Mic 4 | TpiKJPB | STEP | ¶ Tasol long ol las de em bai kamap olsem, long maunten bilong hauslain bilong BIKPELA bai kamap strong long antap bilong ol maunten, na em bai kisim biknem antap moa long ol liklik maunten. Na ol manmeri bai ran i go olsem wara insait long en.

Micah 4

1 ¶ Tasol long ol las de em bai kamap olsem, long maunten bilong hauslain bilong BIKPELA bai kamap strong long antap bilong ol maunten, na em bai kisim biknem antap moa long ol liklik maunten. Na ol manmeri bai ran i go olsem wara insait long en. 2 Na planti kantri bai kam, na tok, Kam, na yumi go antap long maunten bilong BIKPELA, na long haus bilong God bilong Jekop. Na Em bai skulim yumi long ol rot bilong Em, na yumi bai wokabaut insait long ol liklik rot bilong Em. Long wanem, lo bai go ausait long Saion, na tok bilong BIKPELA long Jerusalem. 3 Na Em bai jasim namel long plant manmeri, na hatim ol strongpela kantri i stap longwe tru. Na ol bai paitim paitim ol bainat bilong ol i kamap ol hap ain bilong tanim graun, na ol spia bilong tromoi bilong ol i go ol huk bilong stretim diwai. Kantri bai i no inap litimapim wanpela bainat bilong birua long narapela kantri, na tu ol bai i no inap lainim bikpela pait moa liklik. 4 Tasol ol bai sindaun, olgeta wan wan man, aninit long rop wain bilong em na aninit long diwai fik bilong em. Na i no gat wanpela husat bai mekim ol i pret. Long wanem, maus bilong BIKPELA bilong ol ami i bin tok olsem. 5 Long wanem, olgeta manmeri bai wokabaut olgeta wan wan insait long nem bilong god bilong em, na yumi bai wokabaut insait long nem bilong BIKPELA, God bilong yumi, oltaim oltaim na oltaim. 6 Long dispela de, BIKPELA i tok, bai Mi bungim meri husat i wokabaut kranki, na Mi bai bungim meri husat ol i ranim i go ausait, na meri husat Mi bin givim hevi. 7 Na Mi bai mekim meri husat i wokabaut kranki wanpela hap lain i stap yet, na meri husat ol i bin tromoi i go longwe tru wanpela strongpela kantri. Na BIKPELA bai bosim kingdom long ol long maunten Saion i stat long dispela taim, yes, oltaim oltaim. 8 ¶ Na yu, O taua bilong lain sipsip, strongpela ples hait bilong pikinini meri bilong Saion, long yu bai dispela i kamap, yes, namba wan ples king i bosim. Kingdom bai kam long pikinini meri bilong Jerusalem. 9 Nau bilong wanem yu singaut bikpela? Ating i yes long i gat wanpela king insait long yu? Ating man bilong givim tok helpim bilong yu i dai olgeta? Long wanem, ol strongpela pen i bin kisim yu olsem wanpela meri i hatwok long karim pikinini. 10 Stap long pen, na hatwok long karim, O pikinini meri bilong Saion, olsem wanpela meri i hatwok long karim pikinini. Long wanem, nau bai yu go ausait long dispela biktaun, na yu bai stap long ples kunai, na yu bai go, yes, long Babilon. Long dispela hap bai Mi kisim bek yu. Long dispela hap BIKPELA bai baim bek yu long han bilong ol birua bilong yu. 11 Nau tu planti kantri i bung bilong birua long yu, husat i tok, Larim em i kamap doti, na larim ai bilong mipela i lukluk antap long Saion. 12 Tasol ol i no save long ol tingting bilong BIKPELA, na tu ol i no kisim save long tok helpim bilong Em. Long wanem, Em bai bungim ol olsem ol han wit i go long dispela plua. 13 Kirap na klinim wit, O pikinini meri bilong Saion. Long wanem, Mi bai mekim kom bilong yu ain, na Mi bai mekim ol fut bilong bulmakau bilong yu bras. Na yu bai paitim paitim planti manmeri i kamap planti hap hap. Na Mi bai mekim holi win mani bilong ol i go long BIKPELA, na ol samting tru bilong ol i go long Bikpela bilong dispela graun olgeta.