu nö voh non maß po oeh vëh, eß to soe ke Tamön a soe vëh no a teß vanënën soe to kiun voh, ko soe pan,

“Eën to hikta iu hah nom o eraß va pa vönaß no a teß ësës heß se heß vamanih pa ma vu heß.
Ivëhpëhkëk, eën to heß a neoß o sionin vamanih po heß va pa vahik a ma hat pa napan.
6Eën to hikta vaeö hah me nom o vönaß varoe nee to ësës ne manuh pa pok vapenpen,
vamanih po heß va pa vahik a ma hat.
7Kuru eöß to soe vamanih,

‘Eöß ivëh e Ieesuß, se vatet eoß po iu pën, Sosoenën.
Vamanih pa ö nee to kiun suk vavoh ka neoß po Puk Vapenpen.’” ^a
8Eß to soe momoaan en pan, eß to hikta iu hah non a ma vönaß nee to ësës ne manih pa pok vapenpen, vamanih po heß va pa vahik a ma hat. Eßeß to soe ro voh en, ivëhkëk, o Vavaasis pe Mosës to soe vakis avoeß e non pan, eße se ësës vönaß avoeß e ne. 9Pareß vapöök soe ken pe Sosoenën pan, “Eöß se vatet eoß pa ma tah nën to iu nom.” Ivëh, ke Sosoenën to vahik en pa taateß vamoaan va pa ës o vönaß, pareß vateß varuß en po heß voon va pa vahik a ma hat pa napan. 10E Ieesuß Kristo to vatet voh o iu pe Sosoenën, pö neß to heß a sionineah, ko mët suk a ra pa paeh tëëm ro. Ivëh, ka tavus ee o teß vivihan.

11O teß ësës heß po Jiuß to susun ne pa nok a kiu pa ma poen kurus. Ivëhkëk, o vönaß poë varih nee to heßheß ne vamanih po heß to hikta se vahik non a ma hat pa napan. 12Ivëhpëhkëk, e Ieesuß to heß paeh ro voh ea vamanih po heß, to teß vih oah e non pa taateß va pa ës o vönaß, pa ö neß to mët ko sun hah, pareß ihoß non pa papmatö pe Sosoenën. Suk a kiu va pa voen hah a ra to hik en. 13Kuru e Ieesuß to ihoß non pa papmatö pe Sosoenën, pareß anoeh avoeß e non po poen ne Sosoenën se vahoß o teß varih to vakihat me ne poë, kee vapaan ke ne poë. 14Ivëh, ke Ieesuß to mët a paeh tëëm ro, ka tah pamëh to nok a ma napan, kee tavus ee o teß vivihan va pa ma tamoaan.

15A Tuvuh Vasioß to soe tavus momoaan voh en manih po Puk Vapenpen pan,

16“E Sosoenën to soe pan, ‘Ivaßih o vatompoan nöß se nok me raoe.
Amot nöß se kiun a ma taateß peöß manih po kokoman pee.
Me eöß se vahoß manih po toßtoß pee.’” ^b
17Pareß sosoe avoeß e non pan,

“Eöß hikta se koman hah noß a ma hat pee me a taateß vatösoe pee.” ^c
18Ivëh, ka taateß va pa ës o vönaß va pa vahik a ma hat, ne Sosoenën to hikta iu hah non. Suk a ö neß to ihan anoe vahik voh en pa ma hat poë varih.

Ea Se Huk Vatët Manuh Pe Sosoenën

19Ivëh, kën kea, manih pa mët pe Ieesuß, ea to teß me no po vaman, ko hikta se naöp no a huk vatët manuh pa ö vapenpen oah teßteß pe Sosoenën. 20Moaan voh o rara to han pip voh non a ö teßteß pe Sosoenën koman a Iuun Hinhin Apuh. O rara pamëh to tasi vakëh po poen ne Ieesuß to mët pa kuruse. Ivëh, ke Ieesuß to peret ka ra a hanan voon va pa huk vatët manuh pe Sosoenën, pa ö neß to mët ko sun hah, pareß teß toßtoß tamoaan e non. 21Ivëh, ka teß me e no pa Teß Susun po Teß Ësës Heß to matop a rora a napan pe Sosoenën. 22Ivëh, ka se huk vatët ee manuh pe Sosoenën, me o vaman kikis, vaßpeh me o pöh kokoman, suk o toßtoß pea to voon va en manih pa ö na to vahu pa ruen maaka. 23Ea se öt vakis o vaman pea ko anoeh no o vaßaus pe Sosoenën, suk ea to vaman no a ö neß se suk en pa soe man peß. 24Ea se koman no a ma meh teß pea va po vaman, ko vakikis hah a no, para nok a taateß iu teß, me ea se nok a ma taateß vih manih pa topniira. 25Ea se koe a vakah a taateß teß vatönun pa vasunön e Sosoenën pa taateß hin vamanih pa ö no upöm teß to nonok va ne sih. Ivëhpëhkëk, ea se vakikis a ma meh teß pea va po vaman, ka se teß kikis no po vaman, ko anoeh no o Poen apuh ne Ieesuß Kristo se nö maß pa kiiki a ma napan.

26Ahik hah ta hanan va pa vahik a hat pa ö na to nat e no pa soe man na to kon voh ee. Ivëhpëhkëk, ea se keh heß tonun avoeß e no pe Ieesuß, me a Tuvuh Vasioß, ka hik hah ta meh hanan va pa vahik a hat pamëh. 27Ivëh, ka ma teß to pënton voh ee pa soe vih pe Sosoenën, pare heß tonun avoeß e ne, a napan poë varih ne Sosoenën se kiiki en pee, suk a ma taateß hat pee. Ka nap hat vatösoe ne Sosoenën se vanö en pee po suraß ësës tamoaan. 28O teß to vatösoe ne, ko hikta vavatet ne o Vavaasis pe Mosës, ivëh ka pöök, keß a kukön teß nat i raoe, pare vavatët raoe manih po teß pëpënton vahutët, kee ip vamët ee pee, me ahik to ururuan. 29E Sosoenën se poß nok vah va in a teß vëh nih no eraß pe Ieesuß to vavoon poan, keß heß tonun e Koaß pe Sosoenën, me a vaörakuk o eraß pe Ieesuß, me a Tuvuh Vasioß? A teß pamëh se kon kamis oah rakah, suk a taateß vatösoe peß. 30Ea to nat e no pa soe ne Sosoenën to soe voh manih po Puk Vapenpen, pareß soe pan,

“Eöß se vakmis o teß varih to nonok ne a ma hat,
parö piun koman eoß pa ma hat pee.” ^d
Pareß soe pet en pan,

“E Sunön koman se kiiki a ma hat pa napan peß.” ^e
31Ivëh, ka soe pamëh to vaßnaöp non a napan ne Sosoenën toßtoß tamoaan se keh öt raoe ko vateß raoe po vahutët.

32Eöm se nat nem anoe a ma poen vamoaan, moaan voh ne eöm to nat e nem pa soe pe Sosoenën, paröm panih a ma taateß hat peöm, a taateß panih peöm nöm to kon kamis suk voh em. Ivëhkëk, eöm to öt vakis voh em po vaman peöm. 33A ma pöh poen nee to vasun voh a neöm pa matëëra napan pa vöknah a neöm, ko vakmis a neöm. Ka ma meh poen me nöm to teß hop voh e nem pa ma teß varih, nee to nonok vahat ne raoe. 34Ivëh, köm kon kamis vaßpeh me voh em po teß nohnoh, paröm teß vaeö e nem, po poen vëh ne to kon këh a neöm a ma tah nöm to vaneah nem. Peß eöm to nat e nem pa tah vih, ivëh, o toßtoß tamoaan to anoeh e non maß peöm manuh pa vöön va kin. 35Ivëh, köm se koe a vakah o vaman peöm manih pe Ieesuß, suk ataeah, e Sosoenën se heß amot en peöm po voen apuh va pa vöön va kin. 36Eöm se teß me nem a taateß anoeh pa ö nöm to vatet nem o iu pe Sosoenën. Ivëh, ke eöm se kon em pa ma tah neß to soe vaman voh ka neöm. 37Ivëh, ke Sosoenën soe vamanih komön o Puk Vapenpen pan,

“Eß hikta se teß rë non, ka teß vëh ne Sosoenën to vateß se nö en maß.
38A napan peöß varih to vavatet ne a taateß totoopin,
ee se teß toßtoß tamoaan e ne, suk eße to öt vakis ne o vaman pee.
Ivëhkëk, a paeh va pee se keh tarih hah manuh pa ma taateß moaan peß,
ko heß tonun a neoß,
eöß hikta se teß vaeö vaßpeh hah me noß eah.” ^f
39Ivëhkëk, ea hikta teß hop no po teß varih to ahah ne pa ma taateß moaan pee. Ee se ro po suraß ësës tamoaan. Ivëhpëhkëk, ea to teß me no o vaman manih pe Ieesuß, keß kon hah en pea.